Ermənistanın baş nazirinin səlahiyyətlərini icra edən Nikol Paşinyan

"Aprel döyüşlərinə dair yüzlərlə məxfi material oxumuşam" Paşinyan

685
(Yenilənib 18:50 19.12.2018)
Cəmiyyətin aprel müharibəsi ilə bağlı sualları var və hökumət imkan daxilində insanları məlumatlandıracaq

BAKI, 19 dekabr — Sputnik. Ermənistanın baş nazirinin səlahiyyətlərini icra edən Nikol Paşinyan 2016-cı ilin aprelində baş verən müharibədə itkilərə görə əsas məsuliyyətin onun yeni müşaviri Arşak Karapetyanın üzərinə atılması barədə iddialarla razı deyil. Sputnik Ermənistan xəbər verir ki, Paşinyan bunu jurnalistlərə açıqlamasında bildirib.

Qeyd edək ki, bu yaxınlarda Paşinyanın müşaviri təyin olunan Karapetyan Azərbaycan ordusu ilə bağlı vaxtında kəşfiyyat məlumatlarını orduya təqdim etmədiyi iddiası ilə aprel döyüşlərindən sonra Müdafiə Nazirliyinin Kəşfiyyat İdarəsi rəisi postundan istefaya göndərilib.

Paşinyanın sözlərinə görə, hər hansı bir şəxsin ünvanına bəyanat və ya ittiham məhkəmə qərarı deyil: "Bundan əlavə, Karapetyanın buna görə əsas məsuliyyət daşıması ondan yuxarıda rəhbərliyin olmaması anlamına gəlir. Bu isə təbii ki, belə deyil".

"Mən, həmçinin dördgünlük müharibə barədə onlarla, yüzlərlə məxfi materiallar oxumuşam və orada həmin günlərdə kəşfiyyat məlumatlalarının olmamasına dair məlumata rast gəlməmişəm. Müharibədən bir ay qabaq Azərbaycan ordusunun təmas xəttində toplanması baş verirdi və bunu hamı bilirdi" - deyə Ermənistan baş nazirinin səlahiyyətlərini icra edən Paşinyan iddia edib.

O, həmçinin əlavə edib ki, cəmiyyətin aprel müharibəsi ilə bağlı sualları var və hökumət imkan daxilində insanları məlumatlandıracaq.

685
Teqlər:
kəşfiyyat, müşavir, aprel döyüşləri, Nikol Paşinyan
Əlaqədar
General: “Aprel döyüşlərində yaralananların hamısı xilas edilib”
Aprel şəhidinin adına küçə verildi
Ermənistanda aprel döyüşlərinin iştirakçının meyiti tapıldı
"Aprel döyüşlərində Azərbaycan vəziyyəti öz xeyrinə dəyişə bildi"
Koronavirusdan ölən şəxsin meyiti, arxiv şəkli

Koronavirusdan ölənlər qəbirdən çıxarılır

25
(Yenilənib 23:07 25.11.2020)
Ekvador Prokurorluğu bu işə Los Seybos xəstəxanası yaxınlığındakı zibil qablarından 237 cəsədin parçalarının tapılmasından sonra başlayıb.

BAKI, 25 noyabr — Sputnik. Ekvador Prokurorluğu yeni tip koronavirus (COVID-19) pandemiyasının ən kritik günlərində həyatını itirənlərin şəxsiyyətinin müəyyənləşdirilməsi üçün fəaliyyətə başlayıb. Sputnik Azərbaycan-ın Türkiyənin NTV kanalına istinadən verdiyi xəbərə görə, artıq bu məqsədlə Quayakil şəhərindəki qəbirlərin bir hissəsi eksqumasiya olunub.

Ekvador Prokurorluğunun sosial media vasitəsilə verdiyi açıqlamada "Hazırda Milli Ekspertiza Sisteminin dəstəyi ilə COVID-19 pandemiyası zamanı həyatını itirən şəxslərin kimliyini müəyyənləşdirmək üçün DNT nümunələri toplayırıq", - deyə bildirilir.

İndiyə kimi Quayakildəki Los Seybos xəstəxanasından aparılaraq basdırılmış 45 cəsəddən 18-i artıq qəbirdən çıxarılıb. Dauel qəsəbəsindəki La Avrora qəbirstanlığında isə eksqumasiya işlərinin bir neçə gün sonra başa çatdırılacağı bildirilib.

Qeyd edək ki, Ekvador Prokurorluğu istintaqa may ayında, Los Seybos xəstəxanası yaxınlığındakı zibil qablarından 237 cəsədin parçalarının tapılmasından sonra başlamışdı. Pandemiyanın geniş yayıldığı mart-aprel ayları ərzində ölkənin səhiyyə sistemi çökmüş, virusdan ölənlərin basdırılamasında isə böyük çətinlik yaranmışdı. Dövlət xəstəxanalarında cəsədlərin qarışıq düşməsi ilə yanaşı, evində ölənlərin meyitləri də toplanaraq günlərlə gözlədikdən sonra şəxsiyyətləri müəyyən olunmadan yandırılmışdı. Yaranan qarışıqlıq zamanı sistemdə ölü kimi qeydə alınan bəzi insanların sonradan əslində sağ olduqları üzə çıxdı. Bundan sonra Ekvador Prokurorluğu bütün məzarların bir-bir eksqumasiya olunması haqqında qərar verdi.

25
Fransa bayrağı, arxiv şəkli

Fransa Senatından Azərbaycan əleyhinə xaincəsinə qərar

116
(Yenilənib 22:12 25.11.2020)
XİN: Parisin “Dağlıq Qarabağın müstəqilliyi”ni birtərəfli tanıması nə Ermənistana, nə Qarabağ xalqına, nə də Fransanın özünə fayda vermir.

BAKI, 25 noyabr - Sputnik. Fransa Senatı qondarma “Dağlıq Qarabağ Respublikası”nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib.

Sputnik Azərbaycan RİA Novosti-yə istinadən xəbər verir ki, sənədin lehinə 305 senator səs verib. Bir nəfər isə əleyhinə olub. Sənəd tövsiyə xarakteri daşıyır.

Fransa Xarici İşlər Nazirliyi artıq Senatın qərarına münasibət bildirib: Parisin “Dağlıq Qarabağın müstəqilliyi”ni birtərəfli tanıması nə Ermənistana, nə Qarabağ xalqına, nə də Fransanın özünə fayda vermir.

116
Teqlər:
Dağlıq Qarabağ, Fransa

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

0
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

0