ABŞ ordusu

Şeytanın vücud tapmış halı başında: "Böyük müharibəyə hazır olun"

13198
(Yenilənib 12:07 16.01.2019)
"Bolton müharibə əleyhdarlarını şəxsləri zərərsizləşdirirək, yaxın zamanda ABŞ-ın İrana qarşı müharibəyə başlamasına nail ola bilər"

BAKI, 16 yanvar — Sputnik. Birləşmiş Ştatlar prezidenti Donald Trampın milli təhlükəsizlik üzrə müşaviri Con Bolton ölkəsinin İrana qarşı hücuma keçməsini istəyir. Sputnik Azərbaycan xəbər verir ki, bunu "Al Jazeera" telekanalının aparıcısı və "The Intercept" nəşrinin yazarı Mehdi Hasan öz məqaləsində qeyd edib.

Con Bolton
© AP Photo / Susan Walsh
Con Bolton

Məqalədə vurğulanır ki, Con Bolton ABŞ rəhbərliyində ciddi bir güc əldə edib və ABŞ-ı İranla müharibəyə təhrik edir: "ABŞ-ın sabiq müdafiə naziri Ceyms Mettis Bolton haqqında danışarkən onu "şeytanın vücud tapmış halı" kimi qiymətləndirilib. Belə ki, Tramp Administrasında təmsil olunan və Con Boltonla mübahisəsi düşmüş bir çox insan öz vəzifəsini itirsə də, Bolton hələ də vəzifəsində qalır və boşalan yerlərə İrana qarşı müharibəni dəstəkləyən şəxslərin gətirilməsini təmin edir".

Hasan, Trampın Suriyada olan ABŞ qoşunlarının dərhal geri çəkiləcəyinə dair açıqlamalarına baxmayaraq, Boltonun bu açıqlamanı tərsinə şərh etdiyini xatırladıb: "Bolton İraqın 2002-ci ildə əsassız nüvə silahı iddiaları ilə işğal edilməsində əsas aktorlardan biri olub və bu səbəbdən yüz minlərlə iraqlının qətl edilməsində payı var".

Boltonun İrana qarşı açıqlamaları ilə tanınan şəxslərlə əməkdaşlıq etdiyini qeyd edən jurnalistin sözlərinə görə, milli təhülkəsizlik müşaviri rəhbərlik daxilində müharibəyə qarşı olan şəxsləri zərərsizləşdirirək, yaxın zamanda ABŞ-ın İrana qarşı müharibəyə başlamasına nail ola bilər.

Qeyd edək ki, 2018-ci il dekabrın 24-də ABŞ prezidenti qoşunların Suriyadan çıxarılması haqqında sərəncam imzalayıb. Ağ Ev tərəfindən qoşunların çıxarılması barədə bəyanat verildikdən sonra ABŞ müdafiə naziri Ceyms Mettis və ABŞ-ın İŞİD-lə mübarizə üzrə xüsusi nümayəndəsi Brett Makqerq istefaya gedib.

Onu da xatırladaq ki, bu ilin yanvar ayında Türkiyə prezidenti Rəcəb Tayyib Ərdoğan Moskvaya səfər edəcək. O, burada Rusiya lideri ilə Suriyadakı vəziyyəti müzakirə edəcək.

13198
Teqlər:
müşavir, milli təhlükəsizlik, Con Bolton, Donald Tramp, prezident, Amerika Birləşmiş Ştatları
Əlaqədar
ABŞ-ın sanksiyaları İranda işsizliyə səbəb olur
ABŞ-la tarixi müttəfiqləri arasında "İran çatı"
Politoloq: “ABŞ-İran münasibətləri gərginləşməkdə davam edəcək”
Politoloq: “ABŞ sanksiyaları İran üçün yaxşı heç nə vəd etmir”
Koronavirusdan ölən şəxsin meyiti, arxiv şəkli

Koronavirusdan ölənlər qəbirdən çıxarılır

24
(Yenilənib 23:07 25.11.2020)
Ekvador Prokurorluğu bu işə Los Seybos xəstəxanası yaxınlığındakı zibil qablarından 237 cəsədin parçalarının tapılmasından sonra başlayıb.

BAKI, 25 noyabr — Sputnik. Ekvador Prokurorluğu yeni tip koronavirus (COVID-19) pandemiyasının ən kritik günlərində həyatını itirənlərin şəxsiyyətinin müəyyənləşdirilməsi üçün fəaliyyətə başlayıb. Sputnik Azərbaycan-ın Türkiyənin NTV kanalına istinadən verdiyi xəbərə görə, artıq bu məqsədlə Quayakil şəhərindəki qəbirlərin bir hissəsi eksqumasiya olunub.

Ekvador Prokurorluğunun sosial media vasitəsilə verdiyi açıqlamada "Hazırda Milli Ekspertiza Sisteminin dəstəyi ilə COVID-19 pandemiyası zamanı həyatını itirən şəxslərin kimliyini müəyyənləşdirmək üçün DNT nümunələri toplayırıq", - deyə bildirilir.

İndiyə kimi Quayakildəki Los Seybos xəstəxanasından aparılaraq basdırılmış 45 cəsəddən 18-i artıq qəbirdən çıxarılıb. Dauel qəsəbəsindəki La Avrora qəbirstanlığında isə eksqumasiya işlərinin bir neçə gün sonra başa çatdırılacağı bildirilib.

Qeyd edək ki, Ekvador Prokurorluğu istintaqa may ayında, Los Seybos xəstəxanası yaxınlığındakı zibil qablarından 237 cəsədin parçalarının tapılmasından sonra başlamışdı. Pandemiyanın geniş yayıldığı mart-aprel ayları ərzində ölkənin səhiyyə sistemi çökmüş, virusdan ölənlərin basdırılamasında isə böyük çətinlik yaranmışdı. Dövlət xəstəxanalarında cəsədlərin qarışıq düşməsi ilə yanaşı, evində ölənlərin meyitləri də toplanaraq günlərlə gözlədikdən sonra şəxsiyyətləri müəyyən olunmadan yandırılmışdı. Yaranan qarışıqlıq zamanı sistemdə ölü kimi qeydə alınan bəzi insanların sonradan əslində sağ olduqları üzə çıxdı. Bundan sonra Ekvador Prokurorluğu bütün məzarların bir-bir eksqumasiya olunması haqqında qərar verdi.

24
Fransa bayrağı, arxiv şəkli

Fransa Senatından Azərbaycan əleyhinə xaincəsinə qərar

113
(Yenilənib 22:12 25.11.2020)
XİN: Parisin “Dağlıq Qarabağın müstəqilliyi”ni birtərəfli tanıması nə Ermənistana, nə Qarabağ xalqına, nə də Fransanın özünə fayda vermir.

BAKI, 25 noyabr - Sputnik. Fransa Senatı qondarma “Dağlıq Qarabağ Respublikası”nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib.

Sputnik Azərbaycan RİA Novosti-yə istinadən xəbər verir ki, sənədin lehinə 305 senator səs verib. Bir nəfər isə əleyhinə olub. Sənəd tövsiyə xarakteri daşıyır.

Fransa Xarici İşlər Nazirliyi artıq Senatın qərarına münasibət bildirib: Parisin “Dağlıq Qarabağın müstəqilliyi”ni birtərəfli tanıması nə Ermənistana, nə Qarabağ xalqına, nə də Fransanın özünə fayda vermir.

113
Teqlər:
Dağlıq Qarabağ, Fransa

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

0
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

0