Штурмовик Су-25

Ermənistanda yoxa çıxan təyyarə yarğanda tapılıb

91
(Yenilənib 14:40 04.12.2018)
Qırıcının hər iki pilotu - polkovnik-leytenant Armen Babayan və mayor Movses Manukyan həlak olub

BAKI, 4 dekabr — Sputnik. Ermənistanda radarlardan itən "Su-25" tipli qırıcı təyyarə tapılıb. Bu barədə Sputnik Ermənistan "Shamshyan.com" nəşrinə istinadən xəbər verir.

Məlumata əsasən, təyyarə Ermənistanın şimal-qərbində, Şirak vilayətinin Bardzraşen kəndinin yaxınlığında, yarğanda tapılıb. Qırıcının hər iki pilotu - polkovnik-leytenant Armen Babayan və mayor Movses Manukyan həlak olub. Hadisənin əlavə təfərrüatı acıqlanmır.

Qeyd edək ki, bu gün səhər saatlarında Ermənistan ordusunun Hərbi Hava Qüvvələrinə məxsus "Su-25" hücum təyyarəsi radarlardan itib. Gümrüdəki hava limanından yerli vaxtla 10:06-da havaya qalxan təyyarə saat 10:20-də radarlardan itib.

Ermənistan Müdafiə Nazirliyinin mətbuat katibi Artsurun Ovannisyan bildirib ki, təyyarənin ekipajı iki nəfərdən ibarət olub. Faktla bağlı araşdırmalar davam edir.

91
Teqlər:
təyyarə, qırıcı, Ermənistan
Əlaqədar
Təyyarə bir meyvəyə görə yerə düşdü
Rusiya “Su-57” təyyarəsi ilə bağlı qərar verdi
Şeyxülislam təyyarə olayları və Abel Məhərrəmovla münasibətlərdən danışdı
İsrail təyyarəsinin vurulması iddiası saxta çıxdı
Etirazçı Vaşinqtonda restoranın şüşələrini qırır

İğtişaş paytaxta da çatdı: Mağazalar ofislər...

8
(Yenilənib 16:55 01.06.2020)
Afroamerikalı Corc Floydun polisin əlində ölməsindən sonra ABŞ-ın Minneapolis şəhərində kütləvi etirazlar və iğtişaşlar başlayıb.

BAKI, 1 iyun — Sputnik. Vaşinqtonda kütləvi etirazlar zamanı nümayişçilər mağazaları, ofis və ticarət binalarını talan etməyə başlayıblar.

Sputnik Azərbaycan RİA Novosti-nin müxbirinə istinadən xəbər verir ki, polis nümayişçiləri Ağ Evdən uzaqlaşdıra bilib. Bir neçə yüz nəfər hazırda prezident iqamətgahından Ay Strit boyunca hərəkət edir. Polis hələlik iğtişaş iştirakçılarını izləmir.

Vaşinqtonda polis əməkdaşlarına su şüşələri və fişəng atan etirazçıların dağıdılması zamanı bir neçə nəfər xəsarət alıb.

Ötən gecə baş verən kütləvi etirazlar və iğtişaşlar fonunda Vaşinqtonun meri Muriel Bouzer şəhərdə komendant saatı tətbiq edib. Paytaxt polisinə dəstək üçün Milli Qvardiya da işə cəlb edilib.

Vaşinqtonda 17 nəfər saxlanılıb. 11 polis əməkdaşı yaralanıb.

Afroamerikalı Corc Floydun polisin əlində ölməsindən sonra ABŞ-ın Minneapolis şəhərində kütləvi etirazlar və iğtişaşlar başlayıb.

Los Anceles, San Fransisko, Beverly Hills, Çikaqo, Orlando, Atlanta, Denver, Qərbi Hollivud və başqaları da daxil olmaqla 40-dan çox Amerika şəhəri öz ərazisində komendant saatı tətbiq edib.

8
İranda epidemioloji vəziyyət

İranda koronavirusdan ölənlərin sayı 8 minə yaxınlaşır

5
(Yenilənib 15:37 01.06.2020)
Son 24 saat ərzində koronavirusa 2929 yoluxma halı qeydə alınıb ki, bununla da ölkədə virusa yoluxanların sayı 154145-ə çatıb.

BAKI, 1 iyun — Sputnik. İranda koronavirusa yoluxanların sayı bir gün ərzində 2929 nəfər artıb. Sputnik Azərbaycan xəbər verir ki, bunu İranın Səhiyyə Nazirliyinin rəsmi nümayəndəsi Kiyanuş Cahanpur bildirib.

"Son 24 saat ərzində koronavirusa 2929 yoluxma halı qeydə alınıb ki, bununla da ölkədə virusa yoluxanların sayı 154145-ə çatıb. Bir gün ərzində 81 nəfər virusdan ölüb, bununla da ölkədə koronavirusdan ölənlərin sayı 7878-ə çatıb", - deyə məlumatda bildirilib.

O həmçinin qeyd edib ki, virusa yoluxan 154145 şəxsdən 121008 nəfəri sağalıb.

Xatırladaq ki, SARS-CoV-2 koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 6,1 milyonu keçib, 372 mindən çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

5
Koronavirus testi, arxiv şəkli

Virusa yoluxub sağalmısınızsa, çox sevinməyin - Hər şey daha kəskin şəkildə qayıda bilər

18
"Bu gün mövcud olan ştamma qarşı orqanizmdə müdafiə sistemi yaranıbsa, yeni ştamma qarşı heç bir müdafiə olmur və asanlıqla eyni xəstəliyə yenidən tutulma ehtimalı olur"  - Rəşad Ağarəhimov

Nigar İsgəndərova, Sputnik Azərbaycan

BAKI, 1 iyun — Sputnik. Bu gün bütün dünyada yayılan koronavirus pandemiyası yeni olduğundan onunla bağlı bir çox suallar hələ də açıq olaraq qalır: Bu virus əleyhinə hazırlanan vaksinlər yararlı olacaqmı? Hər qış mövsümündə virus geri dönüş edəcəkmi? Uzun müddət bu virusla vəziyyəti necə idarə edəcəyik?

© Official website of President of Azerbaijan Republic

Bu və digər bu kimi suallar arasında ən çox verilən və düşündürəni isə, virusa ikinci dəfə yoluxma riskinin olub-olmayacağı ilə bağlıdır. Araşdırmalar göstərir ki, çox nadir hallarda bu virusa ikinci dəfə yoluxma halı baş verir. Məsələn, bu ilin fevralında Yaponiyada bənzər hadisə baş vermişdi, qadın ikinci dəfə koronavirusa yoluxmuşdu.

Azərbaycana gəldikdə isə ölkəmizdə bu virusa təkrar yoluxma faktı qeydə alınmayıb. Bu barədə TƏBİB-dən Sputnik Azərbaycan-a verilən məlumatda bildirilib. Bundan başqa, təkrar yoluma faktının qarşısını almaq üçün TƏBİB müalicə müddəti başa çatdıqdan sonra, əlavə 14 gün də bu şəxslərin evdən çıxmamasını tövsiyə edir.

Qobustan Rayon Mərkəzi Xəstəxanasının həkim-laborantı, Laboratoriya şöbəsinin müdiri Rəşad Ağarəhimov isə Sputnik Azərbaycan-a açıqlamasında ümumiyyətlə bu virusa təkrar yoluxma halının baş verə biləcəyi ehtimallarından danışıb: "Təkrar yoluxma halına bizdə rast gəlinməyib, amma Çində və bir neçə başqa ölkələrdə təkrar yoluxma hallarına rast gəlinib. Ümumiyyətlə virus elə bir canlıdır ki, demək olar ki, hər həftə genetik kodu yenilənir və yeni ştammlar əmələ gətirir. Bu gün mövcud olan ştamma qarşı orqanizmdə müdafiə sistemi yaranıbsa, yeni ştamma qarşı heç bir müdafiə olmur və asanlıqla eyni xəstəliyə yenidən tutulma ehtimalı olur. Necə ki, qrip virusu ilə ildə bir neçə dəfə xəstələnmək mümkündürsə, bu virusa da eyni yolla yoluxmaq mümkündür".

© Photo : Courtesy of Rashad Agaemirov
Qobustan Rayon Mərkəzi Xəstəxanasının həkim-laborantı, Laboratoriya şöbəsinin müdiri Rəşad Ağarəhimov

"O ki qaldı 14 gün məsələsinə, evə yazılan xəstələr ya həmin 14 günü xəstəxanada keçirməlidirlər, ya da biz onlara bir kağıza imza atdırıb razılıq alırıq ki, qalan 14 günü evdə özünütəcrid edərək oturacaq. Həmin müddətdə pasiyent evdən kənara çıxa bilməz və evdə də fərdi qoruyucu vasitələrdən istifadə etməlidir", - deyə həkim əlavə edib.

Tibb üzrə ekspert Adil Qeybulla isə Sputnik Azərbaycan-a açıqlamasında bildirib ki, insanlar üzərində bununla bağlı qəti rəy olmasa da, meymunlar üzərində aparılan tədqiqatlara görə, koronavirusa yoluxanlar yenidən bu xəstəliyə yoluxmur: "Yəqin ki, insanlarda da bu cürdür. Bəzi şəxslərdə simptomlar olmasa da, xəstəlik özünü klinik vəziyyətdə göstərir. Bundan baaşqa, bu xəstəliyə immunitetin yaranması faktoru bəllidir. İmmunitet yaranır və şəxs ikinci dəfə bu xəstəliyə yoluxmur".

18