SİYASƏT
Ölkənin ictimai-siyasi həyatına, xarici siyasətə, beynəlxalq siyasi gündəmə dair məqalələr

Ərdoğan və Trampın kritik Suriya müzakirəsi

© AP Photo / Markus SchreiberTürkiyə prezidenti Rəcəb Tayyib Ərdoğan və ABŞ rəhbəri Donald Tramp
Türkiyə prezidenti Rəcəb Tayyib Ərdoğan və ABŞ rəhbəri Donald Tramp - Sputnik Azərbaycan
Abunə olmaq
Liderlər, həmçinin ikitərəfli iqtisadi əlaqələri daha yüksək səviyyəyə qaldırmağa dair razılığa gəlib

BAKI, 15 yanvar — Sputnik. Türkiyə prezidenti Rəcəb Tayyib Ərdoğan amerikalı həmkarı Donald Trampa telefonla danışıb. Bu barədə Sputnik Azərbaycan "Anadolu" agentliyinə istinadən xəbər verir.

Məlumata əsasən, tərəflər telefon danışığı zamanı ikitərəfli münasibətlərin aktual məsələlərini, həmçinin Suriyadakı son durumu müzakirə ediblər. 

Türkiyə xarici işlər naziri Mövlud Çavuşoğlu - Sputnik Azərbaycan
Türkiyə-ABŞ qarşıdurması pik həddinə çatır

Prezident Ərdoğan ABŞ-ın Suriyadan öz qoşunlarını çıxarmaq barədə qərarından məmnunluğunu ifadə edib. Türkiyə lideri ölkəsinin NATO üzrə tərəfdaşı ABŞ-a bu barədə kömək edə biləcəyini Trampın diqqətinə çatdırıb.

Bundan əlavə, ölkə başçıları Suriyanın şimalında terrorçulardan təmizlənən "təhlükəsizlik zonasının" yaradılmasına dair də fikir mübadiləsi aparıblar. Həmçinin vurğulanıb ki, zona Suriyanın ərazi bütövlüyü çərçivəsində yaradılmalıdır.

Prezident Ərdoğan vurğulayıb ki, Türkiyənin kürdlərlə heç bir problemi yoxdur və Ankaranın hədəfi ölkənin təhlükəsizliyinə təhdid göstərən İŞİD, PKK, həmçinin PKK-nın Suriya qolu kimi terror təşkilatlarına qarşı mübarizə aparmaqdır.

Liderlər, həmçinin ikitərəfli iqtisadi əlaqələri daha yüksək səviyyəyə qaldırmağa dair razılığa gəliblər.

Xəbər lenti
0