Vladimir Putin

Putinin avtomobili G-20-yə damğa vurdu - FOTO

778
(Yenilənib 17:35 03.12.2018)
Putinin "təkərli sığınacaq"ı

BAKI, 3 dekabr — Sputnik. Rusiya prezidenti Vladimir Putinin xidməti avtomobili olan "Auris" limuzini Argentinada baş tutan G-20 toplantısına damğa vurub.

Sputnik Azərbaycan-ın Türkiyə mediasına istinadən xəbərinə görə, ilk dəfə olaraq Finlandiya səfərində medianın diqqətini özünə cəmləyən bu avtomobil G-20 sammitində də fotoqrafların obyektivindən yayınmayıb. Medianın "təkərli sığınacaq" adlandırdığı bu limuzin sosial mediada da böyük diqqət çəkib.

Vladimir Putin
© REUTERS / MARTIN ACOSTA
Vladimir Putin

Rusiya dövlət başçısı Vladimir Putin isə avtomobil haqda bu fikirləri səsləndirib: "Bu limuzini yalnız mən yox, eləcə də ərəb dostlarım da bəyənir. Onlar da bu avtomobildən almaq istəyirlər".

Qeyd edək ki, limuzin 2019-cu ildə Cenevrədə keçiriləcək avtomobil şousunda da nümayiş olunacaq.

778
Teqlər:
G20, avtomobil, Rusiya prezidenti Vladimir Putin
Əlaqədar
Putin İstanbula gedir, Ərdoğanla görüşəcək
Kreml Putin-Tramp görüşündən gözləntilərini açıqladı
Rusiya ordusunda böyük dəyişikliklər olacaq – Putin dünyaya mesaj verdi
Putin Səudiyyə Ərəbistanının şahzadəsi ilə görüşə bilər
Dieqo Armando Maradona

Maradonanın həkimi ittihamlara cavab verdi

15
(Yenilənib 23:55 29.11.2020)
Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər

BAKI, 29 noyabr - Sputnik. Argentina millisinin sabiq oyunçusu Dieqo Armando Maradonanın həkimi Leopold Luke futbolçunun ölümü barədə ittihamlara reaksiya verib.

Sputnik Azərbaycan xarici mətbuata istinadən bildirir ki, həkim baş verənlərdə heç kimi, o cümlədən də özünü günahkar bilmir. O həmçinin istintaqla əməkdaşlıq etməyə hazır olduğunu da deyib. Luke vurğulayıb ki, Maradonanın evindəki tibbi heyət futbolçunun alkoqol asılılığından müalicəsi ilə məşğul idi və ürəktutmasının qarşısını ala bilmədi.

Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər.

​Maradona noyabrın 25-də 60 yaşında dünyasını dəyişib. Ölümə səbəb üərk çatışmazlığı səbəbindən ağciyərdə kəskin şişkinlik yaranması olub.

Dieqo Maradona "Barselona", "Napoli", "Nyuells Old Boyz"  klublarında oynayıb. Argentina millisi ilə 1986-cı ildə dünya çempionu olub. Futbol tarixində ən parlaq oyunçulardan hesab olunur.

15
Teqlər:
axtarış, ittiham, həkim, ölüm, Dieqo Armando Maradona
Микрофон

Uşaq "Avroviziya"sının qalibi bəlli oldu - VİDEO

16
(Yenilənib 23:14 29.11.2020)
Müsabiqənin finalında 12 ölkənin: Almaniya, Belarus, Gürcüstan, Qazaxıstan, İspaniya, Malta, Niderland, Polşa, Rusiya, Serbiya, Ukraynanın və Fransanın təmsilçiləri iştirak ediblər

BAKI, 29 noyabr - Sputnik. Fransanı təmsil edən Valentina Trünel J'imagine mahnısı ilə beynəlxalq "Uşaq Avroviziyası-2020" müsabiqəsinin qalibi olub.

Sputnik Azərbaycan bildirir ki, müsabiqənin finalı Polşada telekörpü formatında keçirilib. Valentina peşəkar münsiflər heyəti və tamaşaçıların səsi ilə 200 xal toplayıb.

İkinci yerə Qazaxıstan təmsilçisi Karakat Başanova, üçüncü yerə isə İspaniyadan Solea layiq görülüblər.

Rusiya təmsilçisi Sofya Feskova 88 xalla 10-cu yeri tutub. Müsabiqənin finalında 12 ölkənin: Almaniya, Belarus, Gürcüstan, Qazaxıstan, İspaniya, Malta, Niderland, Polşa, Rusiya, Serbiya, Ukraynanın və Fransanın təmsilçiləri iştirak ediblər.

İştirakçıların nəticələri peşəkar münsiflər heyəti və tamaşaçıların müsabiqənin saytındakı səsverməsi ilə təyin olunub. Böyüklərin "Avroviziya"sından fərqli olaraq, burada tamaşaçılar öz ölkələrinə səs verə bilirdilər. Ancaq bu zaman tamaşaçılar minimum üç bəyəndikləri iştirakçıya səs verməli idilər.

16
Teqlər:
Fransa, final, müsabiqə, Polşa, Uşaq Avroviziyası, uşaqlar