BAKI, 2 dekabr — Sputnik. Yeni Zelandiyada balinaların kütləvi intiharı davam edir. Dünən daha 80-90 balina özünü sahilə atıb. Balinalardan bəziləri yenidən suya qayıdaraq üzməyə başlayıb. 50 balina isə intihar edib. 1 balinanı isə xilas etmək mümkün olmadığı üçün o yatırılıb. Sputnik Azərbaycan xəbər verir ki, intihar edən balinalrın sayı 200-ü keçib.
Balinalar dənizə yaxın ərazidə torpağa basdırılıb.
Xatırladaq ki, Yeni Zelandiyada vaxtaşırı balinalar özlərini sahilə atırlar. Amma kütləvi halda balinaların özlərini sahilə atması nadir hallarda müşahidə olunur.
