Ermənistan prezidenti Armen Sarkisyan və baş nazir Nikol Paşinyan, Yerevan, 21 may 2018-ci il

Ermənistan parlamentsiz qaldı

64
(Yenilənib 22:02 01.11.2018)
Armen Sarkisyan qərarı Ermənistan Konstitusiyasının 92 və 93 maddələrini, eləcə də 149-cu maddənin 3-cü hissəsini nəzərə almaqla qəbul edib

BAKI, 1 noyabr - Sputnik. Ermənistan prezidenti Armen Sarkisyan cümə axşamı parlamentin buraxılması və qanunverici orqana yeni seçkilərin 9 dekabr tarixinə təyin edilməsi barədə fərman imzalayıb.

Sputnik Ermənistan xəbər verir ki, bu barədə prezidentin mətbuat xidməti məlumat yayıb.

"Növbədənkənar seçkilər 9 dekabr 2018-ci tarixinə təyin edilsin. Fərman dərc olunduğu gündən qüvvəyə minir" - deyə mətbuat xidmətinin yaydığı sənədin mətnində bildirilir.

Armen Sarkisyan qərarı Ermənistan Konstitusiyasının 92 və 93 maddələrini, eləcə də 149-cu maddənin 3-cü hissəsini nəzərə almaqla qəbul edib.

Xatırladaq ki, Ermənistan parlamenti bu gün keçirilən iclasında yeganə namizəd olan Nikol Paşinyanı yenidən baş nazir postuna seçməyib. Ölkə qanunlarına əsasən, parlament iki dəfə baş naziri seçə bilməzsə buraxılır. Birinci seçki oktyabrın 24-də keçirilib. Odur ki, bu dəfə də seçki baş tutmadığından Ermənistan parlamenti buraxılır.

64
Teqlər:
seçkilər, Nikol Paşinyan, Armen Sarkisyan, Parlament, Ermənistan
Əlaqədar
Ermənistan - Azərbaycan sərhədindəki kəndlər boşaldılır - VİDEO
Ermənistanda əhalinin sayı kəskin azalıb
Ermənistanda yeni böhran din sahəsində yaşanır
Ermənistan hərbçiləri cəbhədə gərginlik yaradıblar
Ermənistanda seçkilərin vaxtı bilindi