Əlcəzair prezidenti Əbdüləziz Buteflika 2017-ci ilin parlament seçkilərinə əlil arabasında qatılıb

Ölkəsində inqilab başlayan ahıl prezident ağır vəziyyətdədir

112
(Yenilənib 18:11 02.03.2019)
Əbdüləziz Buteflika ilk dəfə 1999-cu ilin aprel ayında Əlcəzair prezidenti seçilib

BAKI, 2 mart — Sputnik. Beşinci dəfə prezidentliyə namizədliyini irəli sürən Əlcəzairin hazırkı prezidenti 82 yaşlı Əbdüləziz Buteflika ağır vəziyyətdə İsveçrə xəstəxanasındadır.

Sputnik Azərbaycan xarici mətbuata istinadla xəbər verir ki, həkimlər əməliyyat aparmaq istəsələr də, siyasətçinin vəziyyəti buna imkan vermir. Hazırda Buteflika xəstəxananın reanimasiya şöbəsindədir.

Qeyd edək ki, hazırda Əlcəzairdə vəziyyət gərgindir. Əbdüləziz Buteflikanın 5-ci dəfə prezidentliyə namizəd olmasına etiraz edən insanlar küçələrə axışırlar. 

Xatırladaq ki, o, 1956-cı ildən Əlcəzair Milli Azadlıq Cəbhəsinin fəal iştirakçısı olub. Müstəqil Əlcəzairin ilk hökumətində turizm və idman naziri, xarici işlər naziri, Əlcəzair prezidenti H. Bumedyenin ardıcıl tərəfdarı, BMT Baş Assambleyası sessiyasının sədri olub. 1994-cü ildə vətəndaş müharibəsinin qızğın vaxtında hərbi dairələrin seçkilərə getmədən dövlətə başçılıq etmək təklifini rədd edib. İlk dəfə 1999-cu ilin aprel ayında Əlcəzair prezidenti seçilib. Əlcəzairdə vətəndaş müharibəsinin faktiki dayandırılmasına nail olub. 2004-cü ilin aprelində yenidən prezident seçilib. 2009-cu ilin sentyabrında keçirilən prezident seçkilərində seçicilərin 90,2%-inin səsini toplayaraq növbəti 5 il müddətinə Əlcəzairin prezidenti olub. 2014-cü ilin fevralında yenidən namizədliyini irəli sürüb və aprel ayında keçirilən seçkilər də ilk turda 81,5% səs toplayaraq dördüncü dəfə prezident seçilib.

112
İspaniyada epdimioloji vəziyyət

İspaniyada ikinci koronavirus epidemiyası qaçılmazdır ekspert

21
"Bəlkə də bütün payız maska geyinmək lazım olacaq. Ciddi gigiyena qaydalarına, sosial məsafəyə riayət etməyə davam etmək lazımdır. İnsanlara izah etmək lazımdır ki, özlərini məsuliyyətli aparsınlar".

BAKI, 27 may — Sputnik. İspaniyada ikinci koronavirus epidemiyasının payızda baş verməsi demək olar ki, qaçılmazdır, lakin hökumətin ağır karantinin qarşısını almaq və problemi digər yollarla həll etmək üçün vaxtı var. Sputnik Azərbaycan xəbər verir ki, bunu Navarra Universitetinin mikrobioloqu Gilyermo Martinez de Texada RİA Novosti-yə bildirib.

"Bir çox mütəxəssislər inanırlar ki, epidemiya oktyabrda yenidən baş verəcək. Mən də bu fikirdəyəm. Çox güman ki, belə olacaq. Amma yüz faizlik əminlik ola bilməz. Onun birinci epidemiya kimi güclü olub-olmayacağı da aydın deyil", - Martinez de Texada deyib.

Onun sözlərinə görə, hazırda cənub yarımkürəsində payızdır və orada xəstələrin sayında kəskin artım baş verib.

"Bu qrip kimi mövsümi bir virusa oxşayır", - mikrobioloq deyib.

İspaniya hakimiyyət orqanlarının yeni dalğaya hazırlaşmaq üçün bir neçə ay vaxtı var, lakin ölkə çətin ki, mart-aprel aylarında olduğu kimi sərt karantin tətbiq etsin.

"Bu, çox ağır olardı. Cənubi Koreya və Tayvan bütün əhalini karantinə salmadılar. Onlar tez reaksiya verməyə imkan verən sistemləri tətbiq etdilər", - Martinez de Texada deyib.

O qeyd edib ki, hər halda, epidemiyanın ikinci dalğasına həm hakimiyyət, həm tibb işçiləri, həm də ölkə sakinləri martdakından daha hazırlıqlı olacaqlar.

"Bəlkə də bütün payız maska geyinmək lazım olacaq. Ciddi gigiyena qaydalarına, sosial məsafəyə riayət etməyə davam etmək lazımdır. İnsanlara izah etmək lazımdır ki, özlərini məsuliyyətli aparsınlar", - mikrobioloq əlavə edib.

Bununla yanaşı, o, ölkənin payız və qışda barları, mağazaları və s. yenidən bağlamaq məcburiyyətində qalacağını istisna etməyib.

21
Arxeoloji qazıntılar, arxiv şəkli

Çində qədim tapıntı - İçində olduğu bilinmir

36
Alimlərin dəyərləndirməsinə görə, kuzənin 2 minə yaxın yaşı var. Kuzə qaz başları bəzədilib, içində isə naməlum sarı-qəhvəyi maye olub.

BAKI, 26 may — Sputnik. Çində içində naməlum maye olan qədim bürünc kuzə tapılıb.

Sputnik Azərbaycan xarici mətbuata istinadla xəbər verir ki, Henan əyalətindəki Sanmenxia şəhərinin yenidən qurulması zamanı bir qab, digər əşyalar və nefrit qılıncları olan bir məzar tapılıb.

Arexeoloqların sözlərinə görə, məzarın Tsin sülaləsi dövründə (221-207 bizim eradan əvvəl) tikilmə ehtimalı var. O yerli məmurlardan birinə aid ola bilər.

Alimlərin dəyərləndirməsinə görə, kuzənin 2 minə yaxın yaşı var. Kuzə qaz başları bəzədilib, içində isə naməlum sarı-qəhvəyi maye olub. Hazırda kimyaçılar onun tərkibini öyrənir.

36
Pulemyot patronu, arxiv şəkli

Cəbhədə son durum

0
(Yenilənib 09:45 27.05.2020)
Düşmən Ağdam, Füzuli, Tərtər və Xocavənd rayonları ərazisindəki adsız yüksəkliklərdə yerləşən mövqelərdən ordumuzun mövqelərini atəşə tutub

BAKI, 27 may — Sputnik. Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan və snayper tüfənglərindən də istifadə etməklə sutka ərzində atəşkəs rejimini 25 dəfə pozub.

Sputnik Azərbaycan Müdafiə Nazirliyinin məlumatına istinadla xəbər verir ki, Ağdam rayonunun işğal altında olan Yusifcanlı, Füzuli rayonunun Qaraxanbəyli kəndləri yaxınlığında, həmçinin Tərtər, Ağdam və Xocavənd rayonları ərazisindəki adsız yüksəkliklərdə yerləşən mövqelərdən ordumuzun mövqeləri atəşə tutulub.

0
Əlaqədar
Ermənistanın bu addımı azərbaycanlı məcburi köçkünlərə qarşı həqarətdir - Tural Gəncəliyev
XİN: Ermənistan ilhaqçı siyasətini nümayiş etdirir
İşğalçının sülhdən bəhs etməsi riyakarlığın son həddidir
Almaniya XİN: Dağlıq Qarabağdakı separatçı rejimi tanımırıq