Flirt, arxiv şəkli

Hollivud filminin ssenarisi Yaponiyada təkrarlanır

91
(Yenilənib 18:26 29.01.2019)
"Nə qədər yaddaşımı itirsəm də, əminəm ki, onu yenidən sevə biləcəyəm", - deyə qız əlavə edib.

BAKI, 29 yanvar — Sputnik. Yaponiyada Maruyema adlı qız avtomobil qəzasından sonra yaddaşını ititrərək öz nişanlısı ilə dəfələrlə yenidən tanış olub. Sputnik Azərbaycan xarici mətbuata istinadla xəbər verir ki, 24 yaşlı qız velosipedlə gedən zaman avtomobilin altına yıxılıb. Komadan ayıldıqdan sonra qız yaxınlarını və tanışlarını, o cümlədən 2,5 il görüşdüyü çinli Li Xuayuyanı tanıya bilməyib.

Li isı ümid edib ki, Maruyemanın yaddaşı zamanla qayıdacaq. Ancaq qəzadan iki ay sonra qız komadan sonra baş verənləri unutmağa başlayıb. Bundan sonra yaddaş itkisi hər gün baş verməyə başlayıb. Qız hər gün səhər yuxudan oyananda nə insanları tanıyıb, nə də baş verənləri xatırlaya bilib. Planlaşdırılmış toy da təxirə salınıb. Amma Li məğlub olmayıb. O hər gün qıza özü haqqında danışıb və ona tanış olduqları barədə sübut göstərib. Bundan sonra qız həkimlərin məsləhəti ilə gündəlik tutmağa başlayıb. Hər gün onu oxuyaraq yaddaşını yeniləyə bilib.

Bir gün Maruyama Liyə ayrılmağı məsləhət görüb. Başqa gün isə qız Liyə evlənmək təkilf edib. "Yaddaş pozuntusuna görə mənim onu dəfələrlə sevmək şansım var" - deyə qız Yaponiya telekanallarından birinə danışıb.

"Nə qədər yaddaşımı itirsəm də, əminəm ki, onu yenidən sevə biləcəyəm", - deyə qız əlavə edib.

Qeyd edək ki, Hollivudun məşhur "50 birinci öpüş" filmində də oxşar hadisə baş verir. Filmdə baş qəhrəman Lüsi (Dryu Berrimor) qəzadan sonra yaddaşını itirir və sevgilisi Henri (Adam Sandler) ilə hər gün yenidən tanış olur.

91

Türk səfir Armen Sarkisyanın saxtakarlığını ifşa etdi

16
Ermənistan prezidentinin bu hərəkəti Türkiyə ərazisinə iddia ilə yanaşı Gürcüstan-Türkiyə münasibətlərinə xələl gətirmək cəhdi kimi də qəbul olunub.

BAKI, 18 aprel - Sputnik. Türkiyənin Gürcüstandakı səfiri Fatma Ceren Yazqan Ermənistan prezidenti Armen Sarkisyanın Tbilisiyə rəsmi səfəri çərçivəsində əl atdığı təxribata münasibət bildirib.

Sputnik Azərbaycan Report-a istinadla xəbər verir ki, diplomat Twitter hesabında Ağrı dağının Türkiyədə ən hündür dağ olduğunu yazıb.

F.C.Yazqan bu barədə məlumatı gürcü və erməni dillərində də əlavə edib: “Sadəcə əmin edirəm ki, faktlar karikaturistik diplomatiyada itmir”.

Qeyd edək ki, A.Sarkisyan Gürcüstanın prezident sarayının fəxri qonaqlar kitabında yazı ilə yanaşı Ağrı dağının konturları ilə rəsm də çəkib. Bu fakt Gürcüstan prezidenti Salome Zurabişvilinin həmin səhifənin fotoşəklini sosial şəbəkədə paylaşmasından sonra məlum olub.

Ermənistan prezidentinin bu hərəkəti Türkiyə ərazisinə iddia ilə yanaşı Gürcüstan-Türkiyə münasibətlərinə xələl gətirmək cəhdi kimi də qəbul olunub.

16
Президент Туркменистана Гурбангулы Бердымухаммедов, фото из архива

Türkmənistan Prezidentinin atası vəfat edib

16
(Yenilənib 22:19 18.04.2021)
Türkmənistan DİN-in 1001 saylı hərbi hissəsinə və nazirliyin Aşqabaddakı yaşayış kompleksinə onun adı verilib.

BAKI, 18 aprel - Sputnik. Türkmənistan Prezidenti Qurbanqulu Berdiməhəmmədovun atası Malikqulu Berdimuhamedov 88 yaşında vəfat edib.

Sputnik Azərbaycan xəbər verir ki, bu barədə Türkmənistanın dövlət televiziyası məlumat yayıb.

Qeyd edək ki, M.Berdimuhamedov 1932-ci il avqustun 12-də anadan olub. O, 1982-ci ildə Daxili İşlər Nazirliyindən polis polkovnik-leytenantı rütbəsində ehtiyata buraxılıb. Türkmənistan DİN-in 1001 saylı hərbi hissəsinə və nazirliyin Aşqabaddakı yaşayış kompleksinə onun adı verilib.

16
Rusiya XİN-nin binası, arxiv şəkli

Çexiyanın Rusiyadakı səfirliyinin 20 əməkdaşı “persona non qrata” elan edildi

0
Rusiya Xarici İşlər Nazirliyinin “persona non qrata” elan etdiyi şəxslər Moskvanı 19 aprelə qədər tərk etməlidirlər.

BAKI, 18 aprel - Sputnik. Rəsmi Moskva Rusiya diplomatlarının Çexiyadan çıxarılmasına anoloji qərarla cavab verib.

Sputnik Azərbaycan RİA Novosti-yə istinadla xəbər verir ki, Rusiya Xarici İşlər Nazirliyi Çexiya Respublikasının Moskvadakı səfirliyinin 20 əməkdaşını “persona non qrata” elan edib.

Həmin şəxslər Rusiyanı 19 aprelə qədər tərk etməlidirlər.

Bundan əvvəl Çexiya respublikasının fövqəladə və səlahiyyətli səfiri Vitezslav Pivonka rəsmi Praqanın rus diplomatları ölkədən çıxaracağı ilə bağlı bəyanatından sonra Rusiya Xarici İşlər Nazirliyinə çağırılıb.

Bundan əvvəl RF diplomatiya idarəsində Çexiya hökumətinə sərt etiraz bildirilmiş və cavab tədbirlərinin görüləcəyinin anonsu verilmişdi.

Rusiya Xarici İşlər Nazirliyi qeyd edib ki, Praqanın hərəkətlərində "Amerikanın izlərini görməmək olmaz".

Nazirlik diplomatların qovulması qərarının 2014-cü ildə Vrbetitsadaki hərbi anbarlarda baş verən partlayışda Rusiya xüsusi xidmət orqanlarının iştirakı ilə bağlı "əsassız və həqiqətdən uzaq bəhanələr"lə əlaqədar verildiyini qeyd edib. 

 

0