ABŞ və Çin bayraqları

Çin ABŞ-ı geri addım atmağa səsləyir

31
(Yenilənib 17:24 22.11.2018)
"Ümid edirik ki, ABŞ ikitərəfli konstruktiv münasibətlərə zərər vuracaq bu sanksiyaları dayandıracaq"

 

BAKI, 22 noyabr — Sputnik. ABŞ tərəfindən ədalətsiz ticarətdə ittiham edilən rəsmi Pekin "bütün bunlar əsassızdır" deyə bəyan edib. Sputnik Azərbaycan-ın ingilis mediasına istinadən xəbərinə görə, rəsmi Pekin iqtisadi müharibənin yaranmaması üçün ABŞ-ı geri addım atmağa, sanksiyaları dayandırmağa səsləyib.

"ABŞ Çini əssasız olaraq ittiham edir. Bu ittihamlar qəbuledilməzdir. Ümid edirik ki, ABŞ ikitərəfli konstruktiv münasibətlərə zərər vuracaq bu sanksiyaları dayandıracaq. Yalnız bununla yarana biləcək iqtisadi müharibənin qarşısını almaq mümkün olacaq" – deyə Çinin maliyyə naziri Qao Fenq açıqlamasında bildirib.

İki ölkə başçısının noyabrın 30-unda Argentinada keçiriləcək G-20-nin toplantısında bir araya gələcəyi və bu məsələləri müzakirə edəcəyi gözlənilir.

Qeyd edək ki, ABŞ-ın bu ölkəyə iqtisadi sanksiyalar tətbiq etməsi ilə ümumi dəyəri 50 milyard dollar olan Çin malları üzərində vergi artıb. Çin məhsulları üzərinə qoyulan vergi 10 faizdən 25 faizədək yüksəlib.

31
ABŞ Prezidenti Donald Tramp, arxiv şəkli

Trampdan tarixi etiraf: ABŞ-ın ən böyük səhvini açıqladı

3
(Yenilənib 11:46 04.08.2020)
Yaxın Şərqə qoşun göndərmək qərarı və regionun işlərinə qarışmaq ABŞ tarixində ən böyük yeganə səhvdir

Eldar Tanrıverdiyev, Sputnik Azərbaycan

BAKI, 4 avqust — Sputnik. Yaxın Şərqə qoşunların göndərilməsi Birləşmiş Ştatlar tarixində ən böyük səhvdir. Sputnik Azərbaycan RİA Novosti-yə istinadla xəbər verir ki, bunu "Axios"-a müsahibəsində Birləşmiş Ştatların Prezidenti Donald Tramp bildirib.

"Biz İŞİD-i zərərsizləşdirdik... Bu xilafətin 100%-ni... Biz Süleymanini (İran generalı-red.), əl-Bağdadini (İŞİD lideri-red.) "aradan qaldırdıq". Mən digər prezidentlərin etmədiyi çox şeyi etmişəm. Onlar gərək heç vaxt Yaxın Şərqə girməzdilər" - deyə Tramp qeyd edib.

O, vurğulayıb ki, Yaxın Şərqə qoşun göndərmək qərarı və regionun işlərinə qarışmaq ABŞ tarixində yeganə ən böyük səhvdir.

Xatırladaq ki, ilin əvvəlindən bəri ABŞ-İran münasibətləri yenidən gərginləşib. Belə ki, yanvarın 3-də gecə Bağdad aeroportu yaxınlığında ABŞ pilotsuz uçuş aparatından endirilən zərbə nəticəsində İran İslam İnqilabı Keşikçiləri Korpusunun xüsusi təyinatlı "Qüds" Qüvvələrinin komandanı general Qasım Süleymani, Hüseyn Pur Cəfəri, Şəhruz Müzəffərinia, Hadi Taremi, Vəhid Zamaninia və İraqın könüllü "Həşdi-Şaabi" qruplaşmasının komandir müavini Əbu Mehdi Əl-Mühəndis daxil olmaqla 10 nəfər öldürülüb. İranın Ali dini lideri Əli Xamneyi və İran Prezidenti Q.Süleymaninin ölümünə görə ABŞ-dan qisas alınacağını bəyan ediblər.

Yanvarın 8-i isə İran Silahlı Qüvvələrinin elit bölməsi olan İslam İnqilabı Keşikçiləri Korpusu ABŞ-ın İraqdakı aviabazalarına raket zərbəsi endirib.

3

Keçmiş SSRİ ölkələrinin silahlı qüvvələri

119
(Yenilənib 11:16 04.08.2020)
Hər ölkənin ordusu müasir silahlar və hazırlıqlı hərbçilərlə təchiz olunmalıdır ki, vətəni istənilən hərbi müdaxilədən qoruya bilsin.
İnfoqrafika: Keçmiş SSRİ ölkələrinin silahlı qüvvələri
© Sputnik / Elnur Salayev

Silahlı qüvvələr dövlət strukturunda vacib yerlərdən birini tutur, onların formalaşdırılması və inkişafına isə kifayət qədər diqqət ayırmaq vacibdir. Bu, xüsusilə ərazisində hərbi münaqişələr olan, məsələn, Azərbaycan kimi ölkələr üçün aktualdır. Təsadüfi deyil ki, müdafiə xərcləri üzrə respublikamız keçmiş İttifaq ölkələri arasında ilk üçlüyə daxildir.

Sputnik Azərbaycan-ın xüsusi infoqrafikasında postsovet ölkələrinin silahlı qüvvələri və digər hərbi birləşmələrinin sayı barədə məlumat ala bilərsiniz. Bu siyahıda elə ölkələr var ki, cəmi bir neçə min hərbçi sayı ilə sizi təəccübləndirəcək.

119