ABŞ ordusu

ABŞ PKK-ya hava müdafiə sistemləri göndərdi - Türkiyə təhlükədə

144
(Yenilənib 12:14 07.03.2019)
Son 2,5 ayda İraqdan Suriyadakı PKK-ya 2500 yük avtomobili silah-sursat və hərbi texnika göndərilib

BAKI, 7 mart — Sputnik. ABŞ prezidenti Donald Trampın Suriyadan çıxacağıq açıqlamasına baxmayaraq Birləşmiş Ştatlar bölgədəki hərbi mövcudluğunu daha da gücləndirib.

Sputnik Azərbaycan "Haber7"ə istinadla xəbər verir ki, bölgədə yeni müşahidə məntəqələri quran ABŞ Müdafiə Nazirliyi (Pentaqon) terror təşkilatı PKK/YPG-yə qabaqcıl hərbi texnika və silah sistemləri göndərib. 

Pentaqon İŞİD-ə qarşı əməliyyatlar başa çatdıqdan sonra İraq ordusunun xidmətindəki silah və texnikaları geri alıb. Və həmin texnika və silahların əksəriyyəti Suriyanın şimalındakı PKK/YPG-yə göndərilib. Bu göndərilmə Trampın 2018-ci il 19 dekabrda Suriyadan çıxırıq açıqlamasından 12 gün sonra başlayıb.

Pentaqon sözçüsü Sean Robertson da terror təşkilatına silah və texnikanın göndərilməsini təsdiqləmiş, lakin, detallarını deməmişdi. Robertson ötən ay verdiyi açıqlamada, "Fəratın şərqində nəzarəti tamamilə ələ keçirmək üçün Suriya Demokratik Qüvvələrinin (Qeyd: PKK/YPG-nin dəstəkçisi) kifayət qədər avadanlıq və silahlarla təmin edilməsi çox mühümdür".

Bölgədəki mənbələr də silahların daşınmasını təsdiqləyir. Son 2,5 ayda İraqdan Suriyadakı PKK-ya 2500 yük avtomobili silah-sursat və hərbi texnika göndərilib. Bu daşınmalar ancaq gecələr həyata keçirilib. Amma əvvəllər gündüzlər də bu həyata keçirilirmiş. Son günlərdə də bu daşınmalarda fəallıq baş verib.

Digər tərəfdən, ABŞ-ın bölgəyə inkişaf etmiş hava müdafiə sistemi daşıdığı iddia edilir. Bu, Suriyanın şimalında PKK-nı qorumaq üçün Türkiyəsiz təhlükəsiz bölgə planı əsasında baş verib.

Qeyd edilir ki, bu hava müdafiə sistemlərindən Türkiyənin pilotsuz uçuş aparatlarına mane olmaq üçün istifadə ediləcək. Belə ki, Türkiyə Fəratın şərqinə qarşı əməliyyat üçün terror fəaliyyətlərini izləməkdədir.

144
Teqlər:
PKK, ABŞ
Əlaqədar
ABŞ Türkiyəni sanksiyalarla hədələdi
Venesuela lideri ABŞ-a mesaj göndərdi
Rusiya Baltik dənizi üzərində ABŞ təyyarəsini ələ keçirib
İranı ABŞ-ın həmlələrindən qoruyan "Qroza-S" Azərbaycana satılıb - İlginc iddia