Fil balası

Filə hücum edən yırtıcı özü həlak oldu - FOTO

86
(Yenilənib 20:43 06.02.2019)
Fil çəkidə ağır olduğu üçün həyatda qalmağı bacarıb

BAKI, 7 fevral — Sputnik. Zambiyada yerləşən Cənubi Luanqva zooparkında qəribə hadisə baş verib. Belə ki, şir bala filə hücum edib. Hücum zamanı bala fil yırtıcını tapdalayıb və şir yaralanıb. Sputnik Azərbaycan Rusiya mətbuatına istinadən xəbər verir ki, şir bir neçə saatdan sonra ölü tapılıb.

Bala fil ona hücum edən şirin öhdəsindən gəlir
FB/Ho Ngoc Bao Linh
Bala fil ona hücum edən şirin öhdəsindən gəlir

Fil çəkidə ağır olduğu üçün həyatda qalmağı bacarıb. O, bütün çəkisi ilə şirin üzərində oturub. Şir taqətdən düşənə kimi fil onun üzərindən qalxmayıb.

Bu görüntünü fotoqraf kadra ala bilib.

Aclıqdan ölmüş şir
Aclıqdan ölmüş şir

Fotoqraf daha sonra şiri izləyib. O, deyib ki, bu mənzərəni izləmək çox ağır olub: “Bir heyvan qoca idi, digəri isə yeni yaşamağa başlayırdı. Şir neçə gün yemədiyi üçün çox halsız görünürdü. Filə hücum etdi. Amma hücum uğurlu alınmadı və özü öldü”.

86