Kaliforniyada meşə yanğını

Meşə yanğınında ölənlərin sayı 2 dəfədən çox artdı

25
(Yenilənib 13:17 11.11.2018)
ABŞ Prezidenti Donald Tramp ştatın Byutt, Ventura və Los-Anceles dairələrində federal səviyyədə fövqəladə vəziyyət elan edib

BAKI, 11 noyabr — Sputnik. ABŞ-ın Kaliforniya ştatında meşə yanğınları nəticəsində həlak olanların sayı 23 nəfərə çatıb.

Sputnik Azərbaycan xəbər verir ki, Associated Press agentliyi bu barədə yerli hakimiyyət orqanlarına istinadla məlumat yayıb. Xilasedicilər ərazidə daha 14 nəfərin cəsədini tapıblar. Bundan əvvəl yanğında 9 nəfərin öldüyü bildirilirdi.

ABŞ Prezidenti Donald Tramp ştatın Byutt, Ventura və Los-Anceles dairələrində federal səviyyədə fövqəladə vəziyyət elan edib. O, həmçinin yanğınla mübarizə və gələcək bərpa işləri üçün Kaliforniya ştatına federal büdcədən lazımı vəsait ayrılması barədə göstəriş verib.

Xatırladaq ki, "Campfire" adını almış meşə yanğını noyabrın 8-dən etibarən sürətlə yayılmağa başlayıb. Hazırda yanğının sahəsi 40 min hektara yaxınlaşır. Alov 7 min tikilini, əsasən də yaşayış binalarını məhv edib, 250 min insan öz evlərini tərk etmək məcburiyyətində qalıb.

"Campfire" artıq Kaliforniya tarixinə ən dağıdıcı yanğınlardan biri kimi düşüb.

25
Teqlər:
meşə, Yanğın, Kaliforniya ştatı, ABŞ
Əlaqədar
Dəhşətli yanğın hər saat can alır
Yanğın parklanma yerinə on milyonlarla dollar ziyan vurub
Cənub zonasında da yanğın meydana çıxıb
Şimal-qərb bölgəsində yanğın olub
Bakıda yanğın meydana çıxıb