BMT Təhlükəsizlik Şurasının iclası, arxiv şəkli

BMT-nin Təhlükəsizlik Şurasında İran müzakirə olunub - Ballistik raketə görə

44
(Yenilənib 13:10 05.12.2018)
İran isə raketlərdə nüvə başlığından istifadə iddialarını təkzib edib

BAKI, 5 dekabr — Sputnik. BMT-nin Təhlükəsizlik Şurası ballistik raket sınağı keçirməkdə ittiham edilən İranı müzakirə edib. Sputnik Azərbaycan "Haber7"ə istinadla xəbər verir ki, Böyük Britaniya və Fransanın tələbi ilə toplaşan Təhlükəsizlik Şurasının iclası qapalı keçirilib.

ABŞ raket sınaqlarına görə İranın qınanması çağırışını edib. İran isə raketlərdə nüvə başlığından istifadə iddialarını təkzib edib. 

ABŞ-ın BMT-dəki daimi nümayəndəsi Nikki Haley İranın son ballistik raket sınağının təhlükəli və narahatlıq verici olduğunu bildirib. O, Tehranın bu hərəkətinin pislənilməsi çağırışını edib. 

Böyük Britaniyanın BMT-dəki daimi nümayəndəsi Karen Pierce isə İranın raket sınağının Şuranın qərarına zidd olduğunu deyib: "Şuranın qərarı İrana nüvə silahı başlıqları daşıma gücünə malik ballistik raketlərlə bağlı fəaliyyət göstərməməsi çağırışı edir".

İran isə bunu təkzib edərək Şuranın qərarlarını pozmadığını açıqlayıb.

ABŞ-ın dövlət katibi Mayk Pompeo deyib ki, "Bu raket İranın Avropanın bir hissəsini və Orta Şərqdə hər hansı bir yeri vurma gücünə sahibdir. Bu raket sınağı BMT TŞ-nin qətnaməsini pozur. Nüvə silahı daşıma gücünə malik ballistik raketlərlə bağlı İranı dərhal buna son qoymağa çağırırıq".

 

44
Teqlər:
ballistik raket, nüvə silahı, İran
Əlaqədar
Vaşinqtondan BMT Təhlükəsizlik Şurası qarşısında sərt tələb
BMT Təhlükəsizlik Şurası təcili toplanıb: Artıq üfüqdə sülh görünmür
İran yeni döyüş gəmisini Bəsrə körfəzinə göndərdi
Politoloq: “ABŞ sanksiyaları İran üçün yaxşı heç nə vəd etmir”
: İnsanın kölgəsi, arxiv şəkli

Hökumət qərarı sərtləşdirdi, 40 min avroluq maska oğurlandı

0
(Yenilənib 22:03 26.01.2021)
Almaniya hökuməti maskaların taxılması ilə bağlı qərarı sərtləşdirdikdən sonra ölkədə böyük oğurluq baş verib.

BAKI, 26 yanvar - Sputnik. Almaniyanın Güterslo şəhərindəki anbardan dəyəri 40 min avro olan on konteyner maska oğurlanıb.

Sputnik Azərbaycan bildirir ki, bu barədə yerli polis məlumat yayıb. Məlumata görə, oğrular FFP2 tipli maskaların olduğu anbara girərək on konteyner maskanı oradan çıxarıblar.

Almaniyada yanvar ayından etibarən mağazalarda və ictimai nəqliyyatda FFP2, FFP3 və КN95/N95 maskalarının taxılması məcburi elan edilib. Evdə tikilən maskaları taxmaq isə qadağandır, çünki onlar koronavirusdan etibarlı şəkildə qorumur.

0
Teqlər:
oğurluq, Almaniya, maska
Nikol Paşinyan, arxiv şəkli

Paşinyanın pasportu azərbaycanlıların əlinə necə keçib?

17
(Yenilənib 21:19 26.01.2021)
Keçmiş ekspert Andranik Ovannisyan "azərbaycanlıların Nikol Paşinyanın diplomatik pasportunu ona verdikləri" barədə məlumat paylaşıb.

BAKI, 26 yanvar - Sputnik. Ermənistanın baş naziri Nikol Paşinyanın diplomatik pasportu Azərbaycanla sülh imzalanan gün oğurlanıb. 

Sputnik Azərbaycan RİA Novosti-yə istinadən bildirir ki, bu barədə Ermənistan XİN-in mətbuat katibi Anna Nağdalyan deyib. 

Onun sözlərinə görə, 2020-ci il noyabrın 10-da Qarabağda hərbi əməliyyatların dayandırılması barədə bəyannamə imzalanmasına etiraz edən insanlar hökumət binasını, parlamenti və baş nazirin mülkünü dağıdıblar, pasport da o vaxt oğurlanıb. Sonra Paşinyan özü də deyib ki, həmin gün imarətindən "kompüter, saat, parfüm, sürücülük vəsiqəsi və digər əşyalar oğurlanıb". 

"Noyabrın 10-da bir qrup insanın Ermənistan hökumətinin binasına hücumu nəticəsində 14 diplomatik pasport oğurlanıb. Onları elə həmin gün XİN ləğv edib. Həmin pasportların arasında Ermənistanın baş nazirinin sənədi də olub", - "Armenpress" Nağdalyanın sözlərini sitat gətirir. 

Agentlik yazır ki, "Orbeli" erməni analitik mərkəzinin keçmiş eksperti, Ermənistana girişi qadağan olunmuş Andranik Ovannisyan "azərbaycanlıların Ermənistanın baş naziri Nikol Paşinyanın diplomatik pasportunu ona verdikləri" barədə məlumat paylaşıb.

17