ABŞ artilleriyası Mosul yaxınlığında İŞİD-lə mübarizə aparan İraq ordusunu dəstəkləyirlər

ABŞ İŞİD-lə mübarizə üçün yeni ölkə seçdi

306
(Yenilənib 13:12 22.12.2018)
İŞİD-in son qalıqlarını məhv etmək üçün ABŞ İraqa yardım edəcək

BAKI, 23 dekabr — Sputnik. ABŞ-ın xarici işlər naziri Mayk Pompeo İŞİD-lə mübarizəni uğurla başa çatdırmaq üçün ölkəsinin İraqa yardım edəcəyini deyib.

Sputnik Azərbaycan-ın Türkiyə mediasına istinadən xəbərinə görə, ötən gün Pompeo İraq prezidenti Bərhəm Salih və bu ölkənin baş naziri Adil Abdulmehdi ilə telefonla danışıqları zamanı belə vəd verib. Pompeonun köməkçisi Robert Palladino telefon danışıqlarının hər iki İraq rəsmisi ilə ayrılıqda reallaşdırıldığını bildirib.

Robert Palladino bildirib ki, telefon danışıqları zamanı İŞİD-lə mübarizədə Suriyada əldə edilən nailiyyətlərdən də söz açılıb. Məlumata görə, söhbət əsnasında Pompeo ABŞ-ın İraqa iqtisadi yardımı məsələsi haqda da danışıb.

Xatırladaq ki, ötən gün Ağ Ev rəhbəri Donald Tramp ölkəsinin İŞİD-ə qarşı uğurla mübarizə apardığını və əsgərlərini Suriyadan geri çağrılacağını bəyan etmişdi.

306