Birləşmiş Ştatlar prezidenti Donald Tramp

Tramp Şimali Koreya probleminin həllində Rusiya Çinin rolundan danışdı

44
(Yenilənib 16:39 28.02.2019)
Daha əvvəl Ağ Evin mətbuat katibi Sara Sanders bəyan edib ki, Tramp və Şimali Koreya lideri Kim Çen In danışıqların yekunlarına dair razılığa gələ bilməyib

BAKI, 28 fevral — Sputnik. Birləşmiş Ştatlar prezidenti Donald Tramp bəyan edib ki, Çin və Rusiya Şimali Koreya probleminin həll olunmasına yardım edir. Bu barədə Sputnik Azərbaycan "RİA Novosti"yə istinadən xəbər verir.

"Çin Şimali Koreyanın ən böyük donorudur. Şimali Koreyaya göndərilən yardımın 93%-ə qədəri Çindən gəlir. Rusiya da bu məsələdə yardım edir", - deyə Tramp Şimali Koreya probleminin nizamlanmasında Çinin rolu barədə sualı cavablandırarkən bildirib.

ABŞ prezidenti Rusiyadan da danışıb: "Rusiyanın Şimali Koreya ilə ümumi sərhədi var. Düzdür bu elə də böyük ərazi deyil, cəmi 28 mil (45 km-red). Lakin orada da çox şey baş verə bilər. Rusiya nizamlanma prosesində yardım edir".

Qeyd edək ki, daha əvvəl Ağ Evin rəsmi mətbuat katibi Sara Sanders bəyan edib ki, Tramp və Şimali Koreya lideri Kim Çen In danışıqların yekunlarına dair razılığa gələ bilməyib. Lakin nümayəndə heyətləri arasında təmaslar gələcəkdə də davam edəcək. Onun sözlərinə görə, liderlərin görüşü "yaxşı və məhsuldar olub"

27-28 fevral tarixində Vyetnamın paytaxtı Xanoyda keçirilən ABŞ – Şimali Koreya sammiti birgə sənədin imzalanmaması ilə başa çatıb.

44
Əlaqədar
ABŞ Senatı Donald Tramp qarşısında geriyə addım atdı
ABŞ-da siyasi böhran: Tramp fövqəladə vəziyyət elan edəcək
Tramp Meksika ilə sərhəddə fövqəladə vəziyyət rejimi tətbiq edib
İkinci tarixi Tramp-Kim Çen In görüşü başladı
Штаб-квартира Министерства обороны США, фото из архива

Tarixdə ilk dəfə qaradərili general Pentaqonun rəhbəri təyin edilib

15
(Yenilənib 20:58 22.01.2021)
İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

BAKI, 22 yanvar - Sputnik. ABŞ Senatı bu gün istefada olan dörd ulduzlu general Lloyd Ostinin ölkənin müdafiə naziri vəzifəsinə namizədliyini təsdiq edib.

Sputnik Azərbaycan xarici mediaya istinadla xəbər verir ki, Pentaqon rəhbərləri arasında ilk afroamerikalı olan Ostin tezliklə müvafiq and içəcək.

İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

O, 2016-cı ildə ordudan istefa verərək sonradan Nümayəndələr Palatası və Senatın üzvü olub.

15
Teqlər:
Pentaqon, ABŞ
Yerevanda etirazlar

Ermənistan dünyanın vecinə deyil - Serj Sarqsyanın səfir kürəkənindən şok sözlər

25
(Yenilənib 18:41 22.01.2021)
“Erməni üçün başqa ölkənin, xüsusilə Rusiyanın agenti olmaqdansa, türkün iti olmaq daha yaxşıdır” - erməni politoloq.

BAKI, 22 yanvar - Sputnik. “Ölkə erməni xalqının, erməni xalqı hakimiyyətin, Ermənistan isə dünyanın vecinə deyil”.

Sputnik Azərbaycan Report-a istinadla xəbər verir ki, bunu Ermənistanın Vatikandakı sabiq səfiri, keçmiş prezident Serj Sarqsyanın kürəkəni, mühacir diplomat Mikael Minasyan söyləyib.

Qeyd edək ki, son günlər Ermənistanda bu ölkənin ictimaiyyətinə xas olmayan bir sıra bəyanatlar gündəmə gəlib. Məsələn, yanvarın 20-də ölkənin baş naziri Nikol Paşinyan Şuşanın erməni şəhəri olmadığını bildirib. Bu gün isə N.Paşinyanın əqidədaşı, politoloq Levon Şirinyan daha sərt açıqlama verib:

“Erməni üçün başqa ölkənin, xüsusilə Rusiyanın agenti olmaqdansa, türkün iti olmaq daha yaxşıdır”.

25

Yanvarın 25-nə qədər ölkədə ictimai nəqliyyat işləməyəcək

0
(Yenilənib 00:11 23.01.2021)
Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

BAKI, 23 yanvar - Sputnik. Bu gündən yanvarın 25-i saat 06:00-dək bütün ölkə ərazisində ictimai nəqliyyatın fəaliyyəti dayandırılıb.

Sputnik Azərbaycan-ın məlumatına görə, Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

Bununla əlaqədar 23 yanvar saat 00:00-dan 25 yanvar saat 06:00-dək ölkə ərazisində ictimai nəqliyyat fəaliyyət göstərməyəcək.

Qeyd edək ki, Bakı metropolitenində də sərnişindaşıma dayandırılıb.

0