Ağ Ev

Trampa verilən müddət bu gün başa çatır

111
(Yenilənib 12:55 08.02.2019)
ABŞ hökuməti Qaşıqçı cinayətində Səudiyyə Ərəbistanının vəliəhd şahzadəsi Məhəmməd bin Salmanın birbaşa məsuliyyət daşıyıb-daşımadığını ortaya qoymalı idi

BAKI, 8 fevral — Sputnik. Səudiyyəli jurnalist Camal Qaşıqçı cinayətinin araşdırılması ilə bağlı ABŞ hökumətinə verilən 120 günlük müddət bu gün başa çatır. Sputnik Azərbaycan "Star"a istinadla xəbər verir ki, ABŞ Senatı hökumətə 120 gün vaxt vermişdi. 

Belə ki, ABŞ hökuməti Qaşıqçı cinayətində Səudiyyə Ərəbistanının vəliəhd şahzadəsi Məhəmməd bin Salmanın birbaşa məsuliyyət daşıyıb-daşımadığını ortaya qoymalı idi. Ona görə də bu məsələdə diqqətlər Ağ Evə yönəlib. Senat bu gün Ağ Evdən cavab gözləyir. 

Senat 2018-ci ilin oktyabrın 10-da ABŞ prezidenti Donald Trampa məktub göndərib. Məktubda tələb edilib ki, "Maqnitski Aktı" qanunu çərçivəsində Məhəmməd bin Salmanın Qaşıqçı cinayətində məsuliyyət daşıyıb-daşımadığı ortaya qoyulsun. Bunun üçün hökumətə 120 gün vaxt verilib.

ABŞ mediasında çıxan xəbərlərdə gözləntilər var ki, Ağ Ev Senata Salmanı məsuliyyətdən yayındıran bir cavab göndərəcək.

ABŞ Senatının Xarici Əlaqələr Komitəsi 10 oktyabrda Trampa məktub göndərərək Qaşıqçının aqibəti haqqında "Qlobal Maqnitski İnsan Haqları Cavabdehliyi Akt"ı (Global Magnitsky Human Rights Accountability Act) çərçivəsində istintaq açılmasını tələb etmişdi.

Məktubda "Qlobal Maqnitski İnsan Haqları Cavabdehliyi Akt"ı çərçivəsində Qaşıqçı cinayətində rolu olan xarici şəxslərə qarşı sanksiya tətbiqi barədə qərar verilməsi tələb edilib.

Qeyd edək ki, Konqres həmin qanuna 2016-cı ildə dəyişikliklər edib. Belə ki, qanun ABŞ rəhbərliyinin dünyanın hər hansı ölkəsindəki insan haqları pozuntuları çərçivəsində müvafiq şəxs və qurumlara sanksiya qərarı almasına imkan tanıyacaq şəkildə genişləndirilib.

111
Teqlər:
Salah ibn Camal Qaşıqçı, səudiyyəli jurnalist Camal Qaşıqçı, Camal Qaşıqçı, Donald Tramp, ABŞ, Senat, Ağ Ev
Əlaqədar
“Camal Qaşıqçı transmilli islamçı təşkilatın üzvü olub”
Camal Qaşıqçı olayına dair yeni iddia irəli sürüldü
BMT Camal Qaşıqçı olayı ilə bağlı çağırış etdi
ABŞ-dan açıq etiraf: "Camal Qaşıqçı Səudiyyə şahzadəsinin əmri ilə öldürülüb"
Koronavirusdan ölən şəxsin meyiti, arxiv şəkli

Koronavirusdan ölənlər qəbirdən çıxarılır

27
(Yenilənib 23:07 25.11.2020)
Ekvador Prokurorluğu bu işə Los Seybos xəstəxanası yaxınlığındakı zibil qablarından 237 cəsədin parçalarının tapılmasından sonra başlayıb.

BAKI, 25 noyabr — Sputnik. Ekvador Prokurorluğu yeni tip koronavirus (COVID-19) pandemiyasının ən kritik günlərində həyatını itirənlərin şəxsiyyətinin müəyyənləşdirilməsi üçün fəaliyyətə başlayıb. Sputnik Azərbaycan-ın Türkiyənin NTV kanalına istinadən verdiyi xəbərə görə, artıq bu məqsədlə Quayakil şəhərindəki qəbirlərin bir hissəsi eksqumasiya olunub.

Ekvador Prokurorluğunun sosial media vasitəsilə verdiyi açıqlamada "Hazırda Milli Ekspertiza Sisteminin dəstəyi ilə COVID-19 pandemiyası zamanı həyatını itirən şəxslərin kimliyini müəyyənləşdirmək üçün DNT nümunələri toplayırıq", - deyə bildirilir.

İndiyə kimi Quayakildəki Los Seybos xəstəxanasından aparılaraq basdırılmış 45 cəsəddən 18-i artıq qəbirdən çıxarılıb. Dauel qəsəbəsindəki La Avrora qəbirstanlığında isə eksqumasiya işlərinin bir neçə gün sonra başa çatdırılacağı bildirilib.

Qeyd edək ki, Ekvador Prokurorluğu istintaqa may ayında, Los Seybos xəstəxanası yaxınlığındakı zibil qablarından 237 cəsədin parçalarının tapılmasından sonra başlamışdı. Pandemiyanın geniş yayıldığı mart-aprel ayları ərzində ölkənin səhiyyə sistemi çökmüş, virusdan ölənlərin basdırılamasında isə böyük çətinlik yaranmışdı. Dövlət xəstəxanalarında cəsədlərin qarışıq düşməsi ilə yanaşı, evində ölənlərin meyitləri də toplanaraq günlərlə gözlədikdən sonra şəxsiyyətləri müəyyən olunmadan yandırılmışdı. Yaranan qarışıqlıq zamanı sistemdə ölü kimi qeydə alınan bəzi insanların sonradan əslində sağ olduqları üzə çıxdı. Bundan sonra Ekvador Prokurorluğu bütün məzarların bir-bir eksqumasiya olunması haqqında qərar verdi.

27
Fransa bayrağı, arxiv şəkli

Fransa Senatından Azərbaycan əleyhinə xaincəsinə qərar

122
(Yenilənib 22:12 25.11.2020)
XİN: Parisin “Dağlıq Qarabağın müstəqilliyi”ni birtərəfli tanıması nə Ermənistana, nə Qarabağ xalqına, nə də Fransanın özünə fayda vermir.

BAKI, 25 noyabr - Sputnik. Fransa Senatı qondarma “Dağlıq Qarabağ Respublikası”nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib.

Sputnik Azərbaycan RİA Novosti-yə istinadən xəbər verir ki, sənədin lehinə 305 senator səs verib. Bir nəfər isə əleyhinə olub. Sənəd tövsiyə xarakteri daşıyır.

Fransa Xarici İşlər Nazirliyi artıq Senatın qərarına münasibət bildirib: Parisin “Dağlıq Qarabağın müstəqilliyi”ni birtərəfli tanıması nə Ermənistana, nə Qarabağ xalqına, nə də Fransanın özünə fayda vermir.

122
Teqlər:
Dağlıq Qarabağ, Fransa

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

0
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

0