Ermənistanın baş naziri Nikol Paşinyan

Paşinyan rəsmən baş nazir oldu

216
(Yenilənib 13:43 14.01.2019)
Sarkisyan Paşinyanın baş nazir təyin olunması haqqında sərəncam imzalayıb

BAKI, 14 yanvar — Sputnik. Ermənistan prezidenti Armen Sarkisyan Nikol Paşinyanın ölkənin baş naziri təyin olunması haqqında sərəncam imzalayıb. Bu barədə Sputnik Ermənistan ölkə başçısının saytına istinadən xəbər verir.

Ermənistan Konstitusiyasına əsasən yeni seçilən parlamentdə baş nazir seçilməyib. Belə ki, parlamentdə üstünlüyü qazanan siyasi qüvvə öz namizədini irəli sürür və bundan sonra prezident onu təsdiqləyir.

Qeyd edək ki, ötən ilin dekabrın 9-da Ermənistanda növbədənkənar parlament seçkiləri keçirilib. Növbədənkənar parlament seçkilərində baş nazir vəzifəsini icra edən Nikol Paşinyanın "Mənim addımım" bloku 70,43% (884456) nəticə ilə qalib gəlib.

İkinci yeri Çiçəklənən Ermənistan Partiyası tutub - 8,27% (103824). Partiya lideri Qagik Sarukyan dəfələrlə Paşinyanı dəstəkləyib. Paşinyanın İşıqlı Ermənistan Partiyasının timsalında tapdığı müttəfiqi 6,37% (80024) səslə üçüncü yerdədir. Digər siyasi qüvvələr Ermənistan Milli Məclisində təmsil olunmaq üçün zəruri baryeri keçə bilməyiblər.

216
Teqlər:
parlament, baş nazir, Nikol Paşinyan, Armen Sarkisyan, prezident, Ermənistan
Əlaqədar
Paşinyan Putinlə razılığa gələ bilmədi: "Bu, bizim üçün həssas məsələdir"
Putin-Paşinyan görüşündə Dağlıq Qarabağ münaqişəsi müzakirə olunmayıb
Bu il Azərbaycan Paşinyana ultimatum verə bilər
Moskvadan Yerevana Paşinyanı qəzəbləndirəcək məktub
Rusiya İstintaq Komitəsinin avtomobili, arxiv şəkli

Qadın yüksək səslə musiqiyə qulaq asan doqquz yaşlı uşağı öldürüb

3
(Yenilənib 21:42 06.07.2020)
Hazırda azyaşlını qətlə yetirməkdə şübhəli bilinən rusiyalı qadın həbs edilib. Məhkəmə onu 10 illik azadlıqdan məhrumetmə cəzasına məhkum edib.

BAKI, 6 iyul — Sputnik. Rus qadın yüksək səsli musiqi səbəbindən doqquz yaşlı uşağı öldürüb. Bu barədə Rusiya Federasiyası İstintaq Komitəsinin Krasnodar diyar İdarəsinin saytında məlumat verilib.

İstintaq müəlliflərinin sözlərinə görə, 10 may 2019-cu il tarixdə 9 yaşlı uşaq 28 yaşlı rus qadının oğlanın dayısı ilə birgə yaşadığı Baqovskaya qəsəbəsi, Boqatır küçəsindəki evinə gəlib. Evdə olarkən məktəbli oğlan yüksək səslə musiqi dinləyib. Qadın qorxub ki, bu səsə onun yatmaqda olan azyaşlı uşağı oyanacaq.

Kuban sakini olan qadın uşaqla mübahisə edib və onu boğub. Sonra qadın cinayətin izlərini itirib.

Hazırda azyaşlını qətlə yetirməkdə şübhəli bilinən rusiyalı qadın həbs edilib. Məhkəmə onu 10 illik azadlıqdan məhrumetmə cəzasına məhkum edib.

Oğlan uzun müddət itkin sayılıb. Yüzlərlə insan - könüllülər və hüquq-mühafizə orqanları onun axtarışları ilə məşğul olub.

Rusiyada bu, yüksək səslə musiqiyə qulaq asması səbəbindən adamın öldürüldüyü yeganə hadisə deyil. Belə ki, 2019-cu ilin dekabrında Krasnodar vilayətinin sakini qonşunu və onun oğlunu eyni səbəbdən güllələmişdi. 2018-ci ildə rusiyalı Kirov Tibb Akademiyasının tələbəsi qonşusunu musiqinin səsini almaqdan imtina etdiyi üçün öldürmüşdü.

3
Günəşli hava, arxiv şəkli

Bütün Yer kürəsində istiliyin fəlakətli dərəcədə artması qeydə alınıb

66
(Yenilənib 21:39 06.07.2020)
Avstraliyadakı Yeni Cənubi Uels Universitetinin alimləri bildiriblər ki, inkişaf etməmiş infrastruktura malik ölkələr istiliyin güclənməsindən qaçılmaz şəkildə zərər görəcəklər.

BAKI, 6 iyul — Sputnik. Avstraliyadakı Yeni Cənubi Uels Universitetinin alimləri yerin bütün bölgələrində istilik dalğalarının tezliyinin və gücünün artdığını qeyd ediblər. "Nature Communications" jurnalında dərc edilmiş məqalədə fəlakətli hava dəyişiklikləri haqqında məlumat verilir.

Tədqiqatçılar, ümumiyyətlə, dünyanın hər yerində isti havanın özü ilə ümumilikdə nə qədər istilik gətirdiyini təxmin ediblər. Avstraliyada ən pis halda bütün yay mövsümündə kumulyativ istilik (normadan yuxarı dərəcənin həddi) əlavə 80 dərəcə Selsi, Sibir və Aralıq dənizində isə 200 dərəcə Selsi və daha çox təşkil edib. Müəlliflərin sözlərinə görə, onlar son 70 il ərzində təkcə dünyada istilik dalğalarının tezliyindəki artımının deyil, həm də tendensiyanın sürətlənməsinin fərqinə varıblar.

Hər onillikdə kumulyativ istilik ortalama 1-4, 5 dərəcə Selsi güclənir. Bəzi bölgələrdə, məsələn, Yaxın Şərqdə, Afrikada və Cənubi Amerikada bu göstərici on il ərzində 10 dərəcə Selsiyə çatır. Bu artım uzunmüddətli isti dövrlər hesabına əldə edilir. İstiliyin intensivliyinə, yəni istilik dalğasının orta temperaturunun güclənməsinə gəldikdə, burada sürətlənmə müşahidə edilmir.

1950-ci ildən 2017-ci ilə qədərki onilliklər ərzində Aralıq dənizində hər onillikdə iki gün istilik dalğalarının artması müşahidə edilib. Lakin 1980-ci ildən 2017-ci ilə qədərki onilliklər arasında bu tendensiya 6,4 günə qədər sürətlənib. Amazon, Şimali-Şərqi Braziliya, Qərbi Asiya və Aralıq dənizi kimi bölgələrdə istilik dalğalarında sürətli dəyişikliklər baş verib. Cənubi Avstraliya və Şimali Asiyada isə dəyişikliklər yavaş bir templə baş verir.

Alimlərin sözlərinə görə, tədqiqatın nəticələri qlobal istiləşmənin sürətləndiyini göstərir. Lakin dəyişikliklərin sürətli və ya yavaş olub-olmamasından asılı olmayaraq, inkişaf etməmiş infrastruktura malik ölkələr istiliyin güclənməsindən qaçılmaz şəkildə zərər görəcəklər.

66
Ofis, arxiv şəkli

İşədüzəltmə firmalarının fırıldaqçılığına son

0
(Yenilənib 22:44 06.07.2020)
İşədüzəltmədə vasitəçilik fəaliyyəti həyata keçirən hüquqi şəxslərlə daimi məlumat mübadiləsi təmin olunacaq

BAKI, 6 iyul — Sputnik. Əmək və Əhalinin Sosial Müdafiəsi Nazirliyinin tabeliyində yaradılan Dövlət Məşğulluq Agentliyinə həvalə olunan vəzifələrdən biri də işədüzəltmədə vasitəçilik fəaliyyəti ilə məşğul olan hüquqi şəxslərin elektron formada reyestrini aparmaqdır.

Bu barədə Sputnik Azərbaycan-a Nazirlikdən məlumat verilib. Xəbərə görə, həmin reyestrin yaradılması 2020–2021-ci illərdə nəzərdə tutulub və hazırda üzərində işlər aparılır. Bu reyestr müvafq sahədə vahid informasiya bazasının yaradılmasına imkan verəcək. Nəticədə işədüzəltmədə vasitəçilik fəaliyyəti həyata keçirən hüquqi şəxslərlə daimi məlumat mübadiləsi təmin olunacaq.  Hüquqi şəxslər onlarda olan mövcud vakansiyaları, həmçinin onlara işlə təmin edilmək üçün müraciət edən şəxslər və eləcə də işlə təmin etdikləri şəxslər barədə bütün məlumatları bu reyestrə daxil edəcəklər.

0