Rusiya və Çinin bayraqları

Rusiya Çini üç min illik taktika ilə məhv etmək istəyirlər: Məxfi plan açıqlandı

8260
(Yenilənib 12:02 22.02.2019)
Yeni taktika Rusiya və Çin tərəfindən mövcud "təhdidlərlə" bağlı yaradılır

BAKI, 22 fevral — Sputnik. Birləşmiş Ştatlar Rusiya və Çinə qarşı hərbi əməliyyatların aparılmasına dair yeni strategiya hazırlayır. Sputnik Azərbaycan "Telepolis"ə istinadən xəbər verir ki, bunu Birləşmiş Ştatlar Hərbi Hava Qüvvələrinin qərargahının rəisi general David Qoldfayn bildirib.

Qeyd olunur ki, yeni konsepsiya "Troya atı" prinsipi üzrə ölkələrin ərazilərinə gizli daxil olmağı nəzərdə tutur ki, bu da düşmənin zəif nöqtələrinə zərbələr endirməyə imkan verəcək. Yeni strategiyada bir sıra qoşun növlərinin istifadəsi nəzərdə tutulub. Bu konsepsiyada hücum üçün əsas rol "F-35" qırıcı-bombardmançı təyyarələrin üzərinə düşəcək.

Qoldfaynın sözlərinə görə, bu konsepsiyanın yaradılması üçün təxminən bir il vaxt lazımdır. Bu məqsədə xərcləmək üçün təxminən 135 milyard dollar tələb olunur.

Qeyd olunur ki, yeni taktika Rusiya və Çin tərəfindən mövcud "təhdidlərlə" bağlı yaradılır.

"Troya atı" yunan döyüşçüsü Odisseyin düşmən Troya şəhərinə gizlicə girmək üçün düzəltdirdiyi taxtadan at maketidir. Troyalılar bu at maketini şəhərə buraxdıqdan sonra atın içindəki Afina döyüşçüləri gecə oradan çıxaraq onlara divan tutublar. Hadisənin eramızdan əvvəl XIII-XII əsrlərdə baş verdiyi güman olunur.

8260
Əlaqədar
Rusiya "Poseydon"ları NATO-nun mövcudluğuna təhdiddir
Bir qığılcım kifayətdir: Rusiya və Azərbaycanın düşmənləri aramızı vurmaq istəyir
Böyük Britaniyada növbəti Rusiya şoku yaşanır
Avstriya Prezidenti Aleksandr Van der Bellen, arxiv şəkli

Polis prezidenti... bağlı restoranda tapdı

12
(Yenilənib 23:36 24.05.2020)
Avstriyada restoranlar 23:00-dan sonra bağlanmalıdır, yəni həmin vaxtdan etibarən qonaqlara heç nə təqdim etmək olmaz, mətbəx və bar işləməməlidir

BAKI, 24 may — Sputnik. Vyana polisi Avstriya Prezidenti Aleksandr Van der Belleni və xanımını gecə vaxtı bir italyan restoranında “yaxalayıb”. Ölkədə mövcud olan karantin qaydalarına görə, 23:00-dan sonra ictimai iaşə müəssisələri bağlı olmalıdır.

Sputnik Azərbaycan bildirir ki, bu barədə “Kronen Zeitung” qəzeti yazıb.

“Lokdaundan sonra ilk dəfə xanımım və iki dostumla birlikdə şam etməyə getdik. Biz söhbətləşirdik, təəssüf ki, saata baxmağı unutduq. Çox təəssüf edirəm. Bu, səhv idi. Əgər restoran sahibinin hansısa itkiləri olacaqsa, buna özüm cavabdeh olacam”, - deyə Prezident Twitter-də yazıb, üstəlik qəzetin məqaləsini də paylaşımına əlavə edib.

Polis “Sole” adlı italyan restoranına 00:20-də gəlib və eyvanda əyləşmiş qonaqların içki içdiklərini görüb. Əslində isə bura saat yarım əvvəl bağlanmalı imiş. Qəzet yazır ki, tanınma zamanı qonaqlar özlərini mehriban aparıblar.

​“Federal Prezident bir çox artistlər kimi tez-tez qonağım olur. Şama bu dəfə balıq sifariş etmişdi. Mən hər şeyi doğru elədim, qanunun tələbi ilə: saat 23:00-da biz sonuncu içkiləri gətirib kafeni bağladıq. Sonra Prezident hələ bir müddət də - əvvəl mən də orada idim – xanımı ilə bayırdakı örtülü eyvanda söhbət elədi”, - deyə restoranın direktoru Aki Nuredini “Kronen Zeitung”a bildirib.

Avstriyada restoranlar 23:00-dan sonra bağlanmalıdır, yəni həmin vaxtdan etibarən qonaqlara heç nə təqdim etmək olmaz, mətbəx və bar işləməməlidir. Ancaq eyni zamanda, nəzəri olaraq restoran qonaqlara masa arxasında əyləşməyə icazə verə bilər. İndi Vyananın magistratı restoran sahibini 30 min avro cərimələmək, ya da günahını bağışlamaq haqda qərar verməlidir. Prezident və xanımına görə idə hadisəyə görə heç bir cərimə nəzərdə tutulmur.

Avstriyada martın 16-da bağlanan kafe və restoranlar mayın 15-də fəaliyyətlərini bərpa edib. Onlar səhər 6:00-dan 23:00-dək işləyə bilər. Bir masa arxasında maksimum dörd böyük adam (uşaqlar istisna) əyləşə bilər, qonaqlar arasındakı məsafə ən azı 1 m olmalıdır. Müştərilərlə birbaşa ünsiyyətdə olan personal ya qoruyucu maska, ya da üz sipəri taxmalıdır, müştərilər isə maska taxmaqda sərbəstdirlər.

12

Moskvada ölü basdıranların atışması: yaralını da həbs etdilər VİDEO

11
(Yenilənib 23:50 24.05.2020)
Polis hadisənin iştirakçısı olan 4 nəfəri, o cümlədən bir nəfər yaralını saxlayıb. Məlumata görə, saxlanılanların hamısı Orenburqdan gəlib

BAKI, 24 may — Sputnik. Moskvanın Kaşirski şossesində yerləşən yaşayış kompleksinin həyətində silahlı insident olub. Avtomobil sahibləri parklanma sahəsində atışıblar.

Sputnik Azərbaycan bildirir ki, bu barədə “360”a hadisə şahidi olan bir qız danışıb.

“Yasnıy” yaşayış kompleksində atəş açılan zaman qız dostu ilə birlikdə itini gəzdirirmiş. Hadisə qızdan cəmi 1 m aralıda baş verib.

“Arxaya hərəkət edən maşın qəfil dayandı, həmin vaxt qarşıdakı avtomobildən artıq atəş açırdılar. Bu maşından da oğlanlar tökülüşüb avtomatdan cavab atəşi açdılar”, - qız deyib.

Yaşayış kompleksinin sakini olan digər qadın “360”a danışıb ki, hadisə zamanı xeyli maşına zərər dəyib. Onun sözlərinə görə, kişilərin əllərində avtomat və tapançalar olub, onların sayı 10-dan çox imiş.

Polis hadisənin iştirakçısı olan 4 nəfəri, o cümlədən bir nəfər yaralını saxlayıb. Məlumata görə, saxlanılanların hamısı Orenburqdan gəlib.

RF CM-nin 105 (“Sui-qəsd”), 222 (“Qanunsuz silah gəzdirmə”) və 213-cü (“Xuliqanlıq”) maddələri ilə cinayət işi açılıb.

Bildirilir ki, yaralanan şəxs – 37 yaşlı Nikolay Sedov – hadisədən sonra avtobus parkının ərazisində gizlənib. O, kürəyi və üzündən xəsarətlər alıb. Ümumilikdə insidentdə ov tüfəngləri ilə silahlanmış 8-dən çox adamın iştirak etdiyi deyilir. Onlar bir neçə avtomobildə hadisə yerini tərk ediblər. Şəhərdə polis əməliyyat başladıb.

Hadisənin ilkin səbəbi kimi dəfn biznesi sahəsində fikir ayrılıqları göstərilir. Bu barədə Baza Telegram kanalında məlumat yayılıb. 

Bildirilir ki, münaqişə GrandRitual və "Moskvada N1 Ayin xidməti" agentliklərinin əməkdaşları arasında başlanıb. Menecerlərdən biri külli miqdarda pulu gizlədib, insident də bundan qaynaqlanıb. Atışmada iştirak edənlər "Ford Focus" avtomobilində qaçıblar. Polislər onları haqlaya biliblər. Nəqliyyat vasitəsi isə taksi kimi qeydiyyatdan keçirilib və Keniya vətəndaşı İslam Xutsmiyevə məxsusdur.

11