Türkiyə prezidenti Rəcəb Tayyib Ərdoğan

Ərdoğan Yeni Zelandiyada baş verənlərə reaksiya verdi

87
(Yenilənib 12:23 15.03.2019)
Ölkədə ən yüksək dərəcəli təhlükəsizlik rejimi elan edilib

BAKI, 15 mart — Sputnik. Türkiyə prezidenti Rəcəb Tayyib Ərdoğan Kraystçerç şəhərində məscidlərdə baş verən terror aktları ilə bağlı İslam dünyası və Yeni Zelandiya xalqına başsağlığı verib. Sputnik Azərbaycan xəbər verir ki, bu barədə məlumat Ərdoğanın rəsmi "Twitter" səhifəsinə yerləşdirib. 

O, qeyd edib ki, bu terror aktları dünyada irqçilik və islamafobiyanın artmasına nümunədir.

Xatırladaq ki, Yeni Zelandiyanın baş naziri Casinda Ardern hazırda Kraystçerç şəhərində yerləşən məscidlərə silahlı hücumla bağlı ölkənin yüksək rütbəli məmurları ilə brifinq keçirib. 

Ardern xalq müraciətində qeyd edib ki, bu Yeni Zelandiyanın ən qara günlərindən biridir. Onun sözlərinə görə, ölkədə ən yüksək dərəcəli təhlükəsizlik rejimi elan edilib.

Qeyd edək ki, Yeni Zelandiyanın Kraystçerç şəhərində yerləşən iki məsciddə atışma nəticəsində 49 nəfər ölüb. Hazırda xəstəxanada 48 nəfərin olduğu bildirilir. 

Bu arada, hadisəni ultrasağçı Avstraliya vətəndaşının törətdiyi məlum olub. Onun Avstraliyanın Qrafton şəhərinin sakini Brenton Tarrant adlı şəxs olduğu bildirilir.

"New Zealand Herald" nəşri yazır ki, onun 28 yaşı var. Cinayətkar daha əvvəl öz məramları barədə danışdığı 37 səhifəlik "manifest" paylaşıb. Artıq "Twitter" sosial şəbəkəsi Brenton Tarrantın səhifəsini bağlayıb.

87
Teqlər:
Yeni Zelandiya, Rəcəb Tayyip Ərdoğan
Əlaqədar
Ölənlərin sayı 40-a çatdı, baş nazir xalqa müraciət edir
Onlarla müsəlmanı qətlə yetirən şəxsin adı məlum oldu
Rusiya millisinin hücumçusu Artyom Dzyuba (ön planda) və Belçika millisinin müdafiəçisi Tobi Alderveyreld

Rusiya millisinin futbolçuları AVRO-2020-nin startında Belçikaya uduzdular

5
(Yenilənib 01:10 13.06.2021)
Romelu Lukakunun dublu və Tom Menyenin qolu sayəsində belçikalılar AVRO-2020-də ilk oyunu qazanaraq B qrupunun lideri oldular.

Rusiya millisinin futbolçuları Avropa çempionatının qrup mərhələsindəki start oyununda Belçika komandasına uduzublar.

Sankt-Peterburqda keçirilən B qrupunun oyunu belçikalıların 3:0-lıq qələbəsi ilə yekunlaşıb.

Romelu Lukaku dubl edib (10-cu və 88-ci dəqiqələr), bir qol da Tom Menye (34-cü dəqiqədə) vurub. 

Rusiya turnirdəki növbəti matçını Sankt-Peterburqda iyunun 16-da Finlandiyaya qarşı keçirəcək. Belçikalılar bir gün sonra Kopenhagendə Danimarka millisi ilə oynayacaqlar.

 

5
Danimarka yığmasının yarımmüdafiəçisi Kristian Erikssen və Finlandiya millisinin havbeki Qlen Kamara AVRO-2020 matçında

Kristian Erikssen AVRO-2020-də Finlandiya ilə Danimarka oyununun ən yaxşısı seçildi

123
(Yenilənib 00:28 13.06.2021)
Avropa çempionatının təşkilat komitəsi oyun zamanı huşunu itirən futbolçunu dəstəkləmək qərarına gəlib.

Danimarkalı yarımmüdafiəçi Kristian Erikssen futbol üzrə Avropa çempionatının Finlandiya ilə Danimarka arasında keçirilən oyununun ən yaxşı futbolçusu seçilib. Bu barədə UEFA-nın saytında bildirilir.

Rusiya millisinin B qrupundakı rəqiblərinin oyunu şənbə günü Kopenhagendə başlayıb və 1:0 hesabı ilə finlərin xeyrinə başa çatlb.

Birinci taymın lap sonunda danimarkalıların yarımmüdafiəçisi Kristian Erikssen meydançada huşunu itirib. Bir neçə dəqiqə ərzində həkimlər ona ilkin yardım göstərib, ürəyini bilvasitə masaj ediblər. Sonra 29 yaşlı futbolçunu pərdəli xərəkdə tribunaların altındakı otağa aparıblar. Komandalar da onun ardınca gediblər.

Bir qədər sonra UEFA bəyan edib ki, oyunçu klinikadadır, özünə gəlib, vəziyyəti sabitdir. Matç təxminən iki saat sonra, Bakı vaxtı ilə 22:30-da davam etdirilib.

123