BAKI, 5 fevral - Sputnik. ABŞ-da ticarət mərkəzində partlayış olub.
"Report" xəbər verir ki, hadisə Albukerke şəhərində (Nyu-Meksika ştatı) "Coors and Central" ticarət mərkəzində baş verib.
Albukerke polisindən bildirilib ki, partlayış zamanı həlak olan var.
"Partlayış zamanı bir nəfər ölüb. Zərərçəkənlər barədə məlumat daxil olmayıb", - deyə şəhər polisinin "Twitter" səhifəsində bildirilir.
Polisdən həmçinin bildirilib ki, hadisə ilə bağlı araşdırma aparılır.
Partlayışın təfərrüatı açıqlanmır.
