Keit Barkett

Dəhşətli xəstəliyə düçar olan uşaq son arzusuna qovuşub öldü...

894
(Yenilənib 19:31 13.11.2018)
Noyabrın 9-da Barkett anasını nikah masasına ötürüb, 3 gün sonra ölüb

BAKI, 13 noyabr — Sputnik. Ölümcü xəstəlikdən əziyyət çəkən oğlan sonuncu arzusunu həyata keçirib və anasını kilsəyə nikah mərasiminə aparıb.

Sputnik Azərbaycan xarici mətbuata istinadla xəbər verir ki, o, toydan 3 gün sonra dünyasını dəyişib.

ABŞ-ın Ohayo ştatında yaşayan 12 yaşlı Keit Barkettə 6 yaşında kəskin yumşaq toxumanın sarkoması xərçəngi diaqnozu qoyulub. Əvvəlcə həkimlər bildirib ki, o iki aydan artıq yaşamayacaq. Çoxsaylı kimyəvi terapiyaya baxmayaraq xəstəliyə qalib gəlmək mümkün olmayıb. Amma uşaq həkimlərin qoyduğu vaxtdan qat-qat çox yaşayıb.

Ömrünün son illərində oğlan hospital işçilərinin evdə göstərdiyi yardımdan yararlansa da, hər zaman anası Teylor Vudardan ona hansı köməyin lazım olduğunu soruşurmuş və sadə tapşırıqları yerinə yetirirmiş.

Uşağı xilas edə bilməyəcəyini başa düşən anası onun bütün arzularını yerinə yetirməyə qərar verib. Oktyabrın sonunda onlar Milad Bayramını vaxtından əvvəl qeyd ediblər. Noyabrın 9-da isə Barkett əlil arabasında anasını nikah masasına ötürüb.

"Mən o gün inanılmaz qəribə acı sevinc yaşayırdım. Mənim ürəyim emosiyalarla dolmuşdu. Mənim oğlum məni nikah masasına aparmaq istəyirdi. Biz onun son arzusunu həyata keçirdik" deyə Vudard öz hisslərini izah edib.

“Noyabrın 12-də Barkett öldü”. Bu barədə anası oğlunun "Facebook" səhifəsində yazıb və bundan sonra necə yaşayacağını bilmədiyini dilə gətirib.

894
Əlaqədar
"Xərçəng olduğum dəqiqləşsə, vəzifəmdən istefa verəcəyəm"
Xərçəng xəstəliyinin yeni əlaməti aşkar edildi
Ən təhlükəli xərçəng növünün dərmanı tapılıb
Türkiyədə ağıllı dərman: Xərçəng xəstələrinin ömrü 5 ilədək uzadılır
Zaqatala sakini özü də bilmədən xərçəng xəstəliyinin dərmanını yetişdirib