Almaniyada müsəlmanların qanına susamış şəxs saxlanılıb
(Yenilənib 18:28 02.01.2019)
O, "Bir neçə insanın ölümünə səbəb olma" maddəsi ilə ittiham olunurBAKI, 3 yanvar — Sputnik. Almaniyanın qərbində yeni il gecəsi insanların üzərinə avtomobil sürərək, onları öldürən şəxs saxlanılıb. Sputnik Azərbaycan xəbər verir ki, bu barədə Almaniya Baş Prokurorluğunun məlumatında qeyd edilib.
O, "Bir neçə insanın ölümünə səbəb olma" maddəsi ilə ittiham olunur. Məlumata görə, kişi məqsədli şəkildə piydaların üzərinə avtomobil sürərək, bir neçə müsəlman əcnəbinin ölümünə səbəb olub.
Adam Almaniyanın Bottrop və Essen şəhərlərində 4 dəfə analoji hadisəni törədib. Son məlumata görə, onun bu əməlindən, biri uşaq olmaqla 8 nəfər də xəsarət alıb.
Qeyd edilir ki, cinayətkar əvvəlcə, guya təsadüfən piyadaların üzərinə avtomobil sürüb. Sonra isə əsas hədəfi Suriya və Əfqanıstan vətəndaşları olub.
Misirdə üzərində ginekoloji əməliyyat izi olan mumiya aşkarlanıb
BAKI, 17 yanvar — Sputnik. Qədim Misirdə üzərində ginekoloji əməliyyat izi olan mumiya aşkarlanıb.
Sputnik Azərbaycan xarici mətbuata istinadla xəbər verir ki, Qranada və Xaena universitetlərinin alimləri qadın mumiyası üzərində apardıqları araşdırma zamanı məlum olub ki, qadın ginekoloji əməliyyat keçirib.
Mumiyanın bizim eradan əvvəl 1878-1797-ci illərə aid olduğu bildirilir. Həmin şəxs sağlığında çanaq sümüyündən ciddi zədə alıb və güclü xəstəlikdən əziyyət çəkib. Yerli təbiblər onu sağaltmağa çalışıblar. Onlar qadın üzərində "fumiqasiya" əməliyyatı aparıblar. Belə ki, yaraya toksiki maddələr verərək, mikrobları öldürməyə çalışıblar.
Qeyd edək ki, bu üsul indi ancaq bitkilər üçün həyata keçirilir.
Müəyyən edilib ki, qadın yüksək təbəqədən olub və onun adı Sattjeni A. olub. Sonuncu hərf qadını digərlərindən fərqləndirmək üçün olub.
Çünki həmin dövrdə Sattjeni əhali arasında populyar ad olub. Mumiya qaya məzarlığında aşkarlanıb. Orada 11 yaxşı vəziyyətdə qalmış mumiya olub.
İsraildə “Pfizer” vaksini vurulan 13 nəfər üz iflici olub
BAKI, 17 yanvar - Sputnik. İsraildə yeni növ koronavirus infeksiyasına qarşı “Pfizer” vaksini ilə peyvənd olunan 13 nəfər üz iflici olub.
“Report”un məlumatına görə, bu barədə “The Jerusalem Post” İsrail Səhiyyə Nazirliyinin hesabatına istinadən xəbər verib.
Nazirlik bildirib ki, üz iflici olanların sayı daha çox ola bilər.
Qeyd edək ki, ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb. İlk olaraq İsrailin Baş naziri Binyamin Netanyahu peyvənd olunub.
İki gün əvvəl ordudan tərxis olunan könüllü əsgər ölüb
BAKI, 17 yanvar - Sputnik. Lənkəran rayonunun Göyşaban kəndindən Vətən müharibəsinə könüllü olaraq qatılan Mirzəzadə İbrahim Rüfət oğlu bu gün vəfat edib.
“Report”un verdiyi xəbərə görə, mərhum iki gün əvvəl səfərbərlik üzrə hərbi xidmətdən tərxis edilib.
İlkin məlumata görə, onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.
Faktla bağlı araşdırma aparılır.