Səudiyyə şahzadəsi jurnalistin ölümü ilə əsas şübhəlidir - KİV

© AFP 2023 / Fayez NureldineVəliəhd Məhəmməd Bin Salman
Vəliəhd Məhəmməd Bin Salman - Sputnik Azərbaycan
Abunə olmaq
Qaşıqçı işində şübhəli bilinən şəxslər Səudiyyə şahzadəsi ilə əlaqəlidirlər

BAKI, 17 oktyabr — Sputnik. Səudiyyəli jurnalist Camal Qaşıqçının itkin düşməsi ilə bağlı iş üzrə şübhəli bilinən şəxslər Səudiyyə Ərəbistanının vəliəhd şahzadəsi Məhəmməd ibn Salman əs-Səud ilə əlaqəlidirlər.

“Report” xəbər verir ki, bu barədə çərşənbə axşamı öz mənbələrinə istinadən"The New York Times" qəzeti yazıb.

Mətndə bildirilir ki, Türkiyə tərəfindən Camal Qaşıqçının itməsi ilə əlaqədar müəyyən edilmiş şübhəlilərdən biri vəliəhd şahzadə Məhəmməd ibn Salman əs-Səudun şəxsi müşayiətçisi olub: o, Paris və Madriddə onunla birgə təyyarəni tərk edərkən görünüb. Həmçinin şübhəli şəxs şahzadənin bu il Hyuston, Boston və BMT baş qərargahına səfərləri zamanı çəkilən fotolarda diqqəti cəlb edib. 

Türkiyə — Səudiyyə Ərəbistanı işçi qrupu bu gün səhər saatlarında Səudiyyə Ərəbistanının İstanbuldakı Baş Konsulluğunda axtarış işlərini yekunlaşdırıb - Sputnik Azərbaycan
Jurnalistin yoxa çıxdığı yerdə 9 saat axtarış aparılıb

Nəşrin yazdığına görə, digər üç şübhəli vəliəhd şahzadənin təhlükəsizlik xidməti ilə əlaqəlidir. Beşinci şübhəli Səudiyyə Ərəbistanının Daxili İşlər Nazirliyi və tibb müəssisələrində yüksək vəzifə tutan məhkəmə hakimidir ki, bu da onun Səudiyyə rəhbərliyi ilə əlaqələrinin olmasından xəbər verir.

Ər-Riyadın hazırkı siyasəti barədə tənqidi ifadələri ilə məşhur olan Qaşıqçı sənədlərin rəsmiləşdirilməsi üçün oktyabrın 2-də ölkəsinin İstanbuldakı baş konsulluğuna daxil olub və daha sonra onunla əlaqə kəsilib.

Bundan əvvəl Səudiyyə Ərəbistanının İstanbuldakı baş konsulu Məhəmməd İbrahim əl-Üteybi jurnalist Camal Qaşıqçının itməsi qalmaqalına görə ölkəsinə qayıdıb.

Xəbər lenti
0