Tehran

İranda qalmaqallı həbslərin anonsu verildi

179
(Yenilənib 19:34 15.11.2018)
İranda yeni pensiya qanunu qüvvəyə minib

BAKI, 15 noyabr — Sputnik. İranda 17 noyabradək vəzifələrindən istefa etməyən pensiyaçılar mühakimə olunacaqlar.

Sputnik Azərbaycan "Habertürk"ə istinadla xəbər verir ki, İranda yeni pensiya qanunu qüvvəyə minib. Həmin qanuna görə, bu ilin 17 noyabradək vəzifələrindən istefa etməyən pensiyaçılar haqqında hüquq çərçivəsində tədbirlər görüləcək.

Prokuror Fəyyaz Sucai təqaüdçülərin işləməsini qadağan edən qanuna baxmayaraq, vəzifəsindən ayrılmayan məmurların cəzalanacağını bildirib.

Təqaüdçülərin məşğulluğunu qadağan edən qanuna əsasən, 17 noyabra qədər 210 ictimai-siyasi xadimin vəzifəsindən istefa edəcəyi deyilir. Onlar arasında səfir, nazir müavini, bələdiyyə sədri və s. olduğu bildirilir.

Qeyd edək ki, dünən sözügedən qanun səbəbindən Tehran şəhərinin meri Məhəmməd Əli Əfşanın yerinə Pir Hanaçi seçilmişdi.

İstefa etmələri lazım olan rəhbərlər sırasında İran Futbol Federasiyasının prezidenti ilə Neft Nazirliyindəki 10 nazir müavinindən 8-i də var.

179
Teqlər:
istefa, cəza, qanun, pensiya, İran
Əlaqədar
Rusiya XİN İran məsələsində mövqeyini bildirdi
Vaşinqton İran məsələsində geri çəkildi: 8 ölkəyə güzəşt olunacaq
İran ABŞ-ın "buxovundan" qurtulmaq üçün radikal addım atmaq istəyir
İran ABŞ ilə müzakirəyə hazır olduğunu açıqladı
Trampın müşaviri Azərbaycan paytaxtında məramını açıqladı: İran və Qarabağ
KİV nümayəndələrinin siluetləri

Azərbaycanlı fotoqraflar Beynəlxalq Federasiyanın fəxri adlarını aldılar

8
(Yenilənib 23:20 05.12.2020)
Nurlan Tahirli, Valeri Xlizov, Aleksandr Firstov UNESCO-nun təqdir etdiyi məşhur təşkilatın şərəfli "Rəssam", Rəşad Mehdiyev "Mükəmməllik", İlqar Cəfərov "Mükəmməllik/bürünc" adlarına layiq görülüblər

BAKI, 5 dekabr - Sputnik. Azərbaycanın "Gilavar" fotoklubunun dəstəyi ilə azərbaycanlı fotoqraflar Beynəlxalq Foto Sənəti Federasiyasının (FIAP) fəxri adlarına layiq görülüblər. 

Sputnik Azərbaycan-a fotoklubun mətbuat xidmətindən verilən məlumata görə, bu, UNESCO-nun tanıdığı yeganə fototəşkilatdır. 

Onun fəxri adlarını almaq üçün fotoqraflar xüsusi qaydalara riayət etməlidirlər: FIAP-ın müxtəlif ölkələrdə keçirdiyi müsabiqələrə qatılmalıdırlar, onların fotoqrafiyaları bədii və texniki ustalıq nöqteyi-nəzərindən təqdir olunmalı və onlar mükafat qazanmalıdırlar. Bunlardan əlavə, təşkilatın bədii komissiyasının və direktorlar şurasının üzvlərinin səsləri də nəzərə alınmalıdır. 
Azərbaycanlı fotoqraflar Nurlan Tahirli, Valeri Xlizov, Aleksandr Firstov şərəfli "Rəssam", Rəşad Mehdiyev "Mükəmməllik", İlqar Cəfərov "Mükəmməllik/bürünc" adlarına layiq görülüblər. Bu adlar ildə bir dəfə verilir. 2016-cı ildən bəri fəxri adlar alan azərbaycanlı fotoqrafların sayı artaraq yeddiyə çatıb. 

Qeyd edək ki, İlqar Cəfərov və Rəşad Mehdiyev AZƏRTAC Dövlət İnformasiya Agentliyinin fotojurnalistləridir. Onların hər ikisi İkinci Qarabağ müharibəsi zamanı cəbhəyanı və işğaldan azad olunmuş ərazilərdə çəkilişlər aparıblar.

8
Teqlər:
fəxri adlar, fotoqraf, azərbaycanlı
ABŞ bayrağı, arxiv şəkli

Bütün dövrlərin ən pis ili - Time açıqladı

14
(Yenilənib 22:52 05.12.2020)
Məqalə müəllifi eyni zamanda qeyd edir ki, ABŞ-ın, eləcə də dünyanın tarixində 2020-ci ildən də pis illər olub, amma bunlar çox qədimdə olub, yəni Böyük depressiya, qrip pandemiyası, dünya müharibələrini görmüş insanlar elə də çox deyil.

BAKI, 5 dekabr - Sputnik. Amerikanın Time jurnalı indi yaşayan insanlar üçün tarixin ən pis ilinin 2020 olduğunu yazıb. Jurnal 2020-ci ili iki dünya müharibəsi illəri və ispan qripinin yayıldığı 1918-ci illə müqayisə edib.

Jurnalın yeni sayının üz qabığındakı iri şriftlə dərc olunmuş 2020 rəqəminin üzərindən qırmızı rəngli çarpaz xətlər çəkilib. Aşağıda isə "bütün illərdən ən pisi" yazılıb. 

​Eyniadlı məqaləni Time jurnalı üçün kino tənqidçisi Stefani Zaçarek yazb. Onun sözlərinə görə, indi yaşayanların əksəriyyəti hələ belə "dəhşətli il"lə rastlaşmayıb. 

"Bizim çoxumuz buna hazır deyildik: nə təbiətə nə dərəcədə xəyanət etdiyimizi sübut edən təbii fəlakətlərə, nə fantaziyalara söykənən seçkilərə, nə də planetin bütün insanlarının həyatını alt-üst edən, 1,5 milyon adamın ölümünə bais olan yarasadan törəmiş virusa", - Zaçarek yazıb. 

Məqalə müəllifi eyni zamanda qeyd edir ki, ABŞ-ın, eləcə də dünyanın tarixində 2020-ci ildən də pis illər olub, amma bunlar çox qədimdə olub, yəni Böyük depressiya, qrip pandemiyası, dünya müharibələrini görmüş insanlar elə də çox deyil.

14
Teqlər:
2020, jurnal, Time
Sarımsaq, arxiv şəkli

Təbii antibiotik zərərli imiş

0
(Yenilənib 23:40 05.12.2020)
Məlum olub ki, sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

BAKI, 5 dekabr — Sputnik. Çoxsaylı faydalı təsirləri olmasına baxmayaraq, sarımsaq aqressiv məhsul hesab edilir.

Sputnik Azərbaycan xarici mətbuata istinadla xəbər verir ki, bu barədə danışan həkim-dietoloq İnna Zaykina bildirib ki, çox sarımsaq yemək olmaz.

Mədə xorası xəstəliyi, pankreatit və digər xəstəliyi olan insanlar sarımsaq yeməməlidirlər. Çünki sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

Bir müddət əvvəl isə endokrinoloq Yelena Qubkina kartof bişirmə və yemək üsulları barədə danışarkən bildirmişdi ki, kartof torpaqdan və havadan zərərli maddələr yığdığı üçün onu istehlak edərkən diqqətli olmaq lazımdır. Belə ki, kartofu soyulmuş qaynatmaq və buxarda bişirmək daha faydalıdır. Belə ki, bu zaman tərəvəz maksimum miqdarda qida - kalium, natrium, B6 vitamini verir.

0
Teqlər:
allergiya, mədə-bağırsaq xəstəlikləri, simptom, xəstəlik, təbii antibiotik, zərər, sarımsaq