Misir ehramları

Misir ehramlarının min illərlə gizli qalan sirri açılır

560
(Yenilənib 19:55 01.11.2018)
Arxeoloqlar Misirin şərq hissəsindəki Hatnubda arxeoloji araşdırmalar zamanı antik daş karxanasında xüsusi sistem tapıblar

BAKI, 1 noyabr — Sputnik. Bu günə kimi alimlərin müzakirə etdiyi və hələ də onlar üçün müəmmalı qalan məsələlərdən biri də məşhur Misir ehramlarının necə tikilməsidir.

Sputnik Azərbaycan Türkiyə mətbuatına istinadən xəbər verir ki, son bu günə qədər də bir çox nəzəriyyələr irəli sürülsə də, ehramlarım necə tikildiyi hələ də sirr olaraq qalır. Amma deyəsən, son araşdırmalar nəticəsində Misir ehramlarının tikilmə sirri açılmaqdadır.

Arxeoloqlar Misirin şərq hissəsindəki Hatnubda arxeoloji araşdırmalar zamanı antik daş karxanasında xüsusi sistem tapıblar. Onlar bu sistemin Misir ehramları ilə bağlı olduğunu düşünürlər.

Misir ehramları, arxiv şəkli
© AP Photo / Lefteris Pitarakis
Misir ehramları, arxiv şəkli

Alimlərə görə, bu mexanizm ağır mərmər daşların dik rampadan (ağır əşyaların üzüyuxarı daşınması üçün körpüyə bənzəyən xüsusi vasitə) daşınması üçün istifadə edilə bilər. Təxmin edilir ki, Böyük ehramlar məhz bu vasitə ilə tikilib. Araşdırmaçılar qrupunun rəhbəri Yannis Qordon açıqlamasında bildirib ki, bu cür sistemə başqa heç yerdə rast gəlməyib.

Böyük piramida Misir piramidaların ən nəhəngidir. Piramidanın inşası zamanı istifadə olunan daşları nəzərə alınsa, bu rampanın uzunluğunun 1,5 kilometrə çatdığı, ehram hündürlüyündə olduğunu söyləmək olar.

560
Teqlər:
sirr, qurğu, tikinti, ehram, Misir
Əlaqədar
Xeops ehramında sərnişin təyyarəsi böyüklüyündə otaq aşkarlandı
Misir ehramları Rusiya və Fransa bayraqlarının rəngində olacaq
Türkiyədə Misir ehramlarının yaşıdı olan ağac tapıldı
Tərəvəz piştaxtası, arxiv şəkli

COVID-19 xəstələrini tez sağalda bilən qidalar

28
(Yenilənib 22:58 27.11.2020)
Alimlər COVID-19-dan sağalanlar üçün pəhriz tövsiyələri hazırlayıblar. Bu tövsiyyələr C, D vitaminləri və sink ilə zəngin qidaları qəbulunu ehtiva edir

BAKI, 27 noyabr — Sputnik. Britaniya alimləri COVID-19-un müalicəsini sürətləndirən məhsulları müəyyən ediblər. Sputnik Azərbaycan xarici mətbuata istinadla xəbər verir ki, qidaların immuniteti gücləndirməsini öyrənən araşdırmaçı Emma Derbşir və Con Delanj qida və qida əlavələrini təhlil ediblər. Araşdırmanın məqsədi COVID-19-dan sonra immuniteti bərpa edən və immuntetə yardım edən qidaları müəyyən etmək olub.

Müəlliflər tibbi qidalanmanın 65 yaşdan yuxarı insanların immunitet sisteminə təsirinə xüsusi diqqət yetiriblər.

İmmunitet sisteminin dörd komponenti var: T-limfositlər, B hüceyrələri, komplement sistemi və faqositlər. Belə ki, bu komponentlər daxil olan virus və bakteriyalara qarşı bir maneə rolunu oynayaraq vücudu infeksiyadan qoruyur.

İmmunitet anadangəlmə və adaptiv olur.

Ancaq hər iki immunitet funksiyası yaşla azalır. "İmmunitet yaşlanması"nın səbəblərindən biri də qida çatışmazlığıdır. Yaşlı insanlar bunu xüsusi immunitet qidası ilə doldurmalıdırlar. Bu, müəlliflərə görə, COVID-19 kimi ağır infeksiyalardan sonra reabilitasiya dövründə xüsusilə vacibdir.

"Zəif pəhriz, protein-enerji çatışmazlığı, vitaminlər və minerallar kimi mikroelement çatışmazlıqları suboptimal immunitet funksiyasına kömək etdiyinə dair kifayət qədər dəlil var. Bəzi pəhriz komponentləri - meyvələr, vitaminlər, antioksidantlar, minerallar və probiotiklər müqaviməti artırmağa kömək edir, tənəffüs viruslarına və xəstəliklərinə qarşı müqavimətdə əhəmiyyətli bir rol oynayır", - deyə tədqiqat müəllifləri yazırlar.

Alimlər COVID-19-dan sağalanlar üçün pəhriz tövsiyələri hazırlayıblar. Bu tövsiyyələr C, D vitaminləri və sink ilə zəngin qidaların qəbulunu ehtiva edir.

C vitamini, tənəffüs sistemi epitelisinin baryer funksiyasını gücləndirir, bu da patogenlərin inkişafını məhdudlaşdırır və alt tənəffüs yollarına enmələrinə maneə törədir.

Tədqiqatçıların fikrincə, bu, sətəlcəmin qarşısını alır. D vitamini güclü bir immunitet tənzimləyicisidir. Bəzi immun hüceyrələrin - B və T limfositlərin, makrofaqların və monositlərin səthində D vitamini reseptorları var, buna görə də bütün tənəffüs xəstəliklərində qoruyucu rol oynayır.

Müəlliflər C vitamini ilə zəngin brokkoli, qara qarağat, zənginləşdirilmiş səhər yeməyi və portağal; sink baxımından zəngin konservləşdirilmiş xərçəng, konservləşdirilmiş lobya və qaynadılmış yumurta və gündə 50 mikroqrama qədər D vitamini əlavələri qəbul etməyi məsləhət görürlər.

Tədqiqatın nəticələri göstərir ki, belə bir pəhriz saxlamaq reabilitasiya müddətini qısaldır və COVID-19-dan sağalmanı sürətləndirir.

28
Teqlər:
immunitet, vitamin, xəstəlik, xəstə, qida, Koronavirus, epidemiya, COVID-19
Mövzu:
Dünyanı cənginə almış bəla
İbrahim Tatlısəs, arxiv şəkli

Tatlısəsin qızı ona cərimə yazan polisləri təhqir etdi

13
(Yenilənib 22:46 27.11.2020)
Müğənniyə 3 min 150 lirə dəyərində pul cəzası təyin edilib. Bundan sonra Dilan polis əməkdaşlarına qarşı müqavimət göstərib

BAKI, 27 noyabr — Sputnik. İbrahim Tatlısəsin müğənni qızı Dilan Çıtak Tatlısəs karantin qaydasını pozub.

Sputnik Azərbaycan xəbər verir ki, gənc ifaçı koronavirus səbəbi ilə ölkədə tətbiq edilən qaydalara əməl etməyib.

Bazar günü evdən çıxmağa icazə olmadığı halda, Dilan şəhərdə görüntülənib. Şişli ərazisində olan ifaçı polislər tərəfindən saxlanılıb.

Müğənniyə 3150 lirə dəyərində pul cəzası təyin edilib. Bundan sonra Dilan polis əməkdaşlarına qarşı müqavimət göstərib.

Sənətçi haqqında polisə müqavimət göstərdiyi, təhqir etdiyi və yoluxucu xəstəliklər üçün görülən tədbirlərə qarşı çıxdığı üçün istintaq başladılıb.

Qeyd edək ki, Tatlısəsin qızı aprel ayında koronavirusa yoluxmuşdu. O, bir müddət öncə də karantin qaydalarını pozduğuna görə cəzalandırılmışdı.

13
Teqlər:
İbrahim Tatlısəs, karantin, Türkiyə, Koronavirus, epidemiya, COVID-19
Uşaqlar, arxiv şəkli

Müharibədən əziyyət çəkmiş uşaqlara göstərilən sosial-psixoloji dəstək gücləndiriləcək

0
(Yenilənib 23:15 27.11.2020)
Sənəddə Ermənistan–Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb

BAKI, 27 noyabr — Sputnik. "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı" yerli səviyyədə uşaqları müdafiə sistemini gücləndiməklə, ölkə üzrə uşaqları müdafiə mexanizminin təkmilləşdirilməsi və genişləndirilməsi istiqamətində tədbirlərin həyata keçirilməsini nəzərdə tutur. Sputnik Azərbaycan-ın məlumatına görə, bu, Prezident İlham Əliyevin 2020-ci il 27 noyabr tarixli Sərəncamı ilə təsdiq edilən "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əksini tapıb.

Fəaliyyət Planında pandemiya və digər fövqəladə vəziyyətlər də nəzərə alınmaqla, uşaq hüquqlarının müdafiəsinə hərtərəfli yanaşma prinsipləri, xüsusi vəziyyətlərdə uşaqların bütün növ xidmətlərə təhlükəsiz çıxışında bərabərliyin təmin olunması məsələləri, xüsusilə Ermənistan-Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb. Eyni zamanda, xarici ölkələrdə münaqişə qurbanı olmuş və daha sonra ölkəmizə qaytarılmış Azərbaycan Respublikası vətəndaşı olan uşaqların cəmiyyətə reinteqrasiyası istiqamətində də fəaliyyətin həyata keçirilməsi nəzərdə tutulub.

Çətin həyat şəraitində, baxımsız və sosial təhlükəli vəziyyətdə olan uşaqların aşkarlanması və onların sosial müdafiəsi, reabilitasiyası, cəmiyyətə inteqrasiyası sahəsində tədbirlərin həyata keçirilməsi, eyni zamanda, ölkəmizdə alternativ qayğı xidmətlərinin inkişafı, həyatın bütün sahələrində uşaqlara qarşı zorakılığın qadağan olunması ilə bağlı qanunvericilik təkliflərinin işlənilməsi Fəaliyyət Planında xüsusi yer tutur.

0
Teqlər:
psixoloji yardım, sosial, reabilitasiya, əziyyət, müharibə, uşaqlar