Güclü külək, sahilə çırpılan dalğalar

İngiltərədə hava şəraitinin kəskin dəyişməsi bir sıra problemlər yaradıb

40
(Yenilənib 23:11 10.03.2019)
Natfild və Surey bölgələrində elektrik kabellərinin qırılması nəticəsində bir müddət elektrik enerjisinin verilməsi dayandırılıb

BAKI, 10 mart - Sputnik. İngiltərədə hava şəraitinin kəskin dəyişməsi nəticəsində bir sıra problemlər yaranıb.

AƏRTAC xəbər verir ki, güclü külək nəticəsində Kent və Vestvud Kross şəhərlərində yaşayış binalarının və supermarketlərin dam örtüyü uçub. Həmçinin bəzi yollarda ağaclar aşaraq nəqliyyatın hərəkətinə maniyə yaradıb.

Natfild və Surey bölgələrində elektrik kabellərinin qırılması nəticəsində bir müddət elektrik enerjisinin verilməsi dayandırılıb.

Polis tərəfindən əhaliyə olunan çağırışda yollarda diqqətli olmaları və hər hansı bir hadisə ilə qarşılaşdıqda onlara məlumat vermələri xahiş olunub.

40
Ermənistanın Rusiyadakı səfiri Vardan Toqanyan

Dağlıq Qarabağda yaşayan ermənilərin təxliyəsi planı üzərində gedir - Səfir Toqanyan

76
(Yenilənib 17:09 28.09.2020)
Toqanyan: "Ermənistan bölgədə vəziyyətin gərginləşməyə davam etməsi halında, Dağlıq Qarabağ əhalisinin təxliyəsi üçün humanitar dəhlizlərin təşkili imkanlarını nəzərdən keçirir".

BAKI, 28 sentyabr — Sputnik. Azərbaycanın əks-hücum həmlələri Ermənistanda və Dağlıq Qarabağda yaşayan ermənilər arasında ciddi təlaşa səbəb olub.

Sputnik Azərbaycan Rusiya mediasına istinadla xəbər verir ki, Ermənistanın Rusiyadakı səfiri Vardan Toqanyan "Qovorit Moskva" radiosuna müsahibəsində bunu təsdiqləyən fikirlər səsləndirib.

Erməni səfir bildirib ki, İrəvanda Dağlıq Qarabağ əhalisinin təxliyəsi planı üzərində iş gedir.

"Ermənistan bölgədə vəziyyətin gərginləşməyə davam etməsi halında, Dağlıq Qarabağ əhalisinin təxliyəsi üçün humanitar dəhlizlərin təşkili imkanlarını nəzərdən keçirir. Bu cür məsələlər nəzərdən keçirilir. Lakin ümid edirik ki, iş bu yerə gəlib çatmayacaq", - deyə erməni diplomat vurğulayıb.

76
İlham Əliyev və Rusiya Prezidenti Vladimir Putin, arxiv şəkli

Peskov: Vladimir Putinlə İlham Əliyevin söhbəti lazım gəldikdə baş tutacaq

38
(Yenilənib 16:12 28.09.2020)
"Lazım gələrsə, əlbəttə ki, keçiriləcək. Amma bir daha təkrar etmək istəyirəm ki, hərbi əməliyyatların bərpasından sonrakı ilk saatlardan nazir Lavrov həm Bakıdakı, həm də Yerevandakı həmkarları ilə daima əlaqə saxlayıb", – Peskov bildirib.

BAKI, 28 sentyabr — Sputnik. Rusiya Prezidenti Vladimir Putin və Azərbaycan Prezidenti İlham Əliyev arasında söhbət lazım gəldikdə baş tutacaq.

Sputnik Azərbaycan RİA Novosti-yə istinadən xəbər verir ki, bunu Rusiya dövlət başçısının mətbuat katibi Dmitri Peskov bildirib.

Putin Ermənistanın Baş naziri Nikol Paşinyanla bazar günü telefon danışığı keçirib.

"Lazım gələrsə, əlbəttə ki, keçiriləcək. Amma bir daha təkrar etmək istəyirəm ki, hərbi əməliyyatların bərpasından sonrakı ilk saatlardan nazir Lavrov həm Bakıdakı, həm də Yerevandakı həmkarları ilə daima əlaqə saxlayıb", – Peskov jurnalistlərə açıqlamasında bildirib.

38
 Distant təhsil, arxiv şəkli

Distant təhsil bir müddət dayandırılsın - ekspert səbəbi açıqladı

0
(Yenilənib 18:30 28.09.2020)
VPN texnologiyadan istifadə edərkən trafik digər bir tanınmayan şirkət üzərindən ötürüldüyündən həm ölkənin informasiya təhlükəsizliyi üçün və həm də fərdi məlumatların təhlükəsizliyi üçün müəyyən risklər yaranır.

BAKI, 28 sentyabr — Sputnik. "İnternetə və bəzi sosial media resuslarına tətbiq olunan məhdudiyyətlərlə bağlı ali və orta təhsil pilləsində distant təhsilin bir müddət dayandırılması doğru olardı".

Sputnik Azərbaycan xəbər verir ki, bu barədə Azərbaycan İnternet Forumunun prezidenti Osman Gündüz danışıb.

O, qeyd edib ki, bu həm də "WhatsApp"dan istifadə edən valideynlərin, müəllimlərin və təhsil alanların kütləvi olaraq VPN yükləməsinin qarşısını alardı.

"VPN texnologiyadan istifadə edərkən trafik digər bir tanınmayan şirkət üzərindən ötürüldüyündən, həm ölkənin informasiya təhlükəsizliyi üçün və həm də fərdi məlumatların təhlükəsizliyi üçün müəyyən risklər yaranır. Ümid edirəm, Təhsil Nazirliyi bunları nəzərə alaraq zəruri tədbirlər görəcək" - Osman Gündüz qeyd edib.

0