Uşaqlar Afrinin küçələrində oynayırlar

Azərbaycandan Suriya üçün kömək istəyirlər

2824
(Yenilənib 21:41 12.03.2019)
Rusiyalı politoloq: Azərbaycan öz ayaqları üstündə dayanan ölkə olaraq Suriyaya yardım etməlidir

Aleksandra Zuyeva, Sputnik Azərbaycan

BAKI, 12 mart — Sputnik. Suriyaya yardımı təkcə Rusiya və Azərbaycan etməməlidir. Bu problem maraqlı olan bütün dünya ictimaiyyəti çərçivəsində həllini tapmalıdır. Bunu Sputnik Azərbaycan-a postsovet məkanı ölkələrinin Suriyaya necə yardım etməli olduğu barədə sualı cavablandırarkən politoloq, Moskva Dövlət Beynəlxalq Münasibətlər İnstitutunun Avropa hüququ kafedrasının dosenti Nikolay Topornin deyib.

Daha əvvəl Suriya prezidenti Bəşər Əsəd Çin Xalq Respublikasının xarici işlər nazirinin köməkçisi Çen Syaodunla görüşündə ölkəsinin iqtisadi blokadada olduğunu bəyan edib.

Toporninin sözlərinə görə, Rusiya da, Azərbaycan da, postsovet məkanının digər ölkələri də Suriyaya kömək etməlidir. Humanitar böhrana məruz qalmış ölkə və xalqları dəstəkləmək zərurətini hələ heç kəs inkar etməyib.

Ekspertin sözlərinə görə, Suriya hazırda təkcə iqtisadi blokadada deyil, o, ilk növbədə humanitar böhrandadır. Onun dediyinə görə, vətəndaş müharibəsi, "İslam dövləti" radikal terror qruplaşması (İŞİD) silahlılarının fəaliyyəti, ölkə ərazisində baş verən genişmiqyaslı hərbi əməliyyatlar demək olar ki, bütün şəhərlərdə infrastrukturu dağıdıb.

"Əlbəttə ki, postsovet məkanı ölkələri Suriya və onun xalqına bu ağır dövrü keçməyə yardım etməlidir" - deyən politoloq əlavə edib ki, Rusiya bu gün artıq Suriyaya ciddi yardımlar edir, ora ərzaq məhsulları, tibbi ləvazımatlar, ilkin zəruri mallar göndərir.

"Amma başa düşmək lazımdır ki, təkcə Rusiyanın sərf etdiyi güc Suriya Ərəb Respublikasının şəhər, kənd və yaşayış məntəqələrinin hamısının bütün infrastrukturunu bərpa etməyə kifayət eləmir. Bütün beynəlxalq ictimaiyyətin köməyinə ehtiyac var. Hazırda bu barədə "Astana prosesi" çərçivəsində və digər meydançalarda danışıqlar gedir" - Topornin deyib.

Onun fikrincə, hətta Rusiya kimi böyük bir ölkə belə təkbaşına Suriyanı bərpa etmək gücündə deyil.

Ekspertin qeydinə görə, bu gün qlobal siyasət Suriyanın dirçəlişinin baş verməsi üçün ona zəruri humanitar yardımların edilməsi üzərində qurulmalıdır. Eyni zamanda bu ölkənin infrastrukturunun qurulmasına investisiyalar ayırmaq barədə düşünülməlidir.

Topornin hesab edir ki, Avropa bu gün onun ərazisində olan Suriya qaçqınlarının gələcəkdə öz evlərinə qayıtmasına şəraitin yaradılmasında maraqlıdır.

"Odur ki, Suriyanın bərpasına təkcə postsovet ölkələri deyil, Almaniya, Fransa, Böyük Britaniya, İspaniya, İtaliya kimi belə yardımlar etmək gücündə və marağında olan ölkələr cəlb edilməlidir" - politoloq deyib.

Topornin həmçinin qeyd edib ki, bu prosesə Çin, ABŞ, Səudiyyə Ərəbistanı və Yaxın Şərqin digər varlı ölkələri də cəlb edilməlidir. İqtisadçı əmindir ki, dünya ictimaiyyəti ölkəni bərpa etmək üçün Suriyaya sistemli və məqsədyönümlü yardım göstərməlidir.

"Rusiya artıq bunu edir: ciddi siyasi-diplomatik iş aparır, Suriya tərəfi ilə daimi əlaqə saxlayır, Suriyanın bərpasında iştirak etməkdə maraqlı olan şəxslər və təşkilatlarla görüşür" - deyən Sputnik Azərbaycan-ın həmsöhbəti onu da vurğulayıb ki, proses çətindir və heç kəs elə-belə pul verməyəcək.

Ekspertin fikrincə, indi Suriyanın Konstitusiya islahatlarına getməsini gözləmək lazımdır. Bunun nə dərəcədə mümkün olacağı, ölkənin daxilindəki razılaşmadan asılıdır. Çünki hazırda ölkənin ayrı-ayrı hissələrində münaqişə davam edir. İŞİD praktiki olaraq məhv edildiyindən, hazırda razılaşmaların əldə olunması üçün böyük imkanlar yaranıb. Amma nə qədər ki, Konstitusiya prosesi hələ davam edir, böyük dövlətlər Suriyanın bərpası məsələsi ilə məşğul olmayacaqlar.

Topornin hesab edir ki, öz ayaqları üstündə dayanan ölkə olaraq Azərbaycanın Suriyanın bərpasına kömək etmək imkanı var. Amma yenə də, yardımı təkcə Rusiya və Azərbaycan deyil, bu problemin həllində maraqlı olan bütün dünya ictimaiyyəti etməlidir.

2824
Çap maşını, arxiv şəkli

Çin jurnalistlərini ölkədən çıxaran ABŞ-a "cavab zərbəsi" hazırlayır

5
(Yenilənib 17:02 04.08.2020)
"Global Times" qəzetinin baş redaktoru Xu Sitszin: "ABŞ tərəfinin jurnalistlərin vizasını uzatmadığını nəzərə alan Çin, ən pis ssenariyə hazırlaşır"

BAKI, 4 avqust — Sputnik. Çin Xalq Respublikası "ən pis ssenari"yə hazırlaşır. Çünki çinli jurnalistlərin hamısının ABŞ-ı tərk etməsi lazım gələcək. Bu barədə məlumatı "Global Times" qəzetinin baş redaktoru Xu Sitszin verib. Onun sözlərinə görə, bu halda Pekin cavab tədbirləri, o cümlədən Honkonqda yerləşən amerikalı jurnalistlərə qarşı tədbirlər görəcək.

"ABŞ tərəfinin Çin jurnalistlərinin vizasını uzatmadığını nəzərə alan ÇXR tərəfi ən pis ssenariyə hazırlaşır. Çünki Çin jurnalistlərinin hamısının ABŞ-ı tərk etməsi lazım gələcək. Bu halda Çin cavab zərbəsi endirəcək və Honkonqda yerləşən amerikalı jurnalistlərlə bağlı müvafiq tədbirlər görəcək", - deyə baş redaktor "Twitter"-də yazıb.

RİA Novosti xəbər verir ki, ABŞ-la Çin arasında ziddiyyətlər koronavirus epidemiyasının KİV-də işıqlandırılması ilə əlaqədar kəskinləşib.

ABŞ Çinin bir sıra dövlət KİV-dən Amerika ərazisində fəaliyyət göstərən jurnalistlərin sayını azaltmağı tələb edib ki, bu da 60 jurnalistin faktiki olaraq ölkədən çıxarılmasına səbəb olub.

Çin isə öz növbəsində "New York Times", "Wall Street Journal" və "Washington Post" qəzetlərinin ÇXR ərazisində fəaliyyət göstərən amerikalı müxbirlərinə qarşı jurnalist vəsiqələrini təhvil vermək tələbini irəli sürüb. Həmçinin ABŞ-dan olan jurnalistlərin ölkəni tərk etməsi tələb olunub.

5
 Koronavirus qarşı peyvənd, arxiv şəkli

COVID-19 vaksininin uşaqlar üzərində sınaqlarının tarixi məlum olub

131
(Yenilənib 16:00 04.08.2020)
Sınaqlar qışda başlayacaq çünki böyüklər üzərində koronavirus peyvəndi testlərinin üçüncü mərhələsi təxminən beş ay davam edəcək. Sınaqlarda təxminən iki min insan iştirak edəcək.

BAKI, 4 avqust — Sputnik. Rusiyanın Qamaleya adına Milli Tədqiqat Mərkəzi COVID-19 peyvəndinin uşaqlar üzərində tədqiqinə gələn ilin yanvar-fevral aylarında başlamağı planlaşdırır.

Sputnik Azərbaycan RİA Novosti-yə istinadən xəbər verir ki, bu barədə mərkəzin direktoru Aleksandr Gintsburq bildirib.

"Biz bu sənəd paketini işləyib hazırlamağa başlamışıq, çünki institut heç vaxt uşaqlar üzərində sınaq aparmayıb. Pediatrlar bu xüsusiyyətləri bilirlər və biz onlarla birlikdə Səhiyyə Nazirliyinə təqdim edəcəyimiz sənədlər paketini yazırıq ki, uşaqlar üzərində bunu həyata keçirə bilək – amma yalnız böyüklər üzərində bütün tədqiqatları bitirdikdən sonra", - Ginsburq bildirib.

Onun sözlərinə görə, sınaqlar qışda başlayacaq, çünki böyüklər üzərində koronavirus peyvəndi testlərinin üçüncü mərhələsi təxminən beş ay davam edəcək. Sınaqlarda təxminən iki min insan iştirak edəcək.

Koronavirusa qarşı Rusiya peyvəndinin sınaqları

Bundan əvvəl Rusiya Səhiyyə naziri Mixail Muraşko Qamaleya adına Milli Epidemiologiya və Mikrobiologiya Tədqiqat Mərkəzi tərəfindən hazırlanmış peyvəndin klinik sınaqlarının başa çatdığını elan edib.

O, hökumətin oktyabrda kütləvi peyvəndləmə aparmaq niyyətində olduğunu vurğulayıb. Peyvəndlər ilk növbədə "xüsusi qruplar"nın nümayəndələrinə – tibb işçilərinə və müəllimlərə veriləcək.

Mütəxəssislər preparatı Müdafiə Nazirliyi ilə birgə işləyib hazırlayıblar. İyulun sonunda hərbi hospitaldan sınaqlarda iştirak etmiş 20 könüllünün ikinci qrupu buraxılıb. Onların hər birində immun reaksiya yaranıb, heç bir yan təsir və ya ağırlaşma aşkar edilməyib.

"Vektor" mərkəzi də öz vaksininin klinik sınaqlarını həyata keçirməyə başlayıb. Bu vaksinin istehsalı noyabrda başlaya bilər.

131
Пульты дистанционного управления телевизором, фото из архива

MTRŞ: “Space” telekanalının yayımı 3 saat dayandırılacaq

0
(Yenilənib 18:28 04.08.2020)
“Space” televiziya kanalının efirində 10 avqust 2020-ci il tarixdə proqramların yayımının 3 saatlıq müddətədək (saat 08:00-dan saat 11:00-dək) dayandırılması haqqında qərar qəbul edilib.

BAKI, 4 avqust — Sputnik. Milli Televiziya və Radio Şurasının (MTRŞ) videoformatda iclası keçirilib.

MTRŞ-dan APA-ya verilən məlumata görə, iclasda 20 – 31 iyul 2020-ci il tarixlərində ümum-ölkə televiziya kanallarının monitorinqinin nəticələri müzakirə olunub.

23 iyul 2020-ci il tarixdə “Space” televiziya kanalının efirində saat 19.00 – 20.00 arası müddətdə 20 dəqiqə 48 saniyə reklam yayımlanması ilə “Televiziya və radio yayımı haqqında” Azərbaycan Respublikasının Qanununun 35.7-ci maddəsinin tələbləri pozulub.

Qanunun 23.1-ci maddəsini rəhbər tutaraq “Space” televiziya kanalının efirində 10 avqust 2020-ci il tarixdə proqramların yayımının 3 saatlıq müddətədək (saat 08:00-dan saat 11:00-dək) dayandırılması haqqında qərar qəbul edib.

0