ABŞ prezidenti Donald Tramp, arxiv şəkli

Tramp dünya gündəmini silkələyən faktı təsdiqlədi

543
(Yenilənib 11:03 19.10.2018)
ABŞ prezidenti Donald Tramp bildirib ki, yoxa çıxan səudiyyəli müxalif jurnalist Camal Qaşıqçı artıq sağ deyil.

BAKI, 19 oktyabr — Sputnik. ABŞ prezidenti Donald Tramp bildirib ki, yoxa çıxan səudiyyəli müxalif jurnalist Camal Qaşıqçı artıq sağ deyil. Bu barədə Sputnik Azərbaycan "Guardian"-a istinadən xəbər verir.

"Belə görünür, yoxa çıxan səudiyyəli jurnalist Kamal Qaşıqçı ölüb" — deyə Tramp "Qaşıqçı ölübmü" sualına cavab verərkən bildirib.

Bunun çox kədərli olduğunu vurğulayan Tramp qeyd edib ki, "güclü bəyanat vermək üçün" araşdırmaların başa çatmasını gözləyir. ABŞ prezidenti jurnalistin ölümündə təqsirli olan şəxsləri "ciddi tədbirlər"in gözlədiyini də bəyan edib. 

Xatırladaq ki, oktyabrın 2-də "The Washington Post" qəzetinin müxbiri Camal Qaşıqçı Sәudiyyә Әrәbistanının İstanbuldakı Baş Konsulluğunun binasına girdikdən sonra onunla əlaqə yaratmaq mümkün olmayıb.

O, yoxa çıxmazdan 3 gün əvvəl verdiyi müsahibədə deyib ki, Səudiyyə Ərəbistanında hakimiyyəti tənqid edən jurnalistlər həbs olunur: "Həbs olunanlar müxaliflər də deyil. Bu, insanları qorxudur. Mən sadəcə bir jurnalistəm. "Washington Post" qəzeti mənə bir yer verdi və mən də orada fikirlərimi sərbəst yazıram. Kaş, bu imkan mənə öz ölkəmdə veriləydi" – deyə səudiyyəli jurnalist müsahibəsində bildirib.

543
Teqlər:
Camal Qaşıqçı, İstanbul, Səudiyyə Ərəbistanı, jurnalist, Donald Tramp, ABŞ
Əlaqədar
Camal Qaşıqçı olayından yeni xəbər — Konsul qaçdı
Tramp Qaşıqçı məsələsini nəzarətə götürdü