Malayziya ordusunun əsgərləri

Səudiyyə Ərəbistanının koalisiyası dağılır Malayziya əsgərlərini geri çağırdı

175
(Yenilənib 18:35 27.10.2018)
Səudiyyə Ərəbistanın başçılıq etdiyi ərəb koalisiyasına daxil olan Malayziya hərbi birlikləri paytaxt Ər-Riyaddan ayrılıb

BAKI, 27 oktyabr — Sputnik. Malayziya Səudiyyə Ərəbistandakı əsgərlərini geri çəkdiyini açıqlayıb.

Sputnik Azərbaycan "Ensonhaber"ə istinadla xəbər verir ki, bu barədə Malayziya xarici işlər naziri Seyfüddin Abdulla açıqlama verib.

Nazir Səudiyyə Ərəbistanın başçılıq etdiyi ərəb koalisiyasına daxil olan Malayziya hərbi birliklərinin paytaxt Ər-Riyaddan ayrıldığını deyib.

Jurnalist Camal Xaşoqqi, arxiv şəkli
© Photo : Middle East Monitor / Handout via REUTERS

Qeyd edək ki, Yəməndə daxili müharibə başlayandan sonra ərəb koalisiyası yaradılmışdı.

Seyfüddin bildirib ki, artıq qoşunlar geri dönüb: “Malayziya hökuməti Yəməndəki hərbi koalisiyanın bir hissəsi olmaq istəmir. Bu barədə hökumət qərar qəbul edib”.

Qeyd edək ki, Malayziya müdafiə naziri Məhəmməd Sabu iyun ayında verdiyi açıqlamada, ölkəsinin Səudiyyə Ərəbistandakı hərbi mövcudluğunu nəzərdən keçirdiklərini bildirmişdi.

Malayziya keçmiş Baş Nazir Nəcib Rezakın hökuməti dövründə Yəməndəki Malayziya vətəndaşlarının evakuasiyasını təmin etmək üçün 2015-ci ildə Səudiyyə Ərəbistanına hərbi qoşun göndərmişdi.

175
Teqlər:
Yəmən, koalisiya, Malayziya, Səudiyyə Ərəbistan
Əlaqədar
Səudiyyəli jurnalistin qətli prezidentlər tərəfindən müzakirə olundu
Avropa Parlamenti Səudiyyə Ərəbistanına sanksiya qərarını qəbul etdi
Konsulluqda öldürülən jurnalistin oğlu Səudiyyəni tərk edib
Ərdoğan Səudiyyə kralına radikal təklif verdi
İranın Bakıdakı səfirliyinin binası, arxiv şəkli

İranın Azərbaycandakı səfirliyi Bərdəyə edilən hücumu pisləyir

4
(Yenilənib 17:31 28.10.2020)
İranın Azərbaycandakı səfirliyi həlak olanların ailələrinin dərdinə şərik çıxır və yaralılara şəfa diləyir.

BAKI, 28 oktyabr — Sputnik. İran İslam Respublikasının Azərbaycandakı Səfirliyi Ermənistanın Azərbaycanın Bərdə şəhərinə edilən raket hücumunu, nəticədə bir neçə mülki vətəndaşın həlak olması və yaralanmasını sərt şəkildə pisləyir.

Bu barədə Sputnik Azərbaycan-a İran İslam Respublikasının Azərbaycandakı Səfirliyinin Mətbuat şöbəsindən daxil olan məlumatda bildirilir.

İran səfirliyi həlak olanların ailələrinin dərdinə şərik çıxır və yaralılara şəfa diləyir.

İran səfirliyi bildirir ki, beynəlxalq hüquq normalarına əsasən, şəhərlərə və günahsız insanlara hücum etmək hərbi cinayətdir və dərhal dayandırılmalıdır.

Qeyd edək ki, 2020-ci il oktyabrın 28-də saat 13 radələrində düşmənin silahlı birləşmələri tərəfindən Bərdə şəhərinin dinc sakinlərin sıx hərəkətdə olduğu və ticarət obyektlərinin yerləşdiyi əraziyə beynəlxalq hüquqla qadağan olunmuş kaset bombalarından istifadə edilməklə zərbələrin endirilməsi nəticəsində 21 nəfər həlak olub, 70-ə yaxın şəxs isə yaralanıb, şəhərdə yerləşən mülki infrastruktur obyektlərinə və nəqliyyat vasitələrinə külli miqdarda ziyan dəyib.

Bundan başqa, təcavüzkar Erməni silahlı qüvvələri tərəfindən 2020-ci il oktyabrın 27-də saat 16 radələrində Bərdə rayonunun Qarayusifli kəndinin ağır artilleriyadan atəşə tutulması nəticəsində xəsarət almış daha bir dinc sakin müalicə olunduğu xəstəxanada aldığı xəsarətlər səbəbindən vəfat edib, bununla da 2020-ci il oktyabrın 27-də Ermənistan silahlı qüvvələri tərəfindən törədilmiş cinayətlər nəticəsində həlak olanların sayı 5-ə çatıb.

4
Teqlər:
Bərdə rayonu, Bərdə, İran İslam Respublikası, İran
Əlaqədar
Goranboy, Tərtər və Bərdə rayonları raket atəşinə tutulur
Bərdədə 19 nəfər həlak olub, 60-a yaxın şəxs yaralanıb - Baş Prokurorluq
Bərdə şəhəri raket atəşinə tutulur, ölənlər var
Bərdə atəşə tutuldu, ölənlər var - YENİLƏNİB - FOTO
Həkim Bərdə xəstəxanasındakı yaralıların vəziyyəti barədə məlumat verib – video
Erməni hərbçisi, arxiv şəkli

Ermənistan yeni itkilərini etiraf etdi

51
Bununla da Ermənistan tərəfindən rəsmi olaraq ölən hərbçilərin sayı 1068-ə çatıb. Ermənistan tərəfi döyüşlər zamanı yaralanan hərbçilərin sayını açıqlamır.

BAKI, 28 oktyabr — Sputnik. Ermənistan Azərbaycan Silahlı Qüvvələrinin Qarabağda keçirdiyi əks-hücum əməliyyatı zamanı itkilərini az da olsa etiraf etməyə davam edir. Sputnik Ermənistan xəbər verir ki, ermənilər daha 59 hərbçisinin Azərbaycan tərəfindən zərərsizləşdirildiyini bildirib.

Bununla da Ermənistan tərəfindən rəsmi olaraq ölən hərbçilərin sayı 1068-ə çatıb. Ermənistan tərəfi döyüşlər zamanı yaralanan hərbçilərin sayını açıqlamır.

Qeyd edək ki, sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb. Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

Müdafiə Nazirliyinin məlumatına görə, Azərbaycan Ordusunun uğurlu əks-hücum əməliyyatları nəticəsində Füzuli-Cəbrayıl istiqamətində Qaraxanbəyli, Qərvənd, Kənd Horadiz, Yuxarı Abdurrəhmanlı, Böyük Mərcanlı və Nüzgar kəndləri işğaldan azad edilib.

Oktyabrın 3-də isə Azərbaycan Silahlı Qüvvələri strateji cəhətdən əhəmiyyətli daha bir yaşayış məntəqəsini - dövlət başçısının həmin gün Sugovuşan tarixi adını qaytardığı Madagiz kəndini azad edib. Həmin gün Tərtər rayonunun Talış kəndinin, Cəbrayıl rayonunun Mehdili, Çaxırlı, Aşağı Maralyan, Şəybəy və Quycaq kəndlərinin və Füzuli rayonunun Aşağı Əbdürrəhmanlı kəndinin azad edildiyi məlum oldu.

Oktyabrın 4-də Azərbaycan ordusu Cəbrayıl şəhərini və Cəbrayıl rayonunun doqquz kəndini - Karxulu, Şükürbəyli, Yuxarı Maralyan, Çərəkən, Daşkəsən, Horovlu, Dəcəl, Mahmudlu, Cəfərabadı azad edib.

Oktyabrın 5-də Azərbaycan ordusu Cəbrayıl rayonunun Şıxalıağalı, Məzrə və Sarıcalı kəndlərini azad edib.

Oktyabrın 9-da Hadrut qəsəbəsi, Çaylı, Yuxarı Güzlək, Gorazıllı, Qışlaq, Qaracallı, Əfəndilər, Süleymanlı, Sur kəndləri işğaldan azad edilib.

Oktyabrın 14-də Füzuli rayonunun Qaradağlı, Xatunbulaq, Qarakollu, Xocavənd rayonunun Bulutan, Məlikcanlı, Kəmərtük, Təkə, Tağaser kəndləri işğaldan azad edilib.

Oktyabrın 15-də Azərbaycan Ordusu tərəfindən Füzuli rayonunun Arış, Cəbrayıl rayonunun Doşulu, Xocavənd rayonunun Edişə, Düdükçü, Edilli, Çiraquz kəndləri işğaldan azad olunub.

Oktyabrın 16-da Xocavənd rayonunun Xırmancıq, Ağbulaq, Axullu kəndləri işğaldan azad edilib.

Oktyabrın 17-də Füzuli rayonunun Qoçəhmədli, Çimən, Cuvarlı, Pirəhmədli, Musabəyli, İşıqlı, Dədəli kəndləri və Füzuli şəhəri işğaldan azad olunub.

Oktyabrın 18-də Azərbaycan Silahlı Qüvvələri Xudafərin körpüsünün üzərində Azərbaycan bayrağını qaldırıblar.

Oktyabrın 19-da Cəbrayıl rayonunun Soltanlı, Əmirvarlı, Maşanlı, Hasanlı, Alıkeyxalı, Qumlaq, Hacılı, Göyərçin Veysəlli, Niyazqulular, Keçəl Məmmədli, Şahvəlli, Hacı İsmayıllı, İsaqlı kəndləri azad edilib.

Oktyabrın 20-də Füzuli rayonunun Dörd Çinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Ayıbasanlı, Cəbrayıl rayonunun Səfərşa, Hasanqayda, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.

Oktyabrın 21-də Füzuli rayonunun Gecəgözlü, Aşağı Seyidəhmədli, Zərgər kəndləri, Cəbrayıl rayonunun Balyand, Papı, Tulus, Hacılı, Tinli kəndləri, Zəngilan rayonunun Mincivan qəsəbəsi, Xurama, Xumarlı, Sarıl, Babaylı, Üçüncü Ağalı, Hacallı, Qırax Müşlan, Üdgün, Turabad, İçəri Müşlan, Məlikli, Cahangirbəyli, Baharlı kəndləri işğaldan azad edilib.

Oktyabrın 22-də Füzuli rayonunun Mollavəli, Yuxarı Rəfədinli, Aşağı Rəfədinli, Cəbrayıl rayonunun Sirik, Şıxlar, Məstəlibəyli, Dərzili kəndləri, Zəngilanın Kolluqışlaq, Malatkeşin, Kənd Zəngilan, Genlik, Vəliqulubəyli, Qaradərə, Çöpədərə, Tatar, Tiri, Əmirxanlı, Qarqulu, Bartaz, Dəlləkli kəndləri və Ağbənd qəsəbəsi işğaldan azad olunub.

Oktyabrın 23-də Qubadlı rayonunun Zilanlı, Kürd Mahrızlı, Muğanlı və Alaqurşaq, Xocavənd rayonunun Dolanlar, Bünyadlı, Cəbrayıl rayonunun Dağ Tumas, Nüsüs, Xələfli, Minbaşılı, Veysəlli, Zəngilan rayonunun Vənədli və Mirzəhəsənli kəndləri işğaldan azad edilib.

Oktyabrın 25-də Zəngilan rayonunda Birinci Alıbəyli, İkinci Alıbəyli, Rabənd, Yenikənd, Cəbrayıl rayonunda Qovşudlu, Sofulu, Dağ Maşanlı, Kürdlər, Hovuslu, Çələbilər, Qubadlı rayonunda Əfəndilər, Yusifbəyli, Çay Tumas, Xanlıq, Sarıyataq, Mollabürhan və Qubadlı şəhəri işğaldan azad edilib.

https://ru.armeniasputnik.am/karabah/20201028/25094290/Novyy-spisok-pogibshikh-armyanskikh-voennosluzhaschikh-v-Karabakhe--dannye-za-28-oktyabrya---.html

51
Əlaqədar
Ermənistan itkilərini qismən etiraf edib: İki yüzədək hərbçi öldürülüb
Ermənilər itkilərini etiraf etdilər – Zərərsizləşdirilən hərbçilərin sayı 600-ü keçdi
Ermənilər itkilərini etiraf edirlər, zərərsizləşdirilən hərbçilərin sayı 600-ü keçdi
Ermənilər Qarabağdakı itkilərini etiraf etməyə davam edir
Oljas Süleymenov, arxiv şəkli

Məşhur qazax yazıçısı Ermənistanın cinayətlərinə görə Minsk qrupunu qınadı

0
(Yenilənib 17:37 28.10.2020)
Oljas Süleymenov: "Beynəlxalq hüquqda da şəhərləri raket atəşinə tutmaq qadağandır. Ermənistan isə bu müddəanı kobud şəkildə pozur".

BAKI, 28 oktyabr — Sputnik. Qazaxıstanın tanınmış yazıçısı, ictimai xadim, diplomat, Azərbaycanın "Dostluq" və "Şöhrət" ordenləri ilə mükafatlandırılmış Oljas Süleymenov Azərbaycan xalqına müraciət edib.

Sputnik Azərbaycan xəbər verir ki, yazıçı bu tarixi günlərdə Azərbaycanın yanında olduğunu bildirib:

"Bu yaxınlarda Moskvadan gələn bir jurnalist mənimlə söhbət etdi. Sual verməzdən əvvəl qayıtdı ki, siz əlbəttə ki, Azərbaycanın tərəfindəsiniz. Dedim Azərbaycan futbol komandası deyil ki, onun tərəfdarı olum. Azərbaycan mənim doğma ölkəmdir, qardaş xalqdır. Bu böyük xalqın təəssübünü çəkirəmsə, bunu ürəkdən, səmimi qəlbdən çəkirəm. Vaxtilə, hələ sovet dövründə Bakıda, Gəncədə, Şuşada, Füzulidə gözəl günlərimiz olub. O vaxtlar oralara sərbəst gedib-gəlmək olurdu. İndi də orada baş verənlərdən xəbərim var. 30 ildir hamımız bu ağrı-acılarla yaşayırıq. 80-ci illərin sonu, 90-cı illərin əvvəlindən başlayan faciələr hamımızı kədərləndirir. Qara Yanvar günlərində də orada olmuşdum".

O.Süleymenovun fikrincə, bu gün baş verənlər ATƏT-in Minsk qrupunun səriştəsizliyinin nəticəsidir: "Əfsuslar olsun ki, bu 30 il ərzində onlar heç bir iş görmədilər. Ona görə də Azərbaycan məcbur olub özü torpaqlarını azad etməyə başladı. Gəncəyə raket atıldığını eşidəndə, sözsüz ki, çox narahat oldum. Bu, qəti qadağan olunan hücumdur, xalis təxribat əməlidir. Beynəlxalq hüquqda da şəhərləri raket atəşinə tutmaq qadağandır. Ermənistan isə bu müddəanı kobud şəkildə pozur".

Daha sonra qazaxıstanlı yazıçı qeyd edib:

"Ümidvaram ki, 30 ildir işğal altında olan torpaqlar azad olunacaq. Həmçinin Minsk qrupunun da Azərbaycanın öz torpaqları uğrundakı bu mübarizəsinə, öz gücü ilə azad etməsinə layiqincə qiymət verəcəyinə inanıram. Doğma Azərbaycana uğurlar, torpaqlarına əmin-amanlıq arzulayıram. Azərbaycan xalqına sevgimi, rəğbətimi bildirir, sülh və əmin-amanlıq, işıqlı günlər diləyirəm".

0
Əlaqədar
Oljas Süleymenov Stalinin saxtakarlığından danışır
Oljas Süleymenov: "Bakının haqqını vermək lazımdır"