Ukrayna prezidenti Pyotr Poroşenko

Poroşenko: "Rusiya ilə geniş miqyaslı müharibə ola bilər"

6410
(Yenilənib 11:48 28.11.2018)
Ukraynanın 10 regionunda hərbi vəziyyət elan olunub.

BAKI, 28 noyabr — Sputnik. Ukrayna prezidenti Pyotr Poroşenko yerli telekanallara müsahibəsində bildirib ki, Rusiya ilə genişmiqyaslı müharibə təhlükəsi var. Bu barədə Sputnik Azərbaycan "RİA Novosti"yə istinadən xəbər verir.

Onun sözlərinə görə, bunu kəşfiyyat məlumatları da təsdiqləyir. Poroşenko iddia edib ki, Ukrayna ilə sərhəddə tanklar da daxil olmaqla, Rusiya hərbi texnikası cəmlənib. "Mən istəyirəm ki, heç kim bunun oyuncaq olduğunu düşünməsin. Ölkə Rusiya ilə geniş miqyaslı müharibə təhlükəsi altındadır", - deyə Poroşenko qeyd edib.

Poroşenko qeyd edib ki, məhz bu səbəbdən Ukraynanın 10 regionunda hərbi vəziyyət elan olunub.

Qeyd edək ki, Ukraynada hərbi vəziyyət 26 noyabr Bakı vaxt ilə saat 16:00-da tətbiq olunub və bu 30 gün, yəni 26 dekabr saat 16:00-a qədər davam etməlidir.

Xatırladaq ki, noyabrın 25-də Kerç boğazı yaxınlığında Ukrayna və Rusiya gəmilərinin iştirakı ilə insident yaşanıb. Belə ki, boğazı keçməyə cəhd edən Ukrayna gəmiləri Rusiya dənizçilərinin dayanma tələbinə məhəl qoymayıblar. Bu zaman gəmilərdən biri taran edilib, onların saxlanılması üçün silahdan istifadə olunub. İnsident nəticəsində "Berdyansk", "Nikopol" və "Yanı Kapu" gəmiləri Krımda saxlanılıb.

Hadisə zamanı 3 ukraynalı hərbçi yaralanıb. Onlara tibbi yardım göstərilib. Qeyd edilir ki, yaralıların həyatı üçün təhlükə yoxdur.

Tərəflər baş verən hadisədə bir-birini ittiham edir. Ukrayna tərəfi gəmilərin keçidi barədə Rusiyaya öncədən xəbərdarlıq edildiyini və dəniz gəmiçiliyi barədə bütün beynəlxalq normalara uyğun addımlar atıldığını iddia edir. Öz növbəsində Rusiya tərəfi Ukraynanı bilərəkdən provokasiya yaratmaqda, beynəlxalq qanunları pozmaqda və Rusiyanın ərazi sularına icazəsiz daxil olmaqda ittiham edir.

6410
Teqlər:
Pyotr Poroşenko, müharibə, Rusiya, Ukrayna
Əlaqədar
Ukrayna hakimiyyəti qarşısında sərt tələb qoyuldu
Putin Ukrayna və Gürcüstana görə xəbərdarlıq etdi
ABŞ-dan Ukrayna qarşısında sərt tələb
Ukrayna Rusiya ilə kəskin qarşıdurma astanasında – Ordu hazırlıq vəziyyətinə gətirildi
Rossia seqodnya BİA-nın baş direktoru Dmitri Kiselyov, arxiv şəkli

Kiselyovdan Sputnik Latviya ilə əməkdaşlıq edən jurnalistlərin saxlanılmasına münasibət

16
"Onlar müstəqil jurnalistlər, ştatdankənar müxbirlərdir. Sputnik xəbər agentliyində ştatda deyillər, sadəcə özünüifadə hüquqlarından istifadə edərək sayta mətnlər yazır və ya fotoşəkil göndərirlər. Burada pis nə var ki? Bu insanları nəyə görə təqib eləyirsiz?".

BAKI, 4 dekabr — Sputnik. "Rossia seqodnya" BİA-nın baş direktoru Dmitri Kiselyov Latviya hakimiyyət orqanlarının Sputnik Latviya və Baltnews-la əməkdaşlıq edən jurnalistlərə qarşı hərəkətini "AB sanksiyalarının yersiz yozumu" kimi qiymətləndirib.

Qeyd edək ki, bir qədər bundan əvvəl Latviya hüquq-mühafizə orqanları Baltnews xəbər portalının keçmiş baş redaktoru Andrey Yakovlev də daxil olmaqla, altı nəfəri saxlayıb. Onlara qarşı Latviya Cinayət Məcəlləsinin 84-cü maddəsi ilə – Avropa Şurasının sanksiya rejimini pozma – ittiham irəli sürülüb. Dindirilmə prosesindən sonra jurnalistlər heç yerə getməmələri ilə bağlı yazılı iltizam verərək buraxılıblar.

Rusiya Xarici İşlər Nazirliyinin hadisə ilə bağlı bu gün yaydığı məlumatda bildirilirdi: "Latviya Dövlət Təhlükəsizlik Xidmətinin dekabrın 3-də Riqadakı "Sputnik" bürosunun əməkdaşlarına və rusdilli jurnalistlərə qarşı həyata keçirdiyi aqressiv hərəkətləri demokratik cəmiyyətin təməl prinsiplərinin – media və ifadə azadlıqlarının pozulmasının bariz nümunəsi kimi qiymətləndiririk".

Nazirliyin məlumatında o da qeyd olunurdu ki, Sputnik Latviya kollektivinin AŞ sanksiya rejimini pozmaqda ittiham olunması qətiyyən yolverilməzdir: "Bu məhdudiyyətlər şəxsi xarakter daşıyır və şəxsən "Rossia Seqodnya" BİA-nın baş direktoru Dmitri Kiselyovla əlaqəlidir, media holdinqin bütün əməkdaşlarına şamil edilə bilməz".

Kiselyov da jurnalistlərin bu maddə ilə saxlanılmasının doğru olmadığını vurğulayıb: "AŞ sanksiyaları şəxsən mənə aiddir. Sputnik xəbər agentliyinin daxil olduğu "Rossia Seqodnya" media qruğuna tətbiq oluna bilməz. Məsələ bu qədər bəsitdir. Latviya, necə deyərlər Roma papasından daha çox xristian olmağa can ataraq, fərdi sanksiyaları təşkilata qarşı tətbiq edir. Burada məkrli niyyət var", – deyə baş direktor bilidirib.

"Onlar müstəqil jurnalistlər, ştatdankənar müxbirlərdir. Sputnik xəbər agentliyində ştatda deyillər, sadəcə özünüifadə hüquqlarından istifadə edərək sayta mətnlər yazır və ya fotoşəkil göndərirlər. Burada pis nə var ki? Bu insanları nəyə görə təqib eləyirsiz? Rusiyada belə hərəkətlər vəhşilik kimi qiymətləndirilir. Burada belə şey yoxdur. Kim nə istəyir, necə istəyir, yazır. Buna görə insanları təqib etmək heç kimin ağlına da gəlmir. Əl çəkin onlardan! Utanın! Bütün bunlar çox axmaq təsir bağışlayır" , – deyə Kiselyov bildirib.

Qeyd edək ki, keçən il Estoniyada da analoji hadisə müşahidə olunmuşdu.

16
Teqlər:
jurnalist, saxlanılma, Dmitri Kiselyov, Sputnik Latviya
İstanbul şəhərinə mənzərə, arxiv şəkli

Türkiyədə iki rus jurnalist saxlanıldı - İcazəsiz yerdə çəkiliş aparıblar

21
(Yenilənib 19:09 04.12.2020)
Türkiyə XİN-dəki mənbə rus jurnalistlərin akreditasiyalarının olmaması və icazəsiz çəkiliş apardıqları səbəbindən saxlanıldıqlarını deyib.

BAKI, 4 dekabr - Sputnik. Rusiyanın NTV kanalının iki əməkdaşı Türkiyədə saxlanılıb. Bu barədə NTV kanalından məlumat verilib.

"Dekabrın 3-ü səhər proqram müəllifi Aleksey Petruşko və operator İvan Malışkin redaksiyaya İstanbul ətrafında polis tərəfindən saxlanıldıqları barədə məlumat veriblər. Sonra onlarla əlaqə kəsildi. Axşam 21:00-da Aleksey Petruşko telefonla mesaj gpndərə bildi: "Bizi nəyə görəsə hələ də saxlayırlar. Bundan sonra əməkdalardan xəbər olmayb", - NTV-dən qeyd ediblər.

Hazırda rusiyalıların taleyini RF XİN və bu ölkənin İstanbuldakı Baş konsulluğu araşdırır.

Sputnik Türkiyə bu məsələ ilə bağlı Türkiyənin Xarici İşlər Nazirliyi ilə əlaqə saxlayıb. XİN-dəki mənbə öz açıqlamasında Petruşko ilə Malışkinin akreditasiyalarının olmaması və icazzsiz çəkiliş apardıqları səbəbindən saxlanıldıqlarını deyib.

Sosial şəbəkədə yayılan məlumata əsasən, rus jurnalistlər "Bayraktar" PUA-larının istehsal olunduğu müəssisənin yaxınlığına çəkiliş aparırmışlar.

21
Teqlər:
jurnalist, İstanbul, Türkiyə
Su-57, arxiv şəkli

Sarsıdıcı inteqrasiya: Su 57 qırıcısı "Oxotnik" PUA-sı gücünü birləşdirir

0
(Yenilənib 21:48 04.12.2020)
Su-57-nin bəzi texnoloji xüsusiyyətləri Amerikanın beşinci nəsil qırıcıları, xüsusən də F-22 Raptor üçün tamamilə əlçatmazdır. Qırıcılarda süni intellekt döyüş nəzarət sisteminə inteqrasiya olunur ki, bu da hərb elmində bir inqilabdır.

BAKI, 4 dekabr — Sputnik, Aleksandr Xrolenko, hərbi şərhçi. Beşinci nəsil Su-57 aviasiya kompleksinin ilk buraxılışından 76 qırıcı-təyyarə dekabr ayında Rusiya Aerokosmik Qüvvələrinin döyüş xəttində öz yerini tutacaq. Hazırda poliqonda yüksək hündürlükdəki hədəfləri ələ keçirmək və məhv etmək üçün nəzərdə tutulan alqoritmləri mənimsəyən süni intellektlə idarə olunan pilotsuz təyyarə – "Oxotnik" S-70 də tezliklə havaya qalxacaq.

Bir qədər bundan əvvəl Rusiya Federasiyası Müdafiə Nazirliyindən bildirilmişdi ki, ilin sonuna kimi Rusiya Aerokosmik Qüvvələrinə beşinci nəsil Su-57-in ilk buraxılışından olan döyüş təyyarəsi veriləcək. Təyyarə demək olar ki hazırdır. Gələcəkdə istehsal həcmi illik 15 ədədə qədər artırılacaq və ümumilikdə 2021-2027-ci illər ərzində üç aviasiya alayının təchiz edilməsi üçün 76 ədəd Su-57 tədarük ediləcək.

İlk partiya qırıcı-təyyarələr birinci mərhələ mühərriki ilə buraxılır, 2025-ci ildən isə ikinci mərhələ mühərriki ilə təyyarələrin istehsalına başlanılacaq. Hər bir halda, günü bu gün də Su-57 dünyanın ən mükəmməl və güclü qırıcılarından biri hesab olunur.

Rusiyanın beşinci nəsil təyyarəsi hər növ hava, yer və yerüstü hədəfləri məhv etməyə qadirdir. Forsajsız super manevr və səsdən yüksək sürət imkanının birləşməsi, eləcə də göyərtəsinin elektron cihazlar kompleksi ilə təchizatı və tez nəzərə çarpmaması Su-57-yə yüksək döyüş effektivliyi və düşmən üzərində üstünlük əldə etmək fürsəti verir. "Military Watch Magazine"nin məlumatına görə, bu təyyarələr öz xüsusiyyətləri baxımından bənzərsizdir. Bura həssas radarlar, 400 km mənzilli hipersəsli "hava-hava" raketləri, düşmən raketlərinə qarşı lazer müdafiə sistemi və digər yüksək texnoloji üstünlüklər aiddir.

Bir qədər bundan əvvəl beşinci nəsil qırıcıları ilə bağlı geniş çeşidli aviasiya silahlarına (raket) dair böyük bir müqavilədən bəhs olunmuşdu. Yəni, Su-57-nin "boş" uçmayacağı artıq məlumdur. Beləliklə, Su-57 ağır pilotsuz təyyarələrlə birgə havadan idarə olunan döyüş komandanlığı mərkəzinə çevriləcək. İki yüksək texnologiyalı yeniliyin birgə fəaliyyətinin hansı döyüş effekti yaradacağını təsəvvür etmək çətin deyil.

Döyüş üstünlüyü

Yeni qırıcı-təyyarələr Suriyadakı rus qoşunlarının qruplaşması tərkibində sınaqdan keçirilib. Uçuş-texniki xüsusiyyətlərinin, intellektual informasiya idarəetmə kompleksinin, silahların və bütün göyərtə sisteminin yoxlanılması üçün təyyarələr ondan çox uçuş həyata keçirib.

Su-57-nin bəzi texnoloji xüsusiyyətləri Amerikanın beşinci nəsil qırıcıları, xüsusən də F-22 Raptor üçün tamamilə əlçatmazdır. Süni intellekt döyüş nəzarət sisteminə inteqrasiya olunur ki, bu da hərb elmində bir inqilabdır.

Pilotlu Su-57 qırıcısı avtomatik rejimdə tapşırıqların 90%-ni yerinə yetirə bilər və hətta əvvəlcədən hazırlanmış bir proqrama uyğun olaraq tam avtomatik rejimdə də işləmək imkanına malikdir. Pilot döyüşdə yaralanarsa (və ya öldürülərsə), idarəetmə sistemi müstəqil şəkildə prioritet hədəfləri təyin edir, vurur və həm təyyarənin, həm də pilotun bazaya qayıtmasını təmin edir.

Su-57 nəhəng ixrac potensialına malikdir və hətta yeni seriyadan olan təyyarələr satışa çıxarılmamışdan əvvəl xarici müştərilər bu qırıcılar üçün növbəyə düzülüb. Beşinci nəsil rus qırıcısının ilk sahibi, regional qonşularının hərbi hava qüvvələrinin güclənməsi fonunda 14 təyyarə sifariş edən Əlcəzair olacaq. Müqavilə qiyməti 2 milyard dollardır. Tədarükün 2025-ci ilə qədər yekunlaşması planlaşdırılır.

Zərbə əlaqəsi

Dekabrın 2-də S-70 "Oxotnik" zərbə dronu Aşuluq poliqonunda baş tutan raket hücumu imitasiyasında sınaqdan keçirilib. PUA-ların radioelektron sistemlərinin raket idarəetmə kompleksi və aparıcı Su-57 təyyarəsi ilə inteqrasiyası yoxlanılıb. Beləliklə, "Oxotnik" dünyada ilk pilotsuz qırıcı-təyyarə olmağı vəd edir. Təlim mərhələsində PUA hava vəziyyəti və hədəflərlə bağlı bütün məlumatları yerdən və ya aparıcı qırıcı-təyyarədən alacaq. Gələcəkdə avtonom döyüş istifadəsi də mümkündür.

Bir ağır PUA öz "intellekti" və qabiliyyəti sayəsində altı min tondan çox raket və bombanı 5000 km məsafəyə qədər çatdıra bilər. Beləliklə, "Oxotnik" PUA-sının Su-57 qırıcısı ilə sarsıdıcı ittifaqı ən yüksək texnoloji gücə sahib düşmənə belə aman verməyəcək. Rusiyanın Pavel Suxoy adına Sınaq Konstruksiya Bürosunun istehsalı olan az nəzərəçarpan "Oxotnik" dronu Rusiya Aerokosmik Qüvvələrinin zərb funksiyasına malik ilk ağır dronu olacaq. Açıq mənbələrin məlumatına görə, PUA-nın uzunluğu 19 metr, qanadlarının uzunluğu 14 metr, uçuş ağırlığı 20 ton, saatda maksimum sürəti isə təxminən 1000 kilometrdir.

"Oxotnik" PUA-sı təxminən 20 dəqiqəlik ilk uçuşunu 2019-cu ilin yayında həyata keçirib. Dron havada möhkəm dayanaraq qənaətbəxş şəkildə idarə olunub. Həmin ilin payız aylarında isə "Oxotnik" dronu ilə Su-57 qırıcısının birgə uçuşu baş tutub. Ağır dronun döyüş imkanları və muxtar idarəetmə qabiliyyəti daim inkişaf etdirilərək 2020-ci ildə nəzərəçarpacaq texnoloji təkamül səviyyəsinə çatdırılıb. Yaxın perspektivdə "Oxotnik"in müxtəlif şəraitdə hava, yerüstü və sualtı hədəflərə zərbə vurma imkanları da təkmilləşdiriləcək. Qeyd edək ki, indiyə kimi heç bir ölkə PUA-larla inteqrasiya olunmuş qırıcı-təyyarələrə sahib deyil, odur ki indi Rusiyanın "tərəfdaşları" qəzəbdən zəncir çeynəyir desək, yəqin ki, yanılmarıq...

0