Alman əsgəri

Almaniyada neo-nasizm şoku: "Hannibal" ölüm qan vəd edir

10647
(Yenilənib 12:32 05.12.2018)
Ordu daxilinə sızan gizli qrup bir sıra siyasətçiləri öldürməyi planlaşdırır

BAKI, 5 dekabr — Sputnik. Bir qrup neo-nasist tərəfdarı olan əsgərin Almaniya ordusuna sızdığı və bu qrupun bir sıra siyasətçiləri və qaçqınları öldürməyi planlaşdırdığı iddiası ortaya atılıb.

Sputnik Azərbaycan xarici mətbuata istinadla xəbər verir ki, bu qrup Yaşıllar Partiyasının sədri Claudia Rothu, xarici işlər naziri Heiko Massı və keçmiş prezident Toaçim Gauckı öldürməyi planlaşdırıb.

Xüsusi təyinatlıların içərisindəki gizli qrupun hücum hazırlığı üçün silah yığdığı da iddia olunur. İddia, son dərəcə gizli federal istintaq hesabatına əsasən irəl sürülüb.

Həmin qrupun sol görüşlü siyasətçiləri qaçıraraq gizli düşərgədə qətlə yetirəcəyi bildirilir. Məlumatlara görə, gizli qrup üzvləri miqrantlara da hücum etməyi planlaşdırıb. Onların sayının günbəgün artdığı da vurğulanır.

"Hannibal" kod adlı bir əsgərin gizli qrupa liderlik etdiyi və radikal fikirlərlə çıxış etdiyi qeyd olunur. Məlumata görə, "Hannibal" kod adlı əsgər orduda yüksək mövqelərdə xidmət edən şəxslərdən də dəstək alır.

Qeyd edək ki, 2016-ci ildə Franko Albrecht adlı bir zabitin terror planının üstü açıldıqdan sonra alman ordusunda gizli qrupların mövcud olması şübhələri artmışdı.

Almaniya hökuməti məsələ ilə bağlı hələ ki, bir açıqlama verməyib.

10647
Teqlər:
qrup, əsgər, ordu, Almaniya
Əlaqədar
Almaniyadan Türkiyəyə qarşı düşmən addım
Almaniya və Fransa Moskvaya qarşı sanksiyaların əleyhinə çıxdı
Merkel: "Almaniya Qarabağ münaqişəsinə göz yuma bilməz"
"Kürdüstan" olmayacaq: Rusiya, Almaniya və Fransa Türkiyə ilə həmrəydir
Qalatasaray azarkeşləri, arxiv şəkli

Türkiyənin məşhur klubundan şəhidimizlə bağlı jest

5
(Yenilənib 16:26 24.11.2020)
"Qalatasaray"ın növbəti oyunlarından birində stadionda şəhidimiz Muradın səs yazısı səslənəcək, oyunçular Fərid yazılı forma ilə oyuna çıxacaqlar.

BAKI, 24 noyabr — Sputnik. "Qalatasaray"ın növbəti oyunlarından birində stadionda şəhidimiz Fəridin səs yazısı səslənəcək, oyunçular Fərid yazılı forma ilə oyuna çıxacaqlar. Sputnik Azərbaycan-ın məlumatına görə, bu barədə CBC Sportun idman şərhçisi Gündüz Abbaszadə məlumat yayıb. O bildirib ki, şəhidin ailəsi "Qalatasaray"ın oyununa dəvət olunacaq. Klub şəhidimizin məzarını ziyarət edəcək: ""Qalatasaray" prezidentinin köməkçisi Yusuf Günay bir az əvvəl telefon danışığımızda mənə bunları dedi. Fərid və Muradın ailəsinin nömrələrini də istədi. Tapdıq, göndərdik. Bununla yanaşı, Türkiyə TV-lərində bu haqda xəbərlər olacaq. Ümid edirəm, ruhları şaddır!"

Xatırladaq ki, Vətən müharibəsində torpaqlarımızın azad edilməsi uğrunda qəhrəmancasına döyüşərək şəhid olan Fərid Dursunovun son istəklərindən biri azarkeşi olduğu Türkiyənin "Qalatasaray" klubu ilə bağlı olub. Qax rayonundan olan Fərid "Şəhid olsam, məzarıma Azərbaycan bayrağı ilə yanaşı "Qalatasaray"ımın bayrağını da asarsınız", - deyə dostlarından xahiş edib. Şəhidlik zirvəsinə ucalandan sonra isə yoldaşları onun bu istəyini yerinə yetiriblər. Qəhrəmanımızın məzarına üçrəngli Azərbaycan bayrağı ilə yanaşı, "Qalatasaray" bayrağı da asılıb. Eyni zamanda sosial şəbəkələrdə gəncin dostları və digər fəallar məsələ ilə bağlı "Qalatasaray" klubunun rəhbərliyinə məlumat verdiklərini bildiriblər. Qeyd edilib ki, klub rəsmiləri də şəhidin xatirəsini əbədiləşdirmək məqsədilə müəyyən rəsmi addımlar atacaqlarını vurğulayıblar.

5
Teqlər:
bayraq, arzu, Qax, azərbaycanlı, şəhid, "Qalatasaray" futbol klubu, Türkiyə
Yerevana mənzərə, arxiv şəkli

Ermənistanda daha bir nazir istefa verib

13
Xaçaryan 2018-ci ilin oktyabrında bu vəzifəyə təyin olunub. Xatırladaq ki, bundan əvvəl Ermənistanda bir neçə nazir vəzifəsindən uzaqlaşdırılıb.

BAKI, 24 noyabr — Sputnik. Ermənistanda daha bir nazir istefa verib.

Sputnik Ermənistan-ın məlumatına görə, ölkənin iqtisadiyyat naziri Tiqran Xaçatryan bir gün qabaq istefa ərizəsi yazıb.

Qeyd edək ki, T. Xaçaryan 2018-ci ilin oktyabrında bu vəzifəyə təyin olunub.

Xatırladaq ki, bundan əvvəl Ermənistanda bir neçə nazir vəzifəsindən uzaqlaşdırılıb.

13