Hindistanda müqəddəs məbəd, arxiv şəkli

Dindarlar qadınlara müqəddəs yerləri ziyarət etməyi qadağan edirlər

96
(Yenilənib 21:20 26.10.2018)
10 yaşından 50 yaşına qədər olan qadınlar ziyarətgaha buraxılmamalıdır

BAKI, 27 oktyabr — Sputnik. Hindistanın Keral ştatında son iki gündə 10 yaşından 50 yaşına qədər olan qadınların məşhur Ayyappan tanrısı məbədinə buraxılmasının əleyhinə keçirilən aksiyada iştirak edən 2 minə yaxın adam saxlanılıb.

Sputnik Azərbaycan-ın məlumatına görə, bu barədə Hindistanın ANI agentliyi xəbər yayıb. Daha əvvəl agentlik 1400 nəfərin saxlandığını xəbər vermişdi.

Məlumata görə, polis icazəsiz aksiyalarda və kütləvi iğtişaşlarda iştirak edən şəxslərlə bağlı 452-dən çox cinayət işi açıb. 18-22 oktyabr tarixlərində Sabarimala rayonunda yerləşən müqəddəs məbəd kişilər kimi qadınların da üzünə açıq elan edilib. Lakin radikal əhval-ruhiyyəli qrup məbədin bütün girişlərini qapadaraq qadınların ora daxil olmasını əngəlləyib. Onlar zərif cinsin nümayəndələrini məbədə yaxınlaşacaqları təqdirdə onlara fiziki güc tətbiq edəcəkləri ilə hədələyiblər.

İşə qadınların məbədə girişini təmin etməyə çalışan polis qarışmalı olub. Lakin asayiş keşikçilərinin bu cəhdləri ciddi nəticə doğurmayıb. Kütlə qadınları daşa basıb və onları ağac dəyənəklərlə vurub. Bundan sonra radikal kütlə güc strukturları ilə toqquşub.

Hazırda məbəd qeyri-müəyyən müddətədək bağlanıb. Noyabrın ortalarında Hindistan Ali Məhkəməsi qadınların məbədə buraxılması ilə bağlı petisiya keçirmək niyyətindədir.

İnduizmin iki ali tanrısı Şiva və Vişnunun oğlu sayılan Ayyappan allahının məbədi Hindistanın Sabarimala rayonunda yerləşir və təkcə Hindistanda deyil, bütün dünyada məşhur olan ziyarətgahdır.

Ənənəyə görə, reproduktiv yaşda olan qadınların buranı ziyarət etməsi qadağandır. Çünki məbədin brahman xidmətçiləri öz tanrılarını "bakir" hesab edirlər və onların düşüncəsinə görə, döl vermək yaşında olan qadınları bura buraxmamaqla öz tanrılarının namusunu qoruyurlar. Bu səbəbdən də son vaxtlara qədər sözügedən məbədə yalnız yaşlı qadınlar və azyaşlı qızlar buraxılırdı.

Bu məsələ Hindistan Ali Məhkəməsinin diqqətini cəlb edib və məhkəmə cari ilin sentyabr ayının sonlarında illərdir tətbiq olunan bu qadağanı aradan qaldırıb. Məhkəmə hesab edib ki, qadınlara qarşı tətbiq olunan bu qadağa onların konstitusion hüquqlarını, eləcə də bərabərlik prinsipini pozur. Məhkəmə eyni zamanda öz qərarı ilə bır sıra çoxəsirlik ənənələrə də son qoyub. Oktyabrda isə Hindistanda homoseksualizmə görə həbs qərarı da ləğv edilib.

96
Teqlər:
məbəd, qadağan, qadın, Hindistan
Əlaqədar
Amerika "nokauta" salınır: Daha bir ölkə "S-400" alacaq
Vərəm tüğyan edir – “SOS” verildi
“Donuz qripi” onlarla insanı öldürdü
Hindistanda qatar insanların üstündən keçdi, onlarla adam öldü - VİDEO
Роберт Кочарян

Robert Köçəryan: Ermənistan hökuməti müharibənin qaçılmaz olması üçün əlindən gələni etdi

14
(Yenilənib 06:41 05.12.2020)
Köçəryanın sözlərinə görə, bütün uğursuzluqların səbəbkarı baş nazir Nikol Paşinyandır. Çünki o, bütün danışıqlar prosesinə sıfırdan başlamağa üstünlük verib.

BAKI, 5 dekabr - Sputnik. “Müharibənin qarşısını almaq olardı, ancaq Ermənistan hökuməti müharibənin qaçılmaz olması üçün hər şeyi etdi”.

APA xəbər verir ki, bunu Ermənistanın sabiq prezidenti Robert Köçəryan “5-ci kanal” telekanalına verdiyi müsahibəsində deyib.

“Əminəm ki, Ermənistan hakimiyyəti müharibənin qaçılmaz olması üçün hər şeyi etdi. Hər şey edildi. Yeni bir şey söyləməyəcəyəm, çünki bu bir ay ərzində mətbuatı izlədim. Demək olar ki, hər şey deyildi, sadəcə, deyilənləri vahid bir təsəvvür yaratmaq üçün ümumiləşdirə bilərsiniz. Niyə danışıqlar prosesi dalana dirəndi. Qəsdən edildi. Qarşılıqlı müstəsna bəyanatlar elə bir vəziyyət yaratdı ki, hətta həmsədrlər də erməni tərəfinin nə istədiyini anlamadılar”, - Köçəryan belə deyib.

Onun sözlərinə görə, bütün bu uğursuzluqların səbəbkarı baş nazir Nikol Paşinyandır. Çünki o, bütün danışıqlar prosesinə sıfırdan başlamağa üstünlük verib.

“Tavuşda sərhəd münaqişəsi təxribatı. Bizim tərəfimizdən törədilmiş təxribat. Bəli. Şimalda. Baş Qərargah rəisi deyəndə ki, 12 iyunda Ermənistanın müharibəyə hazır olmadığı barədə məruzə göndərib və bundan bir ay sonra belə bir təxribata cəhd etmək, bu insidentin mahiyyətini şişirtmək – 70 nəfəri ordenlərlə təltif edərək, Azərbaycanı və Türkiyəni məğlub etdiyimizi demək – bunlar müharibəyə yönəlmiş təxribat deyildisə, bəs nə idi? Əgər bilirsənsə hazır deyilsən, niyə bu addımı atırsan? Çünki düşündün ki, Türkiyə və Azərbaycan bunu sadəcə həzm edəcək?” - deyə sabiq prezident sözlərinə davam edib.

R.Köçəryan bildirib ki, Azərbaycana qarşı təxribatlarda boş sözlərə meyl etmək lazım deyildi:

“Bunu da bir hökumət üzvü etdi və əminliklə deyə bilərik ki, baş nazirin qurumu tərəfindən edildi.

Yeri gəlmişkən, bu cür davranmaq yalnız o halda mümkün idi ki, sən bir üstünlüyə maliksən və o qədər güclüsən ki, bu cür nüanslara əhəmiyyət vermirsən. Ancaq bu belə deyil: resurslar, əhali, büdcə, ümumi daxili məhsul baxımından. Bu doğru deyil. Yenə deyirəm, hökumətimiz şüurlu və ya şüursuz olaraq bu müharibənin qaçılmaz olması üçün hər şeyi etdi. Bu bir həqiqətdir”.

14
Teqlər:
baş nazir Nikol Paşinyan, erməni təxribatı, Tovuz, Ermənistan, Robert Köçəryan
Biznes  ledi

İllərin sənətçisi yeni biznesə başlayıb

25
(Yenilənib 23:45 04.12.2020)
Sayan istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb

BAKI, 4 dekabr — Sputnik. Türkiyəli müğənni Seda Sayan yeni biznesə başlayıb.

Sputnik Azərbaycan xəbər verir ki, sənətçi öz adı ilə istehsal olunan ətirli kolonyanı satışa çıxarmağa hazırlaşır.

View this post on Instagram

A post shared by Seda Sayan (@sedasayan)

Artıq Seda məhsullarla çəkdirdiyi fotosunu özünün "Instagram" səhifəsində paylaşıb. O, istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb. Qeyd edək ki, kolonya qutusunun üzərində Seda Sayanın şəkli yer alıb.

25
Чингиз Абдуллаев

Xalq yazıçısı: “Tariximizi unutsaq, onlar yenidən işğala başlamaq üçün güc toplayacaqlar”

0
(Yenilənib 09:49 05.12.2020)
Xalq yazıçısı Çingiz Abdullayev deyir ki, bizim uşaqlarımızın, nəvələrimizin belə bir muzeyi olmalıdır ki, onlar gəlib görsünlər və heç zaman yaddan çıxarmasınlar
Çingiz Abdullayev: “Bizim tarixi muzeylərimiz çox olmalıdır”

Prezident İlham Əliyev Bakı şəhərində Vətən müharibəsi memorial kompleksinin və Zəfər muzeyinin yaradılması haqqında Sərəncam imzalayıb.

Xalq yazıçısı Çingiz Abdullayev Sputnik Azərbaycan-a deyir ki, imzalanmış bu Sərəncam çox lazımlıdır:

“Bizim uşaqlarımızın, nəvələrimizin belə bir muzeyi olmalıdır ki, onlar gəlib görsünlər və heç zaman yaddan çıxarmasınlar. Əgər biz bu tarixi unutsaq, onlar torpaqlarımızı işğal etmək üçün yenidən güc toplayacaqlar. Mən inanmaq istəyirəm ki, bu məsələ həmişəlik həll olunub, müharibə bitib və biz bir daha torpaqlarımızı itirməyəcəyik. Bizim tarixi muzeylərimiz çox olmalıdır ki, uşaqlarımız tariximizi bilsinlər”.

Çingiz Abdullayevin geniş şərhinə audiofaylda qulaq asa bilərsiniz

0