Генеральный директор госкорпорации Роскосмос Дмитрий Рогозин

Rusiyanın hərbi siması Vaşinqtona gedir: Hədəf İlon Maskdır

6079
(Yenilənib 15:41 20.11.2018)
"Roskosmos"un baş direktoru Dmitri Roqozin fevral ayında Boeing müəssisələrində istehsal işi ilə tanış olmaq üçün ABŞ-a gedəcək

BAKI, 20 noyabr — Sputnik. "Roskosmos"un baş direktoru Dmitri Roqozin fevral ayında Boeing müəssisələrində istehsal işi ilə tanış olmaq üçün ABŞ-a gedəcək. Orada Roqozin SpaceX-in rəhbəri İlon Maskla da görüşmək niyyətindədir. Sputnik Azərbaycan-ın məlumatına görə, bu barədə Roqozin keçirdiyi mətbuat konfransında xəbər verib.

Dövlət korporasiyasının rəhbəri qeyd edib ki, səfər zamanı mütləq Boeing səlahiyyətliləri ilə görüşmək fikrindədir. "Bizi Boeing müəssisələrində istehsal mədəniyyəti maraqlandırır" - deyə o bildirib.

Roqozin, həmçinin İlon Maskla görüşmək arzusunu da ifadə edib. "Mən böyük məmnuniyyətlə onunla görüşərdim. O, məni böyük avantürist və yaxşı mühəndis kimi maraqlandırır" - deyə "Roskosmos"un rəhbəri əlavə edib. 

Hələ oktyabr ayında Roqozin bəyan etmişdi ki, Mask satışı 50-60 milyon dollardan başlayan "təmiz dempinq"lə məşğuldur. Hər il Pentaqon başlanğıc üçün SpaceX-ə 150 milyon dollar ödəyir. "Roskosmos"un başçısının dediyinə görə, ABŞ hökuməti hər il Maska pul verir ki, o, bazara ucuz məhsul çıxarsın. Roqozinin fikrincə, Rusiya tərəfi rəqabət apara bilmir, çünki "Roskosmos" Müdafiə Nazirliyinin milli təhlükəsizliyinin maraqları üçün başlanğıc qiymətləri qaldırmaq iqtidarında deyil.

Bu bəyanatı dövlət korporasiyasının rəhbəri Bremendə (Almaniya) keçirilən Space Tech Expo Europe beynəlxalq forumu ərəfəsində Birinci kanala müsahibəsi zamanı səsləndirmişdi. Roqozin sanksiyalar ucbatından sözügedən forumda iştirak edə bilməyib.

NASA rəhbəri Cim Braydenstayn daha sonra bildirmişdi ki, Ağ Ev ABŞ-a səfər edə bilməsi üçün "Roskosmos"un baş direktoruna qarşı sanksiyaların icrasını müvəqqəti olaraq dayandırıb.

Bir müddət əvvəl İlon Mask fırıldaqçılığa görə ciddi məbləğdə (20 milyon dollar) cərimələnmişdi. Ondan sonra "Tesla"nın yaradıcısının nüfuzu sürətlə aşağı enməyə başlayıb. Hətta Maskın həbs edilə biləcəyi barədə söhbətlər də gəzir. Rusiya da bu fürsəti fövtə verməmək, Maska qucaq açmaq niyyətini gizlətmir. Ekspertlərin fikrincə, Mask kimi istedadlı mühəndislərə və qeyri-standart ideyalar müəllifinə bugünkü Rusiyada son dərəcə böyük ehtiyac var. Rusiya onun beynindən və nüfuzundan yararlanmaq istəyir. Roqozin isə bu istəyin nə dərəcədə reallığa yaxın olduğunu dəqiqləşdirmək üçün Maskla görüşmək və ona təklif etmək niyyətindədir.

6079
Teqlər:
Dmitri Roqozin, Vaşinqton, İlon Mask
Əlaqədar
Dmitri Roqozin: Sektoral sanksiyalar zamanı Azərbaycan Rusiyanı fəal şəkildə dəstəklədi
Dmitri Roqozin İlham Əliyevlə görüşüb
Dmitri Medvedev və Dmitri Roqozin Bakıya gəliblər
: Yaponiyada qoruyucu maskada olan insanlar

İnsana hörmət: COVID-ə görə təmassız lift yaratdılar

3
(Yenilənib 17:58 29.11.2020)
Ötən həftədən etibarən Yaponiyada yoluxma üzrə antirekordlar bir-birini əvəzləyir. Bazar günü bu ölkədə sutka ərzindən 2058 nəfərdə COVID-19-a yoluxma aşkarlanıb

BAKI, 29 noyabr - Sputnik. Yaponiyanın Hitachi Ltd. və Mitsubishi Electric şirkətləri koronavirus infeksiyasının yayılmasının qarşısını almaq üçün təmassız lift modelləri təqdim ediblər.

Sputnik Azərbaycan bildirir ki, NHK telekanalının məlumatına görə, yeni Hitachi modelində liftin çağırılması, yaxud da hansısa mərtəbəyə qalxması üçün düymələrə gərək yoxdur. Bunun üçün LİNE ani mesajlaşma tətbiqindən, yaxud liftin kabinəsinin böyründə həkk olunmuş xüsusi QR-şifrənin skanından istifadə etmək olar. İstənilən mərtəbənin seçimini insan öz smartfonu vasitəsilə idarə edir, buna görə də hansısa düyməyə basmağa gərək qalmır.

Mitsubishi Electric-in lifti isə avtomatik olaraq gəlir və adamı lazımi mərtəbəyə qaldırır, ancaq bunun üçün öncədən sistemə smartfon üçün olan tətbiq vasitəsilə həmin adam haqda məlumatlar daxil edilməlidir.

Ötən həftədən etibarən Yaponiyada yoluxma üzrə antirekordlar bir-birini əvəzləyir. Bazar günü bu ölkədə sutka ərzindən 2058 nəfərdə COVID-19-a yoluxma aşkarlanıb, 10 nəfər dünyasını dəyişib. Epidemiya başlayandan Yaponiyada 148272 nəfər yoluxub, bunlardan 2133 nəfər dünyasını dəyişib. 122550 nəfər isə sağala bilib.

3
Teqlər:
kontaktsız, lift, risk, yoluxma, Yaponiya, Koronavirus, epidemiya, COVID-19
Mövzu:
Dünyanı cənginə almış bəla
Fransa polisi

"Demokratiyanın beşiyi"ndə iğtişaşlar: qanun layihəsi 133 min insanı özündən çıxardı

11
(Yenilənib 17:51 29.11.2020)
Polislərin foto və videolarının çəkilməsini qadağan edən qanun layihəsi Fransada 133 min insanı hiddətləndirib. Onlar küçələrə axışaraq polislərə "hədlərini bildirməyi" özlərinə borc biliblər

BAKI, 29 noyabr - Sputnik. Fransada şənbə günü, noyabrın 28-də keçirilən "Qlobal təhlükəsizlik haqda" qanun layihəsinə qarşı etiraz aksiyalarında ən azı 62 polis əməkdaşı xəsarət alıb.

Sputnik Azərbaycan xarici KİV-ə istinadən bildirir ki, 23 polis işçisi Parisdə, 39-u isə əyalətlərdəki aksiyalarda yaralanıb.

Həmçinin bildirilir ki, iki nəfər etirazçı Baş Polis Müfəttlişliyinə hüquq-mühafizə orqanları tərəfindən zorakılığa məruz qaldıqları barədə şikayət edib.

Etiraz aksiyası zamanı suriyalı fotoqraf Əmir Əl-Həlbi başından yaralanıb. "Sərhədsiz reportyorlar"ın baş katibi Kristof Deluar fotoqrafa qarşı "polis tərəfindən yolverilməz zorakılığı" qınayıb.

Ölkə üzrə 80 etirazçı həbs edilib.

Noyabrın 28-də Fransanın 70 şəhərində "Qlobal təhlükəsizlik haqda" qanun layihəsinə qarşı etiraz aksiyaları keçirilib. Bu layihə faktiki olaraq polis və jandarmeriya əməkdaşlarının foto və videolarını çəkməyi qadağan edir. Etiraz aksiyalarında "Siz silahları endirin, biz də kameraları" şüarları səsləndirilib. Aksiyalarda 133 min nəfər iştirak edib.

11
Teqlər:
qanun layihəsi, xəsarət alanlar, polis, etiraz aksiyaları, iğtişaş, Fransa
Kəlbəcərə mənzərə, arxiv şəkli

Kəlbəcərdə hər il 50 mindən artıq insan müalicə alırdı - Xidmət rəisi

0
(Yenilənib 18:09 29.11.2020)
"Bu yataqların gündəlik debiti 3080 kubmetr təşkil edir. Burada ötən əsrin 80-ci illərində 800 min litr termal su bağlanırdı"

BAKI, 29 noyabr — Sputnik. Kəlbəcər təkcə filiz və ya qeyri-filiz yataqları ilə deyil, həm də termomineral suları ilə zəngindir. Sputnik Azərbaycan-ın məlumatına görə, bunu Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin rəisi Əli Əliyev deyib. Xəzər TV-nin "Birinci Studiya" verilişinin qonağı olan Ə.Əliyev deyib ki, Kəlbəcərdə "İstisu" və "Tutqun" termal-mineral iri su hövzələri mövcuddur. Onun sözlərinə görə, bu hövzələrin hər birində 4 yataq var: "Bu yataqların gündəlik debiti 3080 kubmetr təşkil edir. Burada ötən əsrin 80-ci illərində 800 min litr termal su bağlanırdı. Eyni zamanda "İstisu" kurort-sanatoriya kompleksi fəaliyyət göstərirdi".

O deyib ki, Kəlbəcərdə bir ildə 50 mindən artıq insan müalicə alıb, şəfa tapırdılar.

0
Teqlər:
müalicə, termal sular, İstisu, Qarabağ, Kəlbəcər