ABŞ prezidenti Donald Tramp

Donald Tramp gözlənilmədən İraqa səfər edib

174
(Yenilənib 11:32 27.12.2018)
Ağ Ev rəhbəri Donald Tramp gözlənilmədən İraqdakı amerikalı əsgərlərə baş çəkib

BAKI, 27 dekabr — Sputnik. ABŞ prezidenti Donald Tramp İraqdakı ABŞ əsgərlərini ziyarət etməklə, onlara Milad bayramı sürprizi edib. Sputnik Azərbaycan ingilis mediasına istinadən xəbər verir ki, Ağ Ev rəhbəri sələfləri Corc Buş ilə Barak Obamanın ənənəsinə sadiq qalaraq gözlənilmədən İraqa səfər edib.

İraqa səfəri zamanı Tramp bir neçə saatını əsgərlərlə birgə keçirib. O, həmçinin bildirib ki, Suriyada olduğu kimi, buradakı əsgərlərini geri çəkmək barədə hələ ki, düşünmür. 

İraqdakı əsgərlərlə görüşdən sonra Trampın ölkənin baş naziri Adil Əbdül Mehdi ilə təkbətək görüşü də nəzərdə tutulubmuş. Lakin baş nazirin ofisindən verilən rəsmi məlumatda qeyd olunur ki, ikili arasında görüşlə bağlı fikir ayrılıqları olub. Bu səbəbdən rəsmilər yalnız telefonla əlaqə saxlayaraq danışa biliblər. İraqda olduğu müddətdə Tramp buradakı ABŞ səfiri ilə də görüşə bilib.

Tramp, həmçinin Suriya ilə bağlı da danışıb: "Bizim Suriyadakı varlığımız heç də əbədi deyildi, belə bir niyyətimiz də yox idi".

Ağ Ev rəhbəri, həmçinin artıq bəzi amerikalı əsgərlərin ailələrinə geri döndüyünü də vurğulayıb: "Zamanla ABŞ əsgərləri ailələrinə geri qaytarılır. Artıq bəzi əsgərlər ailələrinə qovuşublar. Yanvar ayından etibarən Suriyadan çıxamağı daha da sürətləndirəcəyik. Böyük ehtimalla bu iş fevralda yekunlaşacaq".

Qeyd edək ki, Tramp 2000 ABŞ əsgərinin Suriyadan, 14 minlik güclü ittifaqın isə Əfqanıstandan geri çəkilməsi ilə bağlı qərar verib.

Xatırladaq ki, prezidentliyinin ilk dönəmində - 2 il öncə Suriyaya səfər edərkən Donald Tramp ABŞ əsgərlərinin Suriyadan çıxarılması ilə bağlı vəd vermişdi.

 

174
Teqlər:
Corc Buş, Barak Obama, ziyarət, əsgər, amerikalı, səfər, İraq, Donald Tramp
Əlaqədar
Tramp-Ərdoğan danışığının detalları hər kəsi şoka saldı
Tramp müdafiə naziri postuna namizədin adını çəkdi
Moskvadan "Tramp"a yeni il "hədiyyəsi" - VİDEO
Tramp: ABŞ öz qoşunlarını İraqdan çıxarmaq niyyətində deyil
 Türkiyə Prezidenti Rəcəb Tayyib Ərdoğan, arxiv şəkli

Ərdoğandan müjdə: "Ən geci aprel ayına qədər ..."

17
(Yenilənib 13:55 25.11.2020)
Türkiyə Prezidenti: İndi pandemiyanın yayılmasının qarşısını ala bilməsək, daha sonra üzücü tədbirlər görmək məcburiyyətində qala bilərik. Millətimizdən səbir və dəstək gözləyirik.

BAKI, 25 noyabr — Sputnik. Türkiyə Prezidenti Rəcəb Tayyib Ərdoğan koronavirus əleyhinə Türkiyə istehsalı olan peyvəndlə bağlı önəmli mərhələyə gəlindiyini açıqlayıb. Sputnik Azərbaycan "Anadolu" agentliyinə istinadən xəbər verir ki, bunu Ərdoğan hakim partiyanın parlament qrup toplantısında çıxışı zamanı bildirib.

"İndi pandemiyanın yayılmasının qarşısını ala bilməsək, daha sonra üzücü tədbirlər görmək məcburiyyətində qala bilərik. Millətimizdən səbir və dəstək gözləyirik. Maska, məsafə, təmizlik qaydalarına riayət edərsək, digər tədbirlərə ehtiyac qalmaz", - deyə Ərdoğan qeyd edib.

O, həmçinin koronavirus əleyhinə Türkiyə istehsalı olan peyvəndin yaradılmasında da önəmli irəliləyişə nail olunduğunu bildirib:

"Ən gec aprel ayında öz peyvəndimizi tətbiq etmə səviyyəsinə qədər inkişaf etdirməyi planlaşdırırıq. Öz istehsal etdiyimiz peyvəndi bütün insanlığın xidmətinə təqdim etmək düşüncəsindəyik".

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 59,8 milyonu keçib, 1,41 milyondan çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

17
Teqlər:
Ərdoğan, Rəcəb Tayyib Ərdoğan hakimiyyəti, Türkiyə prezidenti Rəcəb Tayyib Ərdoğan, Rəcəb Tayyib Ərdoğan, korona virusu, Koronavirus, epidemiya, COVID-19
Yerevan mənzərəsi

Yerevanda keçiriləcək iclas seçki ləğv olundu

6
Elmar Qasımov Azərbaycan qanunvericiliyini pozmaqla yanaşı, beynəlxalq hüququn norma və prinisiplərinə, eləcə də Qara Dəniz Universitetlər Şəbəkəsinin Nizamnaməsinə də hörmətsizlik edən bir şəxsin Qara Dəniz Universitetlər Şəbəkəsinə Prezident seçilməsinə etiraz edib.

BAKI, 25 noyabr — Sputnik. Bakı Ali Neft Məktəbinin rektoru, Qara Dəniz Universitetləri Şəbəkəsinin üzvü Elmar Qasımovun müraciətləri nəticəsində Amerika Ermənistan Universitetinin rektoru Karin Markides Qara Dəniz Universitetləri Şəbəkəsinə Prezident seçilməyib.

Sputnik Azərbaycan xəbər verir ki, bu barədə Bakı Ali Neft Məktəbindən verilən məlumatda bildirilib.

Orada qeyd olunur ki, cari ilin oktyabrında Yerevan şəhərində keçirilməsi nəzərdə tutulan Qara Dəniz Universitetlər Şəbəkəsinin Rektorlar Şurasının konfransı da ləğv olunub.

2020-2022-ci illərdə Qara Dəniz Universitetləri Şəbəkəsinə Prezidentlik etməsi üçün namizədliyi irəli sürülmüş K.Markides 2019-cu ildə Ermənistan tərəfindən işğal edilmiş ərazilərimizə qanunsuz səfər edib.

E.Qasımov Azərbaycan qanunvericiliyini pozmaqla yanaşı, beynəlxalq hüququn norma və prinisiplərinə, eləcə də Qara Dəniz Universitetlər Şəbəkəsinin Nizamnaməsinə də hörmətsizlik edən bir şəxsin Qara Dəniz Universitetlər Şəbəkəsinə Prezident seçilməsinə etiraz edib.

Rektorun Baş katib Prof. Eden Mamuta, eləcə də İcraçı şuranın üzvü olan 13 ali məktəbin rektoruna ünvanladığı rəsmi müraciətlər nəticəsində xanım Markidesin sözügedən qurumun prezidenti seçilməsinin və Rektorlar Şurasının konfransının Yerevanda keçirilməsinin qarşısı alınıb.

Məlumat üçün bildirək ki, Qara Dəniz Universitetləri Şəbəkəsi Qara Dəniz İqtisadi Əməkdaşlıq Təşkilatının qurumdur. Hazırda Şəbəkəyə müxtəlif ölkələri təmsil edən 120-dən artıq ali təhsil müəssisəsi üzvdür.

Yeni prezident seçkilərinin ləğv edilməsi ilə şəbəkənin hazırkı prezidenti professor Perikles Mitkasın səlahiyyət müddəti də daha 1 il uzadılıb.

6

Füzulidə erməni ordusunun atıb getdiyi səngərdən kadrlar

0
(Yenilənib 10:57 25.11.2020)
Şanlı Azərbaycan Ordusunun əzmkarlığı və şücaəti nəticəsində Füzuli şəhəri və rayon işğaldan azad edilib. Erməni tərəfinin Füzulidə qoyub-qaçdığı səngərdən kadrları videomuzda izləyin.

44 günlük Vətən Müharibəsi ərzində Ermənistan ordusu xeyli silah və texnikasını döyüş meydanında qoyub qaçmağa məcbur edilib. Sputnik Azərbaycan-ın bölgə müxbiri isə Füzuli rayonunda bu cür atılmış səngərdə çəkiliş etməyə müvəffəq olub. Müxbirimiz xəbər verir ki, hissənin maddi-texniki bazası olduqca köhnəlmiş, istifadə etdikləri raketlərin bəziləri isə kustar üsulla hazırlanmışdır.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Azərbaycan Respublikasının Prezidenti İlham Əliyev və Rusiya Federasiyasının Prezidenti Vladimir Putin Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.

Bəyanatın şərtlərinə artıq əməl olunur. Belə ki, Ağdam rayonu 2020-ci il noyabrın 20-də, Kəlbəcər rayonu isə noyabrın 25-də Azərbaycan Respublikasına qaytarılıb.

Sənədin digər müddəalarına əsasən, 2020-ci il dekabrın 1-də Laçın rayonu Azərbaycana qaytarmalıdır. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Azərbaycan Ordusunun bölmələrinin Kəlbəcərə daxil olmasının yeni videogörüntüləri - VİDEO>>

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

0