Fransa silkələnməyə davam edir - VİDEO

111
Yanvarın 1-dən Fransada benzinin qiymətləri litr üçün 2,9 avrosent, dizelinki isə 6,5 avrosent qalxmalıdır

BAKI, 25 noyabr - Sputnik. Fransanın daxili işlər naziri Kristof Kastaner bildirib ki, ölkə üzrə etiraz aksiyalarında iştirak edən 130 nəfər saxlanılıb.

Daha öncə Parisdə 35 nəfərin saxlanıldığı deyilirdi.

Sputnik Azərbaycan-ın məlumatına görə, yüzlərlə etirazçı bu gün Yelisey çöllərində toplaşaraq prezident sarayına doğru hərəkət etməyə cəhd göstəriblər. Lakin polis gözyaşardıcı qazdan istifadə edərək onları qovub.

Xatırladaq ki, "sarı jiletlər" adlı hərəkat bütün Fransa üzrə yanacaq qiymətlərinin qaldırılmasına etiraz olaraq kütləvi aksiyalar həyata keçirir. Aksiya zamanı prezdent Emanuel Makronun istefası da tələb olunur.

Yanvarın 1-dən Fransada benzinin qiymətləri litr üçün 2,9 avrosent, dizelinki isə 6,5 avrosent qalxmalıdır. 

111