Donald Tramp və Hillari Klinton

ABŞ tarixində bir ilk gözlənilir, diqqətlər yenə Trampda

9716
(Yenilənib 11:59 30.10.2018)
Birləşmiş Ştatlarda bir seçkidə məğlub olan şəxsin ikinci dəfə yenidən prezidentliyə namizəd olması kimi bir fakt qeydə alınmayıb

BAKI, 30 oktyabr — Sputnik. Birləşmiş Ştatların sabiq dövlət katibi, prezidentliyə keçmiş namizəd Hillari Klinton 2020-ci ildə ölkə prezidenti postuna yenidən namizəd olacağını açıqlayıb. Sputnik Azərbaycan xəbər verir ki, bunu Klinton "Recode" informasiya resursuna müsahibəsində deyib.

"Mən prezident olmaq istəyərdim. Hesab edirəm ki, bizim görüləsi çox işlərimiz var. Ümid edirəm ki, 2021-ci ilin yanvarında Oval kabinetdə bir demokrat əyləşəcək" - deyə Klinton bildirib.

Xanım siyasətçi, həmçinin vurğulayıb ki, 2021-ci ilin yanvarında Ağ Evə demokratın gəlməsi üçün əlindən gələni edəcək.

ABŞ prezidenti Donald Trampın bu bəyanata cavabı da özünü çox gözlətməyib. Tramp bəyan edib ki, 2020-ci ildə keçiriləcək seçkilərdə ABŞ-ın sabiq dövlət katibi Hillari Klintonla mübarizə aparmaq istəyər.

"O, mənim xoşuma gəlir. Onların hamısı (Demokratlar Partiyasından olan namizədlər) mənim xoşuma gəlir. Mən mübarizə aparmaq istəmədiyim heç kəsi görmürəm" - deyə Tramp diqqətə çatdırıb.

Qeyd edək ki, ABŞ prezidenti Donald Tramp 2017-cü ildə də bu barədə açıqlama verib. O, bəyan edib ki, 2016-cı ildə prezident seçkilərində qalib gəldiyi Hillari Klinton 2020-ci il seçkilərində yenidən öz namizədliyini irəli sürərsə, onunla mübarizəyə hazırdır.

Xatırladaq ki, Tramp 2016-cı ilin noyabrında keçirilən prezident seçkilərində rəqibi Hillari Klinton üzərində qələbə qazanıb. O, Seçicilər Kollegiyasının 304 səsini, Klinton isə 227-ni toplayıb. Qələbə üçün namizəd, ən azı 270 səs toplamalı idi.

Bu arada, onu da qeyd etmək lazımdır ki, ABŞ tarixində indiyədək bir seçkidə məğlub olan şəxsin ikinci dəfə yenidən prezidentliyə namizəd olması kimi bir fakt qeydə alınmayıb. Yəni, H.Klinton yenidən prezidentlik uğrunda mübarizəyə başlayarsa, bu, ölkə tarixində bir ilk olacaq.

9716
Teqlər:
namizəd, prezident, ABŞ, Donald Tramp, Hillari Klinton
Əlaqədar
Yeni iddia: ABŞ hücuma keçəcək, sülh pozulacaq
Rusiya ABŞ-ı Ermənistanın daxili işlərinə qarışmaqda ittiham edib
Tramp Klintonu geridə qoydu
Rusiya Müdafiə Nazirliyinin binası, arxiv şəkli

Moskva Qarabağa dair qurulacaq Mərkəz barədə: "Türkiyə hərbçilərinin sayı..."

29
(Yenilənib 17:58 01.12.2020)
Rusiya Müdafiə Nazirliyi və Türkiyə Milli Müdafiə Nazirliyi arasında noyabrın 11-i imzalanan memoranduma uyğun olaraq, atəşkəsə və bütün hərbi fəaliyyətlərə nəzarət üzrə Rusiya-Türkiyə Ortaq Mərkəzinin yaradılması və fəaliyyətinə dair razılıq əldə olunub.

BAKI, 1 dekabr — Sputnik. Rusiya və Türkiyə Dağlıq Qarabağda atəşkəsə nəzarət üzrə Ortaq Mərkəzə dair razılığa gəlib. Mərkəzdə hər iki ölkədən olan hərbçilərin sayı bərabər olacaq. Sputnik Azərbaycan "RİA Novosti"yə istinadən xəbər verir ki, bunu Rusiyanın müdafiə naziri general-mayor İqor Konaşenikov bildirib.

"Rusiya Federasiyası Müdafiə Nazirliyi və Türkiyə Respublikası Milli Müdafiə Nazirliyi arasında noyabrın 11-i imzalanan memoranduma uyğun olaraq, atəşkəsə və bütün hərbi fəaliyyətlərə nəzarət üzrə Rusiya-Türkiyə Ortaq Mərkəzinin yaradılması və fəaliyyətinə dair razılıq əldə olunub. Mərkəz Azərbaycan ərazisində yerləşəcək. Rusiya və Türkiyə hərbçilərinin sayı bərabər olacaq", - deyə Konaşenkov bildirib.

Qeyd edək ki, bu gün Türkiyənin Milli Müdafiə Nazirliyi məlumat yayaraq Türkiyə-Rusiya Ortaq Mərkəzinin yaradılmasına dair texniki detallarla bağlı müzakirələrin başa çatdığını və tərəflər arasında anlaşma imzalandığını bildirib.

"Türkiyə-Rusiya Ortaq Mərkəzinin yaradılması və vəzifə əsaslarına dair texniki detallarla bağlı danışıqlar tamamlanaraq razılaşma imzalanıb. Mərkəzin ən qısa zamanda fəaliyyətə başlaması üçün lazımi işlər gedir", - deyə məlumatda qeyd olunub.

Həmçinin qeyd olunur ki, noyabrın 11-də Türkiyənin Milli Müdafiə naziri Hulusi Akarla rusiyalı həmkarı Sergey Şoyqu Azərbaycan və Ermənistan arasında atəşkəsi müşahidə etmək və nəzarət üçün video konfrans formatında anlaşma memorandumu imzalayıb.

29
Çak Norris, arxiv şəkli

"Qarabağ, sən indi xoşbəxtsən" - amerikalı aktyor Azərbaycanı təbrik etdi

20
(Yenilənib 17:22 01.12.2020)
Norris açıqlamasında "Qarabağ, sən indi əsl ailənlə xoşbəxtsən" deyib. Qeyd edək ki, Çak Norris əvvəllər də izləyicilərinin istəklərini video vasitəsilə çatdırıb.

BAKI, 1 dekabr — Sputnik. Məşhur amerikalı aktyor, film rejissoru və ssenaristi Çak Norris Qarabağla bağlı danışıb.

O, açıqlamasında "Qarabağ, sən indi əsl ailənlə xoşbəxtsən" deyib.

Qeyd edək ki, Çak Norris əvvəllər də izləyicilərinin istəklərini video vasitəsilə çatdırıb.

Məlumat üçün bildirək ki, Norris Qərb yarımkürəsində taekvondo sistemi üzrə 8-ci dərəcəli qara kəmərə layiq görülən ilk idmançı, eləcə də Ümumdünya Təkbətək Döyüş Liqasının (World Combat League) banisi və prezidentidir.

Çak Norris çoxsaylı teleşouların yaradıcısı olmaqla yanaşı, öz jurnalını nəşr etdirir, bir neçə kitabın müəllifidir. ABŞ-da onun aktyorluq işi çoxdan ikinci plana çəkilib. Hazırda Norris milli miqyasda xristian missioneridir. Çoxsaylı dini təşkilat və fondlarda üzvlüklə yanaşı, Çak populyar "World Net Daily" saytında bir bölümə rəhbərlik edir. Həmin bölümün əsas mövzusu İncil və xristianlığın ABŞ-da fəal təbliğatından ibarətdir. O, bundan başqa, ondan artıq filmdə rol alıb.

20
DokuBaku beynəlxalq film festivalı, arxiv şəkli

"DokuBaku" artıq 4-cü dəfə start götürüb

0
(Yenilənib 18:57 01.12.2020)
"DokuBaku" Beynəlxalq Sənədli Film Festivalı 30 noyabr – 6 dekabr tarixlərində onlayn formada baş tutacaq. 1 həftə davam edəcək festivalda dafilms.com beynəlxalq onlayn festival platforması vasitəsilə 4 kateqoriyada 36 film nümayiş olunacaq.

BAKI, 1 dekabr — Sputnik. Azərbaycanın ilk müstəqil beynəlxalq sənədli film festivalı olan "DokuBaku" artıq 4-cü dəfə start götürür.

Sputnik Azərbaycan xəbər verir ki, Azərbaycan Kinematoqrafçılar İttifaqının rəsmi tərəfdaşı olduğu festivalın 2020-ci ildə keçirilmə tarixi 26 oktyabr – 1 noyabr üçün nəzərdə tutulsa da, dünyanı bürüyən pandemiya (COVİD 19) səbəbindən dəyişikliklər oldu. Beləki, "DokuBaku" Beynəlxalq Sənədli Film Festivalı 30 noyabr – 6 dekabr tarixlərində onlayn formada baş tutacaq. 1 həftə davam edəcək festivalda dafilms.com beynəlxalq onlayn festival platforması vasitəsilə 4 kateqoriyada 36 film nümayiş olunacaq.

Xatırladaq ki, festival filmləri izləmək istəyənlər platformada qeydiyyatdan keçərək günün istənilən saatı ödənişsiz izləmə imkanı qazanacaqlar.

Festivalın icraçı direktoru, sənədli film rejissoru Oktay Namazov bildirib ki, azərbaycanca və ingiliscə altyazı ilə onlayn nümayiş sənədli filmləri izləyici üçün daha əlçatan edir.

Yeri gəlmişkən, bu il festivala 53 ölkədən 250-dən çox film qəbul edilib. Seçim prosesində tammetrajlı, qısametrajlı, eyni zamanda yerli filmlər arasından ən layiqliləri seçilərək auditoriya üçün hazırlanıb. Bundan başqa, beynəlxalq və yerli mütəxəssislərdən ibarət jüri heyəti 4 kateqoriyada qalibləri seçəcək. Jüri heyətində "Ən yaxşı tammetrajlı sənədli film" kateqoriyası üçün Əli İsa Cabbarov, Laura Koppens, Səidə Baxşıyeva, "Ən yaxşı beynəlxalq qısa və yerli sənədli film" kateqoriyasında Durna Səfərova, Uolter Naqi, Yüksel Doğan, "X kateqoriyası"nda isə Elvin Cəbizadə, Aysu Akcan, Hüseyn Cəlilvənd qalib filmləri seçəcək. Festivalın açılışı Hilal Baydarovun "Xurmalar yetişəndə" filmi başlayacaq.

"DokuBaku" Beynəlxalq Sənədli Film Festivalının rəsmi proqramı ilə dokubaku.az saytında tanış ola bilərsiniz.

0
Teqlər:
film, festival