Türkiyə ordusu Suriya sərhədində

Üç müsəlman ölkəsi İsraillə əlbir olaraq Türkiyəyə qarşı müdhiş plan hazırlayıb

12895
(Yenilənib 11:26 09.01.2019)
Cohen Türkiyəni bölgədəki hədəflərinə qarşı ən böyük rəqib olduğunu və Türkiyənin nüfuzunun azaldılmasına istiqamətlənən strategiyaları hazırlanmasının vacibliyi vurğulanıb

BAKI, 9 yanvar — Sputnik. İsrail, Misir, Birləşmiş Ərəb Əmirlikləri və Səudiyyə Ərəbistanının kəşfiyyat orqanlarının rəhbərləri Türkiyəni hədəfə alan gizli bir toplantı keçirib. Sputnik Azərbaycan Türkiyə KİV-nə istinadən xəbər verir ki, bu barədə mərkəzi ofisi Londonda yerləşən "Middle East Eye" nəşri yazıb.

Məlumata əsasən, Körfəz ölkələrindən birində baş tutan toplantı zamanı İran və Türkiyənin Yaxın Şərq regionunda nüfuzunun artmasının qarşısını almaq barədə qərar qəbul edilib.

Toplantıya İsrailin "Mossad" kəşfiyyatı qurumunun rəhbəri Yossi Coheninin şəxsən qatılması diqqətləri xüsusilə çəkib. O, görüş iştirakçılarına bildirib ki, "İranın bölgədəki gücünü dəf etmək olar, əsl təhdid Türkiyədən gəlir".

Cohen Türkiyənin bölgədəki hədəflərinə qarşı ən böyük rəqib olduğunu və Türkiyənin nüfuzunun azaldılmasına istiqamətlənən strategiyaların hazırlanmasının vacibliyini vurğulayıb.

Görüş iştirakçıları Türkiyənin nüfuzunu azaltmaq üçün dörd istiqamətli bir strategiya hazırlayıb. Strategiyaya Əfqanıstanda "Taliban"la müzakirələrin davam etdirilməsi, İraqda sünni kartına nəzarət edilməsi, Əsəd rejiminin yenidən Ərəb Birliyinə daxil edilməsinə istiqamətlənmiş səylərin sürətləndirilməsi, Türkiyəyə qarşı Suriya və İraqda terror kartının (PKK/YPG) istifadəsi daxildir.

Qeyd edək ki, ötən gün Ankarada Türkiyə prezidentinin mətbuat katibi İbrahim Kalın və ABŞ prezidenti Donald Trampın milli təhlükəsizlik üzrə müşaviri Con Bolton arasında danışıqlar həyata keçirilib. Məlumata əsasən, danışıqlar prezident sarayında, qapalı qapılar arxasında baş tutub və 2 saat 10 dəqiqə davam edib. Görüşdən sonra isə planlanlaşdırılan mətbuat konfransı ləğv edilib.

Bildirilir ki, Türkiyə Vaşinqtona müraciət edərək Suriyada olan ABŞ bazasının onlara təhvil verilməsini və ya məhv edilməsini istəyib.

Qəzetin adı açıqlanmayan mənbələrinin sözlərinə görə, Türkiyə ABŞ qoşunlarının Suriyadan çıxarılmasından sonra Suriyada olan 22 bazanın kürd qruplaşmalarına təhvil verilməsinin əleyhinədir.

Xatırladaq ki, 2018-ci il dekabrın 24-də ABŞ prezidenti qoşunların Suriyadan çıxarılması haqqında sərəncam imzalayıb. Ağ Ev tərəfindən qoşunların çıxarılması barədə bəyanat verildikdən sonra ABŞ müdafiə naziri Ceyms Mettis və ABŞ-ın İŞİD-lə mübarizə üzrə xüsusi nümayəndəsi Brett Makqerq istefaya gedib.

12895
Teqlər:
Səudiyyə Ərəbistanı, Birləşmiş Ərəb Əmirlikləri, Misir, İsrail, yəhudi, İran, Türkiyə
Əlaqədar
Türkiyə-İran sərhədində silahlı qarşıdurma: Ölən və yaralananlar var
ABŞ dövlət katibindən Türkiyə ilə bağlı qalmaqallı bəyanat
Türkiyə və ABŞ yenidən üz-üzə - Bölgədə yeni oyun başlayır
Politoloq: “Kürdlərin davranışı Türkiyə-Rusiya münasibətlərinə təsir göstərə bilər”
Роберт Кочарян

Robert Köçəryan: Ermənistan hökuməti müharibənin qaçılmaz olması üçün əlindən gələni etdi

15
(Yenilənib 06:41 05.12.2020)
Köçəryanın sözlərinə görə, bütün uğursuzluqların səbəbkarı baş nazir Nikol Paşinyandır. Çünki o, bütün danışıqlar prosesinə sıfırdan başlamağa üstünlük verib.

BAKI, 5 dekabr - Sputnik. “Müharibənin qarşısını almaq olardı, ancaq Ermənistan hökuməti müharibənin qaçılmaz olması üçün hər şeyi etdi”.

APA xəbər verir ki, bunu Ermənistanın sabiq prezidenti Robert Köçəryan “5-ci kanal” telekanalına verdiyi müsahibəsində deyib.

“Əminəm ki, Ermənistan hakimiyyəti müharibənin qaçılmaz olması üçün hər şeyi etdi. Hər şey edildi. Yeni bir şey söyləməyəcəyəm, çünki bu bir ay ərzində mətbuatı izlədim. Demək olar ki, hər şey deyildi, sadəcə, deyilənləri vahid bir təsəvvür yaratmaq üçün ümumiləşdirə bilərsiniz. Niyə danışıqlar prosesi dalana dirəndi. Qəsdən edildi. Qarşılıqlı müstəsna bəyanatlar elə bir vəziyyət yaratdı ki, hətta həmsədrlər də erməni tərəfinin nə istədiyini anlamadılar”, - Köçəryan belə deyib.

Onun sözlərinə görə, bütün bu uğursuzluqların səbəbkarı baş nazir Nikol Paşinyandır. Çünki o, bütün danışıqlar prosesinə sıfırdan başlamağa üstünlük verib.

“Tavuşda sərhəd münaqişəsi təxribatı. Bizim tərəfimizdən törədilmiş təxribat. Bəli. Şimalda. Baş Qərargah rəisi deyəndə ki, 12 iyunda Ermənistanın müharibəyə hazır olmadığı barədə məruzə göndərib və bundan bir ay sonra belə bir təxribata cəhd etmək, bu insidentin mahiyyətini şişirtmək – 70 nəfəri ordenlərlə təltif edərək, Azərbaycanı və Türkiyəni məğlub etdiyimizi demək – bunlar müharibəyə yönəlmiş təxribat deyildisə, bəs nə idi? Əgər bilirsənsə hazır deyilsən, niyə bu addımı atırsan? Çünki düşündün ki, Türkiyə və Azərbaycan bunu sadəcə həzm edəcək?” - deyə sabiq prezident sözlərinə davam edib.

R.Köçəryan bildirib ki, Azərbaycana qarşı təxribatlarda boş sözlərə meyl etmək lazım deyildi:

“Bunu da bir hökumət üzvü etdi və əminliklə deyə bilərik ki, baş nazirin qurumu tərəfindən edildi.

Yeri gəlmişkən, bu cür davranmaq yalnız o halda mümkün idi ki, sən bir üstünlüyə maliksən və o qədər güclüsən ki, bu cür nüanslara əhəmiyyət vermirsən. Ancaq bu belə deyil: resurslar, əhali, büdcə, ümumi daxili məhsul baxımından. Bu doğru deyil. Yenə deyirəm, hökumətimiz şüurlu və ya şüursuz olaraq bu müharibənin qaçılmaz olması üçün hər şeyi etdi. Bu bir həqiqətdir”.

15
Teqlər:
baş nazir Nikol Paşinyan, erməni təxribatı, Tovuz, Ermənistan, Robert Köçəryan
Biznes  ledi

İllərin sənətçisi yeni biznesə başlayıb

25
(Yenilənib 23:45 04.12.2020)
Sayan istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb

BAKI, 4 dekabr — Sputnik. Türkiyəli müğənni Seda Sayan yeni biznesə başlayıb.

Sputnik Azərbaycan xəbər verir ki, sənətçi öz adı ilə istehsal olunan ətirli kolonyanı satışa çıxarmağa hazırlaşır.

View this post on Instagram

A post shared by Seda Sayan (@sedasayan)

Artıq Seda məhsullarla çəkdirdiyi fotosunu özünün "Instagram" səhifəsində paylaşıb. O, istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb. Qeyd edək ki, kolonya qutusunun üzərində Seda Sayanın şəkli yer alıb.

25
Чингиз Абдуллаев

Xalq yazıçısı: “Tariximizi unutsaq, onlar yenidən işğala başlamaq üçün güc toplayacaqlar”

0
(Yenilənib 09:49 05.12.2020)
Xalq yazıçısı Çingiz Abdullayev deyir ki, bizim uşaqlarımızın, nəvələrimizin belə bir muzeyi olmalıdır ki, onlar gəlib görsünlər və heç zaman yaddan çıxarmasınlar
Çingiz Abdullayev: “Bizim tarixi muzeylərimiz çox olmalıdır”

Prezident İlham Əliyev Bakı şəhərində Vətən müharibəsi memorial kompleksinin və Zəfər muzeyinin yaradılması haqqında Sərəncam imzalayıb.

Xalq yazıçısı Çingiz Abdullayev Sputnik Azərbaycan-a deyir ki, imzalanmış bu Sərəncam çox lazımlıdır:

“Bizim uşaqlarımızın, nəvələrimizin belə bir muzeyi olmalıdır ki, onlar gəlib görsünlər və heç zaman yaddan çıxarmasınlar. Əgər biz bu tarixi unutsaq, onlar torpaqlarımızı işğal etmək üçün yenidən güc toplayacaqlar. Mən inanmaq istəyirəm ki, bu məsələ həmişəlik həll olunub, müharibə bitib və biz bir daha torpaqlarımızı itirməyəcəyik. Bizim tarixi muzeylərimiz çox olmalıdır ki, uşaqlarımız tariximizi bilsinlər”.

Çingiz Abdullayevin geniş şərhinə audiofaylda qulaq asa bilərsiniz

0