Salvatore Mannino

Yaddaşını “itirən” kişi çərənçi qayınanasından qaçıbmış

26
(Yenilənib 22:59 01.11.2018)
İtaliyalı sentyabrın ortalarında itib və iki gün sonra Müqəddəs Egidiya kilsəsi yaxınlığında tapılıb

BAKI, 2 noyabr — Sputnik. Edinburqda polis tərəfindən tapılan 52 yaşlı Salvatore Mannino iddia edib ki, heç nə xatırlamır. Amma o, yalançı çıxıb.

Sputnik Azərbaycan xarici mətbuata istinadla xəbər verir ki, İtaliya hüquq mühafizə orqanları onun kompüterinə baxış keçirən zaman onun "Necə itməli" və "Yaddaşın itdiyini necə təqlid etməli" suallarına cavab axtardığını müəyyən edib.

Bundan sonra Mannino həqiqəti danışmağa qərar verib. "Mən bunu çərənçi qayınanamdan qaçmaq üçün etmişəm. Mən heç vaxt yaddaşımı itirməmişəm. Mən öz ailəmə sübut etmək istəyirdim ki, onlara lazımam. Mən ata və ər statusumu geri qaytarmaq istəyirdim. Çünki düşünürdüm ki, bu yeri qaynanam tutub" – deyə o izah edib.

İtaliyalı sentyabrın ortalarında itib və iki gün sonra Müqəddəs Egidiya kilsəsi yaxınlığında tapılıb. Onun üzərində heç bir sənədi olmayıb. Ancaq polis tatoosu vasitəsilə onun şəxsiyyətini müəyyən etməyə müvəffəq olub. Onun arvadı və uşaqları Böyük Britaniyaya gəliblər. Görüş zamanı Mannino onları tanımadığını bildirib.

İtkin düşməmişdən öncə italiyalı stolun üstündə içində 10 min avro pul olan çamadan, mobil telefon və hansısa rəqəmlər yazılmış məktub qoyub. Bu rəqəmlər şifrə olub və Manninonun böyük oğlu şifrəni tapıb.

İtaliya polisi yalan informasiyaya görə, kişini məsuliyyətə cəlb etmək istəyir. "Nə qədər pul və zaman hədər yerə sərf edilib" – deyə polisdən bildirilib.

26
Teqlər:
fırıldaq, qayınana, kişi, İtaliya
ABŞ hərbçiləri Əfqənistanda

Çin ABŞ qoşunlarının Əfqanıstandan çıxarılmasına qarşıdır

4
(Yenilənib 21:07 16.05.2021)
Faktiki olaraq isə qoşunların çıxarılmasına hələ aprel ayında başlanıb. Ağ Evin rəhbəri Co Bayden bunu ABŞ və Avropa qüvvələrinin Əfqanıstanda dayanıqlı hökuməti nə qurmağa, nə da onu dəstəkləməyə qadir olmaması ilə izah edib.

 

BAKI, 16 may — Sputnik. Çin Xalq Respublikasının xarici işlər naziri Van İ pakistanlı həmkarı Mahmud Qureyşi ilə telefon danışığında ABŞ qoşunlarının Əfqanıstandan çıxarılmasına qarşı tənqidi fikirlər səsləndirib. Sputnik Azərbaycan Rusiya mediasına istinadən xəbər verir ki, çinli nazir Amerika qoşunlarının tez-tələsik çıxarılmasını Əfqanıstanda barışıq prosesinə ciddi zərbə adlandıraraq regionda sabitlik barədə neqativ fikirlərini dilə gətirib.

VAN İ bildirib ki, rəsmi Pekin yaranmış vəziyyətdə BMT-nin "vacib rol oynayacağına", Şanxay Əməkdaşlıq Təşkilatı üzvü olan ölkələrin isə Əfqanıstandakı vəziyyətin qaydaya salınmasına ciddi diqqət yetirəcəyinə ümid etdiyini bildirib.

"Əfqanıstanla qonşu ölkələr qarşılıqlı fəaliyyəti gücləndirməli, bir cəbhə kimi hərəkət etməli və əlaqələndirilmiş addımlar atmalıdırlar", - deyə nazir bildirib.

Çin xarici siyasət idarəsinin rəhbəri həmçinin İslamabadın Əfqanıstanda sülhün əldə olunması istiqamətində addımlarını yüksək qiymətləndirdiyini və Pakistanın ənənəvi olaraq Əfqanıstanla bağlı proseslərdə vacib nüfuza malik olduğunu deyib.

Xatırladaq ki, mayın 8-də ABŞ-ın NATO üzrə müttəfiqləri Əfqanıstandan qoşunların çıxarılmasını ləngitməyi və alyansın digər üzvlərinə bu ölkədən çıxmaq üçün daha çox vaxt verilməsini israrla xahiş ediblər. Bəzi ölkələr Əfqanıstandan qüvvələrini vaxtında çıxara bilməyəcəklərini və buna görə də amerikalı hərbçiləri iyulun 4-dən sonra da Əfqanıstanda saxlamağı xahiş ediblər.

Qeyd edək ki, ABŞ və NATO qoşunlarının Əfqanıstandan çıxarılmasına rəsmən mayın 1-də başlanıb və sentyabrın 11-nə qədər davam etməlidir. Faktiki olaraq isə qoşunların çıxarılması hələ aprel ayında başlanıb. Ağ Evin rəhbəri Co Bayden bunu ABŞ və Avropa qüvvələrinin Əfqanıstanda dayanıqlı hökuməti nə qurmağa, nə da onu dəstəkləməyə qadir olmaması ilə izah edib.

Eləcə də oxuyun: 

ABŞ Əfqanıstandan çıxardığı əsgərləri harada yerləşdirəcək?

WSJ: Avropa ABŞ-dan Əfqanıstandan qoşunların çıxarılmasını ləngitməyi xahiş edir

* Hərbi ekspert Baydenin qərarı barədə: "Bakı Vaşinqtona hava-su kimi lazımdır"

 

4
Teqlər:
qoşunlar, Çin, ABŞ, Pakistan, Əfqanıstan
İsraildə təcili yardım maşını, arxiv şəkli

İsraildə faciə üstünə faciə: onlarla adam sinaqoqda xəsarət aldı - VİDEO

12
(Yenilənib 21:32 16.05.2021)
Xatırladaq ki, bu yaxınlarda, aprelin 30-da Meron dağı yaxınlığında keçirilən Laq Ba-Omer dini mərasimi zamanı yaranan izdihamda 44 nəfər həlak olmuşdu.

BAKI, 16 may - Sputnik. İsrailin Givat-Zeev yaşayış məntəqəsində sinaqoqun tribunası çöküb, xeyli adam yaralanıb.

Sputnik Azərbaycan RİA Novosti-yə istinadən bildirir ki, bu barədə Magen David Adom təcili tibbi yardım xidmətinin işçiləri məlumat veriblər.

"19:14-də Qüdsün bir rayonundakı sinaqoqda onlarla adamın olduğu tribunanın çökməsi barədə Təcili Yardım xidmətinə məlumat daxil olub", - tibb işçiləri deyiblər

KAH dövlət telekanalı bildirib ki, xəsarət almış 60 nəfərə tibbi yardım göstərilir, onlardan onunun vəziyyəti ağırdır. Həmçinin qeyd olunur ki, 1 nəfər həlak olub. Xatırladaq ki, bu yaxınlarda, aprelin 30-da Meron dağı yaxınlığında keçirilən Laq Ba-Omer dini mərasimi zamanı yaranan izdihamda 44 nəfər həlak olmuşdu.

Eləcə də oxuyun: 

*Rəsmi Bakı İsrailə başsağlığı verdi

İsrail HƏMAS üzvlərinin evlərinə zərbələr endirdi

*Papa nəhayət Fələstin-İsrail qarşıdurmasına münasibət bildirdi

 

 

12
Teqlər:
video, yaralılar, sinaqoq, faciə, İsrail

Vladimir Putin azərbaycanlıları mükafatlandırdı

0
(Yenilənib 21:24 16.05.2021)
Rusiya-Azərbaycan mədəni əlaqələrinin möhkəmləndirilməsində göstərdiklərə xidmətə və Azərbaycanda rus teatr sənətinin ənənələrini yaşatdıqlarına görə Azərbaycanın incəsənət xadimləri təltif olunublar.

BAKI, 16 may - Sputnik. Rusiya Federasiyasının Prezidenti Vladimir Putin Rusiya-Azərbaycan mədəni əlaqələrinin möhkəmləndirilməsində göstərdiklərə xidmətə və Azərbaycanda rus teatr sənətinin ənənələrini yaşatdıqlarına görə Azərbaycanın incəsənət xadimlərini təltif edib. 

Sputnik Azərbaycan bildirir ki, bu barədə Trend yazır.

Azərbaycan Dövlət Akademik Rus Dram Teatrının direktoru Ədalət Hacıyev Puşkin medalına, teatrın baş rejissoru, Azərbaycanın Xalq artisti Aleksandr Şarovski "Dostluq" ordeninə layiq görülüb.

2020-ci ildə Azərbaycanın Xalq yazıçısı Çingiz Abdullayev də Vladimir Putinin sərəncamı ilə "Dostluq" ordeni ilə təltif olunmuşdu. 

Xatırladaq ki, 2021-ci ildə Azərbaycan Prezidenti İlham Əliyev Azərbaycan Dövlət Akademik Rus Dram Teatrının əməkdaşlarının orden və medallarla təltif olunması, eləcə də onlara mədəniyyət sahəsində fəxri adların verilməsi barədə sərəncam imzalamışdı.

0
Teqlər:
Rus Dram Teatrı, S.Vurğun adına Azərbaycan Dövlət Rus Dram Teatrı, təltif, Vladimir Putin