Suriyada ABş əsgərləri, arxiv foto

ABŞ-a məxsus avtomobil karvanı Suriyaya daxil olub

21
(Yenilənib 13:30 25.02.2019)
Suriyanın Qamışlı rayonuna gələn avtomobillərin hamısının üstü qapalı olub

BAKI, 25 fevral — Sputnik. ABŞ-a məxsus 250 avtomobildən ibarət karvan dünən gecə İraqdan Suriyaya girib. Sputnik Azərbaycan "Star"a istinadla xəbər verir ki, İraqdan Suriyanın Qamışlı rayonuna gələn avtomobillərin hamısının üstü qapalı olub. Avtomobil karvanı Türkiyə ərazisindən görüntülənib.

Avtomobillərin yanacaqdoldurma tankerləri, generatorlar və s. daşıdığı görülüb. Karvan Suriyanın içlərinə doğru irəliləyib.

Qeyd edək ki, ABŞ prezidenti Donald Tramp bu yaxınlarda ABŞ qoşunlarının kiçik bir hissəsinin Suriyada qalmasının tərəfdarı olduğunu açıqlayıb. Ağ Ev rəhbəri Suriyada olan 2500 əsgərin fərqli ölkələrə gedəcəyini də vurğulayıb: "Bəlkə də əsgərlərimiz İraqa keçə bilərlər. Çünki bizim orada güclü bir birliyimiz var".

21
Teqlər:
avtomobil, İraq, Suriya, ABŞ
Əlaqədar
M.Zaxarova: "ABŞ təhlükəli təxribat planlaşdırıb"
Müharibənin ayaq səsləri: ABŞ Venesuelaya yaxın əraziyə əsgər və texnika yığır
Lukaşenko Rusiya ilə birgə ABŞ-a qarşı çıxacaq
ABŞ-ın hərbi təyyarəsi Rusiyanın hava məkanını pozub
Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğan, arxiv şəkli

Ərdoğan Əliyevə zəng etdi: "Türkiyə Azərbaycanın yanındadır"

34
(Yenilənib 14:30 27.09.2020)
Rəcəb Tayyib Ərdoğan həmişə olduğu, kimi bu gün də Türkiyənin Azərbaycanın yanında olduğunu vurğulayıb

BAKI, 27 sentyabr — Sputnik. Sentyabrın 27-də Türkiyə Respublikasının Prezidenti Rəcəb Tayyib Ərdoğan Azərbaycan Respublikasının Prezidenti İlham Əliyevə telefonla zəng edib. Sputnik Azərbaycan xəbər verir ki, bu barədə Azərbaycan Prezidentinin mətbuat xidməti məlumat yayıb.

Türkiyə Prezidenti bu gün Ermənistanın hərbi təxribatı nəticəsində Azərbaycan mülki şəxslərinin və hərbi qulluqçularının həlak olması ilə əlaqədar dövlətimizin başçısına və Azərbaycan xalqına başsağlığı verib, onlara Allahdan rəhmət diləyib. Rəcəb Tayyib Ərdoğan həmişə olduğu, kimi bu gün də Türkiyənin Azərbaycanın yanında olduğunu vurğulayıb.

Başsağlığına görə minnətdarlığını bildirən dövlətimizin başçısı Ermənistan-Azərbaycan Dağlıq Qarabağ münaqişəsi ilə bağlı Türkiyə Prezidentinin daimi dəstəyini yüksək qiymətləndirib.

Prezident İlham Əliyev bu gün cəbhə xəttində Ermənistanın Azərbaycana qarşı hərbi təxribatı nəticəsində baş verən hadisələrin gedişi barədə məlumat verib.

Dövlət başçıları dost və qardaş Azərbaycanla Türkiyə arasında münasibətlərin bundan sonra da uğurla inkişaf edəcəyinə əmin olduqlarını bildiriblər.

34
Teqlər:
Azərbaycan prezidenti İlham Əliyev, Rəcəb Tayyip Ərdoğan, Türkiyə, münaqişə, təxribat, Ermənistan, Azərbaycan, Dağlıq Qarabağ
Mövzu:
Azərbaycan və Ermənistan arasında müharibə
Əlaqədar
Azərbaycan Odusunun uğurlu əməliyyatı nəticəsində bir sıra kəndlərimiz azad edilib
Rəsmi Bakı: Məsuliyyət tam olaraq Ermənistanın siyasi-hərbi rəhbərliyinin üzərinə düşür
İlham Əliyev Təhlükəsizlik Şurasının iclasını keçirib
Çavuşoğlu və Lavrov Qarabağdakı son durumu müzakirə etdilər
Səfərbərlik Xidməti məlumat yaydı
Dövlət Bayrağı meydanı

Rəsmi Bakı: Məsuliyyət tam olaraq Ermənistanın siyasi-hərbi rəhbərliyinin üzərinə düşür

14
(Yenilənib 14:06 27.09.2020)
Azərbaycan Respublikasının Silahlı Qüvvələri Ermənistanın növbəti hərbi təcavüzünün qarşısını almaq və təmas xətti boyunca sıx şəkildə yaşayan mülki əhalinin təhlükəsizliyini təmin etmək məqsədilə əks-hücum və cavab tədbirlərini həyata keçirirlər

Eldar Tanrıverdiyev, Sputnik Azərbaycan

BAKI, 27 sentyabr — Sputnik. "Bu ilin 27 sentyabr tarixində Ermənistan silahlı qüvvələri atəşkəs rejimini kobud şəkildə pozaraq, təmas xətti boyunca Azərbaycan Respublikasının mövqelərini, Tərtər rayonunun Qapanlı, Ağdam rayonunun Çiraqlı və Orta Qərvənd, Füzuli rayonunun Alxanlı, Şükürbəyli və Cəbrayıl rayonunun Cocuq Mərcanlı kəndlərini iriçaplı silahlar, minaatanlar və müxtəlif çaplı artilleriya qurğularından atəşə tutaraq, Azərbaycana qarşı növbəti təcavüzə əl atıb".

Sputnik Azərbaycan xəbər verir ki, Azərbaycan Xarici İşlər Nazirliyinin bəyanatında bildirilib.

"Azərbaycan Respublikasının Müdafiə Nazirliyinin məlumatına əsasən, mülki əhali və hərbi qulluqçular arasında həlak olan və yaralananlar var. Çoxsaylı evlərə və mülki obyektlərə ciddi ziyan dəyib.

Azərbaycan Respublikasının Silahlı Qüvvələri Ermənistanın növbəti hərbi təcavüzünün qarşısını almaq və təmas xətti boyunca sıx şəkildə yaşayan mülki əhalinin təhlükəsizliyini təmin etmək məqsədilə özünü müdafiə hüququ çərçivəsində və beynəlxalq humanitar hüquqa tam riayət etməklə əks-hücum və cavab tədbirlərini həyata keçirirlər.

Ermənistan tərəfinin Azərbaycana qarşı növbəti təcavüzü beynəlxalq hüququn fundamental norma və prinsiplərinin, Ermənistan qoşunlarının Azərbaycanın işğal olunmuş ərazilərindən tam və qeyd-şərtsiz çıxarılmasını tələb edən BMT Təhlükəsizlik Şurasının 1993-cü il tarixli 822, 853, 874 və 884 saylı qətnamələrinin, beynəlxalq humanitar hüququn, o cümlədən 1949-cu il Cenevrə Konvensiyaları və onların əlavə protokollarının kobud şəkildə pozulmasıdır.

27 sentyabr tarixində Ermənistanın Azərbaycana qarşı yeni təcavüz aktı son aylar ərzində Ermənistan tərəfinin təxribatları, o cümlədən 12-16 iyul Tovuz istiqamətində hücum cəhdi, 23 avqust Goranboy istiqamətində diversiya-kəşfiyyat təxribatı, Azərbaycanın işğal olunmuş ərazilərində qeyri-qanuni məskunlaşdırma siyasətinin aparılması, eləcə də Ermənistan rəhbərliyinin təhrikçi bəyanatları və fəaliyyətinin davamıdır.

Ermənistan silahlı qüvvələrinin Azərbaycanın işğal olunmuş Dağlıq Qarabağ və ətraf bölgələrində qeyri-qanuni mövcudluğunun regionda sülh və sabitliyə ciddi təhlükə olduğuna yaxşı bələd olan və Ermənistanın Azərbaycana qarşı təcavüzü və işğalçı fəaliyyətinə beynəlxalq hüququn norma və prinsiplərindən irəli gələrək prinsipial mövqe nümayiş etdirən beynəlxalq ictimaiyyət, Ermənistanın Azərbaycana qarşı işğalçılıq siyasətini və təxribatçı əməllərini kəskin şəkildə qınamalı və Ermənistanı beynəlxalq hüquq, o cümlədən beynəlxalq humanitar hüquq öhdəliklərinə əməl etməyə məcbur etməlidir.

Yaranmış vəziyyətə görə tam məsuliyyət Ermənistanın siyasi-hərbi rəhbərliyinin üzərinə düşür", - XİN-in bəyanatında vurğulanıb.

14
Mövzu:
Azərbaycan və Ermənistan arasında müharibə
Əlaqədar
Ermənistan cəbhə boyu təxribat törədib, ölənlər və yaralananlar var
MN: Ermənistan Silahlı Qüvvələrinin atəş nöqtələri susdurulur
Ermənistan ordusunun mərmi atəşi nəticəsində Ağdamda mülki şəxs yaralanıb
Ermənistanda hərbi vəziyyət və səfərbərlik elan edildi
TBMM sədri: "Ermənistan regionda sülh baxımından islaholunmaz terror dövlətidir"
Koronavirus testi, arxiv şəkli

Azərbaycanda koronavirus: son sutkada 128 yoluxma

0
(Yenilənib 15:20 27.09.2020)
Nazirlər Kabineti yanında Operativ Qərargahdan verilən məlumatda deyilir ki, COVID-19 üçün götürülən analiz nümunələri müsbət çıxmış 1 nəfər vəfat edib

BAKI, 27 sentyabr — Sputnik. Azərbaycanda koronavirus (COVID-19) infeksiyasına 128 yeni yoluxma faktı qeydə alınıb, 132 nəfər müalicə olunaraq sağalıb və evə buraxılıb.

Sputnik Azərbaycan bildirir ki, bu barədə Nazirlər Kabineti yanında Operativ Qərargahdan verilən məlumatda deyilir.

COVID-19 üçün götürülən analiz nümunələri müsbət çıxmış 1 nəfər vəfat edib.

Hazırkı dövrədək ölkəmizdə 40 023 nəfərin koronavirus infeksiyasına yoluxması faktı müəyyən edilib. Onlardan 37 655 nəfər müalicə olunaraq sağalıb, 586 nəfər vəfat edib. Aktiv xəstə sayı 1 782 nəfərdir.

Ötən müddət ərzində 1 102 401 test aparılıb. Bugünkü test sayı isə 6 858-dir.

0
Teqlər:
yoluxma, Azərbaycan, Koronavirus, epidemiya, COVID-19
Əlaqədar
Belə insanlar koronavirusa az yoluxurlar
COVID-19 peyvəndi yaşlı nəsil üçün bir o qədər faydalı olmayacaq
Maska taxmayan "koronavirus xəstəsi" az qala döyüləcəkdi
COVID-19-la bağlı dəhşətli proqnoz: iki milyon insan ölə bilər
Şagirdlər koronavirusa harada yoluxublar? Nazirlikdən cavab