Venesuelada etirazlar

Venesuela prezidenti onun qətlinə fərman verildiyini dilə gətirib

155
(Yenilənib 11:31 30.01.2019)
"Məni qoruyurlar, bizim çox yaxşı müdafiə sistemimiz var"

BAKI, 30 yanvar — Sputnik. Venesuela prezidenti Nikolas Maduro hesab edir ki, Birləşmiş Ştatlar lideri Donald Tramp Kolumbiyaya onu öldürmək əmri verib və ona nəsə olacağı təqdirdə məsuliyyəti məhz bu ölkələr daşıyır.

Sputnik Azərbaycan xəbər verir ki, bunu Venesuela prezidenti Maduro "RİA Novosti"yə müsahibəsində bildirib. "Birinci, mənim taleyim tanrının əlindədir. Mən xristianam, tanrının insanı qorumasına inanıram. Məni daima Venesuela xalqı qoruyur. Bizim çox yaxşı kəşfiyyat xidmətimiz var" - deyə Maduro qeyd edib.

O vurğulayıb ki, ABŞ prezidenti Donald Tramp onu öldürmək əmri verib: "O, Kolumbiya hökuməti, Kolumbiya mafiyasına məni öldürməyi əmr edib. Əgər bir gün mənə nəsə olsa, onda Donald Tramp və Kolumbiya prezidenti İvan Duke hər şeyə görə məsuliyyət daşıyacaq".

Maduro vurğulayıb ki, onu qoruyurlar: "Məni qoruyurlar, bizim çox yaxşı müdafiə sistemimiz var".

Xatırladaq ki, yanvarın 23-də Venesuelada müxalifət lideri, parlamentin sədri Xuan Quaydo özünü müvəqqəti prezident elan edib. Amerika qitəsindəki 34 ölkə onun prezidentliyini tanıyıb. Rusiya, Meksika, Boliviya, Türkiyə isə Maduronu dəstəklədiklərini bildirib.

155
Teqlər:
Venesuela, ABŞ, Nikolas Maduro, Donald Tramp
Əlaqədar
Rusiyadan ABŞ-a kəskin Venesuela xəbərdarlığı: Fəlakət ssenarisi olacaq
Fransa Venesuela hadisələri ilə bağlı mövqeyini açıqladı
“Venesuela hadisələri neft və qızıl bazarına da təsir edəcək”
Maduro istefaya "yox" dedi - Toqquşmada ölənlərin sayı artır
Maduro ABŞ-ın ölkəsindəki əsl hədəfini açıqladı
OPEC-in loqosu, arxiv şəkli

“OPEC+” nazirlərinin iclasının vaxtı dəyişib

0
(Yenilənib 16:32 01.12.2020)
Azərbaycanın energetika naziri Pərviz Şahbazovun da "OPEC plus" ölkələri nazirlərinin müzakirələrində iştirakı nəzərdə tutulur

BAKI, 1 dekabr — Sputnik. Dekabrın 1-də keçirilməsi nəzərdə tutulan "OPEC plus" ölkələri nazirlərinin 12-ci görüşünün vaxtı 3 dekabr tarixinə dəyişdirilib.

Sputnik Azərbaycan-ın məlumatına görə, görüşdə OPEC və qeyri-OPEC ölkələri nazirləri tərəfindən "Əməkdaşlıq Bəyannaməsi"ndən irəli gələn məsələlər üzrə müzakirələr keçiriləcək.

Azərbaycan Respublikasının energetika naziri Pərviz Şahbazovun da "OPEC plus" ölkələri nazirlərinin müzakirələrində iştirakı nəzərdə tutulur.

0
Teqlər:
nazirlər, OPEC, Müzakirələr
 Türkiyə sülhməqamlıları, arxiv şəkli

Türkiyə-Rusiya Ortaq Mərkəzinin yaradılmasına dair anlaşma imzalandı

72
(Yenilənib 12:11 01.12.2020)
"Türkiyə-Rusiya Ortaq Mərkəzinin yaradılması və vəzifə əsaslarına dair texniki detallarla bağlı danışıqlar tamamlanaraq razılaşma imzalanıb. Mərkəzin ən qısa zamanda fəaliyyətə başlaması üçün lazımi işlər gedir"

BAKI, 1 dekabr — Sputnik. Türkiyə-Rusiya Ortaq Mərkəzinin yaradılmasına dair texniki detallarla bağlı müzakirələr başa çatıb və tərəflər arasında anlaşma imzalanıb.

Sputnik Azərbaycan xəbər verir ki, bu barədə məlumat Türkiyənin Milli Müdafiə Nazirliyinin rəsmi saytında yerləşdirilib.

"Türkiyə-Rusiya Ortaq Mərkəzinin yaradılması və vəzifə əsaslarına dair texniki detallarla bağlı danışıqlar tamamlanaraq razılaşma imzalanıb. Mərkəzin ən qısa zamanda fəaliyyətə başlaması üçün lazımi işlər gedir", - deyə məlumatda qeyd olunub.

Həmçinin qeyd olunur ki, noyabrın 11-də Türkiyənin Milli Müdafiə naziri Hulusi Akarla rusiyalı həmkarı Sergey Şoyqu Azərbaycan və Ermənistan arasında atəşkəsi müşahidə etmək və nəzarət üçün video konfrans formatında anlaşma memorandumu imzalayıb.

72
Teqlər:
anlaşma, Rusiya, Türkiyə, Qarabağ