Camal Qaşıqçı

Camal Qaşıqçı olayına dair yeni iddia irəli sürüldü

3980
Hülusi Akar: "Qaşıqçının cəsədi Türkiyədən çemodanla çıxarıla bilər"

BAKI, 18 noyabr - Sputnik. "Səudiyyəli jurnalist Camal Qaşıqçının hissələrə ayrılmış cəsədi Türkiyədən diplomatik toxunulmazlığı olan çemodanla çıxarıla bilər".

"Report" xəbər verir ki, bu sözləri Türkiyənin müdafiə naziri Hülusi Akar deyib.

O, bildirib ki, bu mövzuda ehtimallarla danışmaq mümkündür. "Bu məsələdə imkanlar barədə danışmaq olar. Onlar (cinayəti törətməkdə şübhəli bilinən 15 səudiyyəli - red) Türkiyəni qətldən 3-4 saat sonra tərk ediblər. Ola bilər ki, onlar Qaşıqçının doğranmış cəsədini Türkiyədən heç bir problem olmadan diplomatik toxunulmazlığı olan çemodan vasitəsilə çıxarıblar", - deyə nazir Qalifaks şəhərində təhlükəsizliklə bağlı keçirilən beynəlxalq forumda bildirib.

2017-ci ildən ABŞ-da yaşayan "Washington Post"un əməkdaşı Camal Qaşıqçı oktyabrın 2-də Səudiyyə Ərəbistanının İstanbuldakı Baş Konsulluğunda itkin düşüb. Səudiyyə Ərəbistanının rəsmi mətbu orqanı oktyabrın 20-də ölkənin Baş Prokurorluğuna istinadən Camal Qaşıqçının diplomatik missiyanın əməkdaşı ilə dava zamanı öldürülməsi barədə məlumat yayıb. İstanbul Prokurorluğu isə Qaşıqçının əvvəldən planlaşdırılmış şəkildə boğularaq qətlə yetirildiyini və cəsədinin hissələrə ayrıldığını bildirib. 

3980