Плоды дуриана

Təyyarə bir meyvəyə görə yerə düşdü

95
(Yenilənib 21:04 07.11.2018)
Sərnişinlərin üfunət qoxusuna etiraz etməsi səbəbindən təyyarə yerə enməli olub

BAKI, 8 noyabr — Sputnik. İndoneziyada üfunət iyi təyyarənin hava limanına qayıtmasına səbəb olub. Sputnik Azərbaycan Türkiyə mətbuatına istinadən xəbər verir ki, sərnişinlər durian meyvəsinin iyini hiss edərək, təyyarənin geri qaytarılmasını tələb ediblər.

Cənub-Şərqi Asiyada kifayət qədər məşhur olan, "meyvələrin kralı" olaraq tanınan durian meyvəsinin kəskin qoxusu sərnişinləri narahat edib. Onlar etiraz etdikləri üçün təyyarə yerə enməli olub. Daha sonra meyvə təyyarədən boşaldılıb və sərnişinlər yollarına davam ediblər.

Qeyd edək ki, cənubi-şərqi Asiyada məşhur olan durian meyvəsi "meyvələrin kralı", "cənnət və cəhənnəm kralı" adlandırılır. Bu meyvənin bir çox xəstəliklərin, o cümlədən xərçəng xəstəlinin dərmanı olduğu deyilir. Amma meyvənin üfunət iyi verən kəskin qoxusu da olur.

Bu səbəbdən də, bəzi ölkələrdə həmin meyvənin ictimai yerlərdə satılması və ictimai nəqliyyatda daşınması qadağandır.

Asiyada əhalinin sevə-sevə istifadə etdiyi bu meyvə başqa bölgələrin əhalisində kəskin qusmaya səbəb olur.

95
Teqlər:
üfunət, meyvə, təyyarə
Əlaqədar
Bu meyvə artıq çəkinin və şəkərli diabetin düşmənidir
Bakılıları istidən çay və meyvə xilas edəcək
Min bir dərdin dərmanı olan meyvə - Balakəndə xurma festivalı
Meyvə gətirən ağacı kəsdilər, polisə düşdülər
Ən faydalı 10 meyvə ilə tanış olun