Benyamin Netanyahu

İsraildə növbədənkənar seçki müəmması

40
(Yenilənib 20:44 16.11.2018)
İsrailin baş naziri Benyamin Netanyahu və təhsil naziri Nafta Bennett bir toplantı keçirib

BAKI, 16 noyabr — Sputnik. İsrailin ən nüfuzlu qəzetlərindən olan "Jerusalem Post" İsrail müdafiə naziri Aviqdor Libermanın istefasının ardından ölkədə növbədənkənar seçkilərin keçiriləcəyini bildirib.

Sputnik Azərbaycan-ın "Haber7"ə istinadla məlumatına görə, xəbərdə deyilir ki, İsrailin baş naziri Benyamin Netanyahu və təhsil naziri Nafta Bennett toplantı keçiriblər. Bu görüşün sonunda növbədənkənar seçki qərarı qəbul olunub.

Ancaq, Netanyahunun ofisindən edilən bəyanatda erkən seçki iddiaları rədd edilib.

Qeyd edək ki, Aviqdor Liberman İsrailin "Həmas"la əldə etdiyi atəşkəsi əsas göstərərək istefa etmişdi.

Benyamin Netanyahunun liderlik etdiyi 6 partiyalı koalisiya hökumətinin 66 deputat var idi. İstefalar ilə yerlərin sayı azalıb. Koalisiya hökumətinin 120 yerlik İsrail parlamentində səs alması üçün 61 millət vəkilinə sahib olması lazımdır.

Bu səbəbdən İsrail mediası istefanın baş verdiyi gün, Netanyahu rəhbərliyindəki koalisiya hökumətinin təhlükəyə girəcəyini və İsraildə erkən seçkinin gündəmə gələ biləcəyini yazmışdı.

40
Teqlər:
iddia, istefa, Aviqdor Liberman, seçkilər, İsrail
Əlaqədar
İsrail bütün gecə Qəzzanı vurub
Vəziyyət bir az da pisləşir: İsrail 13 fələstinlini evindən apardı
Azərbaycan və İsrail Baş Qərargah rəisləri bir arada
Rusiya və İrandan Xəzərdə gözlənilməz gediş - İsrail gizli planı sızdırdı
İsrail Qəzza zolağını vurdu, fələstinlilərin blokadası başladı
ABŞ əsgərləri

Amerikalı əsgərlərə "ortabab" qiymət qoydular

16
(Yenilənib 00:36 30.11.2020)
Müəlliflər təxmin edirlər ki, Amerika hökuməti yaxın vaxtlarda diqqəti hərbi xərclərə deyil, sosial proqramlara yönəltməyi planlaşdırır

BAKI, 30 noyabr - Sputnik. Amerikanın The Daily Signal jurnalı yazır ki, öz maraqlarını hərtərəfli qorumaq üçün ABŞ-ın gücü yetməyə bilər.

Nəşr müvafiq nəticəyə "İrs" fondundan aldığı "ABŞ-ın 2021-ci il üçün hərbi qüvvə indeksi" barədə məlumatları analiz edərək gəlib. Bu indeks ölkənin milli maraqlarını müdafiə etməyə hazırlıq, eləcə də xaricdən olan təhlükələrə qarşı müqavimət səviyyəsini əks etdirir.

Analizdən belə qənaətə gəlmək olur ki, dəniz piyadaları korpusu ilə HHQ, eləcə də quru qoşunları "ortabab" qiymətə layiqdirlər. Sonuncuların döyüş qabiliyyəti isə ümumiyyətlə "zəif" kimi dəyərləndirilib. Qiymətləndirməyə görə, ABŞ-ın hərbi-dəniz qüvvələri də ölkənin maraqlarını qoruya bilməyəcək səviyyədədir.

Müəlliflər təxmin edirlər ki, Amerika hökuməti yaxın vaxtlarda diqqəti hərbi xərclərə deyil, sosial proqramlara yönəltməyi planlaşdırır. Bu isə, müəlliflərin fikrincə, milli təhlükəsizlik sahəsindəki strategiyanı gerçəkləşdirməyə mane olacaq.

16
Teqlər:
qiymətləndirmə, HDQ, HHQ, əsgər, ABŞ
Dieqo Armando Maradona

Maradonanın həkimi ittihamlara cavab verdi

31
(Yenilənib 23:55 29.11.2020)
Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər

BAKI, 29 noyabr - Sputnik. Argentina millisinin sabiq oyunçusu Dieqo Armando Maradonanın həkimi Leopold Luke futbolçunun ölümü barədə ittihamlara reaksiya verib.

Sputnik Azərbaycan xarici mətbuata istinadən bildirir ki, həkim baş verənlərdə heç kimi, o cümlədən də özünü günahkar bilmir. O həmçinin istintaqla əməkdaşlıq etməyə hazır olduğunu da deyib. Luke vurğulayıb ki, Maradonanın evindəki tibbi heyət futbolçunun alkoqol asılılığından müalicəsi ilə məşğul idi və ürəktutmasının qarşısını ala bilmədi.

Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər.

​Maradona noyabrın 25-də 60 yaşında dünyasını dəyişib. Ölümə səbəb üərk çatışmazlığı səbəbindən ağciyərdə kəskin şişkinlik yaranması olub.

Dieqo Maradona "Barselona", "Napoli", "Nyuells Old Boyz"  klublarında oynayıb. Argentina millisi ilə 1986-cı ildə dünya çempionu olub. Futbol tarixində ən parlaq oyunçulardan hesab olunur.

31
Teqlər:
axtarış, ittiham, həkim, ölüm, Dieqo Armando Maradona
mikrofon

Əfsanəvi duet ortaqları yenidən bir araya gəliblər

0
Musiqisi Cavanşir Quliyev, sözləri Arif Abdullazadəyə aid "Hər şey gözəldir həyatda" adlı musiqi əsəri yenidən aranjeman edilərək geniş auditoriyaya təqdim edilib. Akif İslamzadənin də yer aldığı klip insanların marağına səbəb olub

BAKI, 30 noyabr — Sputnik. Məşhur estrada müğənnisi Akif İslamzadə və Xalq artisti Brilliant Dadaşovanın 35 il sonra yenidən bir araya gəliblər.

Sputnik Azərbaycan xəbər verir ki, musiqisi Cavanşir Quliyev, sözləri Arif Abdullazadəyə aid "Hər şey gözəldir həyatda" adlı musiqi əsəri yenidən aranjeman edilərək geniş auditoriyaya təqdim edilib. Xatırladaq ki, Brilliant Dadaşova üçün özəl xatirəsi olan bu mahnı onun böyük səhnədəki ilk ifalarından sayıla bilər.

Belə ki, hələ 1985-ci ildə Moskvada keçirilən Ümumdünya Gənclər Festivalında ilk dəfə böyük səhnəyə çıxan sənətçinin Akif İslamzadə ilə bu dueti Azərbaycanda çox böyük marağa səbəb olub.

0