ABŞ prezidenti Donald Trampın Şimali Koreya lideri ilə görüşü

"Koreya yarımadasının nüvəsizləşdirilməsi prosesi 2021-ci ilədək başa çatacaq"

61
(Yenilənib 14:22 08.03.2019)
Dövlət Departamenti: Ağ Evin öz planlarını reallaşdırması üçün kifayət qədər vaxtı var

BAKI, 8 mart — Sputnik. ABŞ prezidenti Donald Trampın ilk prezidentlik müddəti bitənə qədər Koreya yarımadasının nüvəsizləşdirilməsi prosesi başa çatacaq. Sputnik Azərbaycan Rusiya KİV-nə istinadən xəbər verir ki, bunu jurnalistlərə açıqlamasında ABŞ Dövlət Departamentinin bir rəsmisi deyib.

Onun sözlərinə görə, nüvəsizləşdirmə məsələsi üzrə işlər məhz bu tarixə hesablanaraq aparılır. Dövlət Departamentinin rəsmisi bəyan edib ki, Ağ Evin öz planlarını reallaşdırması üçün kifayət qədər vaxtı var.

Qeyd edək ki, Donald Trampın prezidentlik müddəti 20 yanvar 2021-ci ildə bitir. ABŞ prezidenti növbəti seçkilərdə də iştirak edəcəyini bildirib. Bu seçkilərdə də qalib gələcəyi təqdirdə onun prezidentlik müddəti 20 yanvar 2025-ci ildə bitəcək.

61
Teqlər:
nüvə, Donald Tramp, Koreya yarımadası, ABŞ
Əlaqədar
Şimali Koreya səfiri qaçıb
Cənubi Koreyada Ali Məhkəmənin sabiq sədri həbs olunub
Tramp Şimali Koreya probleminin həllində Rusiya və Çinin rolundan danışdı
Kitablar, arxiv şəkli

Qonkur mükafatının qalibi açıqlanıb

3
(Yenilənib 20:55 30.11.2020)
COVID-19 səbəbi ilə laureat bu dəfə hər il olduğu kimi, Parisin "Druan" restoranında deyil, videokonfrans vasitəsi ilə elan edilib

BAKI, 30 noyabr — Sputnik. Fransanın ən böyük ədəbiyyat mükafatı olan Qonkurun builki qalibi açıqlanıb.

Sputnik Azərbaycan "RİA Novosti"yə istinadən verdiyi xəbərə görə, bu, fransız yazıçı Erve Le Telye olub. O, bu mükafata "Anomaliya" romanına görə layiq görülüb.

COVID-19 səbəbi ilə laureat bu dəfə hər il olduğu kimi, Parisin "Druan" restoranında deyil, videokonfrans vasitəsi ilə elan edilib.

Xatırladaq ki, Qonkur artıq yüz ildən çoxdur ki, fransız dilində yazılmış ən yaxşı romana verilir. Mükafat Qonkur qardaşlarının vəsiyyəti əsasında təsis edilib. Məbləği simvolik olaraq 10 avro təşkil etsə də, qalibə böyük nüfuz və yüksək tiraj qazandırır.

 

3
Teqlər:
kitab, Fransa, ədəbiyyat, mükafat
Bülənt Ərsoy, arxiv şəkli

Bülent Ersoyun "yaxşılığını" başına çırpdılar

12
(Yenilənib 20:24 30.11.2020)
Bülent Ersoyun açıqlamasından qısa müddət sonra vəqfdən cavab gəlib. "Çağdaş Yaşamı Dəstəkləmə Vəqfi" B.Ersoya rədd cavabını verib

BAKI, 30 noyabr — Sputnik. Türk musiqisinin divası adlandırılan Bülent Ersoy ötən həftə hər biri 40 min TL dəyərində olan iki ədəd bəyaz tülkü dərisindən olan kürk alıb.

Sputnik Azərbaycan xəbər verir ki, üzərində tülkünün başı olan kürklər sosial mediada tənqid obyektinə çevrilib. Heyvanların qətl edilərək, dərisindən kürk, papaq, ayaqqabı, çanta hazırlanmasına etiraz edən heyvansevərlər Bülent Ersoyu sərt tənqid ediblər.

Vəziyyəti belə görən B.Ersoy: "Kürklərimi "Çağdaş Yaşamı Dəstəkləmə Vəqfi"nə bağışlayacam" deyərək, açıqlama edib.

Bülent Ersoyun açıqlamasından qısa müddət sonra vəqfdən cavab gəlib. "Çağdaş Yaşamı Dəstəkləmə Vəqfi" B.Ersoya rədd cavabını verib.

Vəqfin açıqlamasında deyilir: "Çağdaş Yaşamı Dəstəkləmə Dərnəyi Atatürk fikir və düşüncələrini müasir təhsil yoluyla çağdaş toplumlar səviyyəsinə çatdırmağı hədəfləyən örnək cəmiyyət birliyidir. Dərnəyimiz özündə təbiət, çevrə və canlı haqlarına sayğı ilə yanaşmağı birləşdirir. Bu səbəbdən heyvanların qətl edilməsi ilə hazırlanan məhsulların və ya həmin məhsullardan əldə edilən gəlirin Vəqfimizə bağışlanması qanun və dəyərlərimizə ziddir".

12
Teqlər:
dəri, kürk, Bülənt Ərsoy