Robert Koçaryan

“Paşinyan mənə nifrət edir” Koçaryan amerikalılara danışdı

50
(Yenilənib 22:16 15.10.2018)
Onun hətta indi də Paşinyanla heç bir əlaqəsi yoxdur.

BAKI, 16 oktyabr — Sputnik. “Ermənistanın baş naziri Nikol Paşinyan 1 mart hadisələrin əsas iştirakçılarından biri olub. O, özü üçün ən rahat kontekstdə tarixi yenidən yazmaq istəyirdi”.

Sputnik Azərbaycan "News.am"-a istinadən xəbər verir ki, bunu Ermənistanın ikinci prezidenti Robert Koçaryan "Bloomberg" nəşrinə müsahibəsində bildirib.

Koçaryan deyib ki, Paşinyanla tanış olmayıb: "Onunla heç vaxt görüşməmişəm. Ola bilsin ki, o hansısa mətbuat konfransında olub, lakin mən heç onu heç xatırlamıram belə. Mənim heç vaxt onunla şəxsi əlaqəm olmayıb".

O, qeyd edib ki, hətta indi də Paşinyanla heç bir əlaqəsi yoxdur.

“Paşinyan özü sizinlə əlaqə saxlamağa cəhd edibmi” sualını cavablandıran Ermənistanın ikinci prezidenti əlavə edib ki, onun fikrincə, Ermənistanın baş naziri ona nifrət edir: "Bunu mənə qarşı başladılan cinayətlər işləri də göstərir".

Koçaryan, vurğulayıb ki, Ermənistanda keçiriləcək növbədənkənar prezident seçkilərində iştirak etmək və baş nazir postuna öz namizədliyini irəli sürmək niyyətində deyil.

50
Teqlər:
Ermənistanın baş naziri, Nikol Paşinyan, müsahibə, Robert Koçaryan, münasibət
Əlaqədar
Trüdo və Paşinyan Qarabağdan danışdılar
Paşinyandan gözlənilməz bəyanat: "Əliyevlə bir sıra məsələlərdə razılığa gəldik"
Deputatlar Nikol Paşinyanı dəstəklədi
Paşinyanın arvadı rusiyalı qadınları "qara siyahı"ya saldırdı
Paşinyanı “bəyənən” azərbaycanlı futbolçu üzr istədi — FOTO
Co Bayden

Co Baydendən transgenderlərə yaşıl işıq

22
Ağ Ev: Prezidentin bu gün imzaladığı sərəncama əsasən, xidmətə yararlı olan hər bir amerikalı ABŞ Silahlı Qüvvələrində xidmət edəcək.

BAKI, 25 yanvar - Sputnik. ABŞ prezidenti Co Bayden sələfi Donald Trampın ABŞ Silahlı Qüvvələrində transgenderlərin xidmətinə qoyduğu qadağanı ləğv edib.

Sputnik Azərbaycan xəbər verir ki, bu barədə məlumat Ağ Evdən yayılıb. Məlumatda deyilir: 

“Prezidentin bu gün imzaladığı sərəncama əsasən, xidmətə yararlı olan hər bir amerikalı ABŞ Silahlı Qüvvələrində xidmət edəcək. Co Bayden inanır ki, cinsiyyət hərbi xidmətə mane olmamalıdır”.

Qeyd edək ki, Ağ Evə gəldikdən qısa müddət sonra keçmiş prezident Donald Tramp transgenderlərin ABŞ ordusunda hər hansı bir vəzifə tutmasının əleyhinə olduğunu bəyan etmişdi.

2019-cu ildə ABŞ Müdafiə Nazirliyi transgenderlərin əksəriyyətinin ABŞ ordusunda xidmətini qadağan edən direktiv imzalayıb.

22
Teqlər:
Co Bayden
Plastik tullantılar, arxiv şəkli

Plastik tullantılardan insanları gözəlləşdirmək üçün istifadə edəcəklər

11
(Yenilənib 20:19 25.01.2021)
Elm adamları yüksək temperaturda və təzyiqdə sabit qaldığı, enerji çevrilməsi üçün əla bir material olduğu üçün perovskiti (kalsium titanat) seçiblər.

BAKI, 25 yanvar — Sputnik. Şimal-Qərb Universitetinin, Argonne Milli Laboratoriyasının və Eymes Laboratoriyasının alimləri plastik tullantıların təkrar emalı üçün yeni bir üsul icad ediblər.

Sputnik Azərbaycan xarici mətbuata istinadla xəbər verir ki, onun köməyi ilə zibil motor yağları, sürtkü yağları, yuyucu vasitələr və hətta kosmetika istehsalı üçün uyğun bir maye halında olan maddəyə çevrilə bilər.

Məlumdur ki, dünyada hər il 380 milyon ton plastik istehsal olunur. Mütəxəssislərin fikrincə, 2050-ci ilə qədər bu rəqəm dörd dəfə arta bilər. Məhsulların 75% -dən çoxu birdəfəlik istifadədən sonra atılır və ətrafa, o cümlədən çaylara, dənizlərə və okeanlara daxil olur.

Plastik tullantıları emalının müasir üsulları problemi həll edə bilməz. Birdəfəlik məhsullar əriyib emal edilə bilər. Amma nəticədə aşağı keyfiyyətli material alınır.

Yeni araşdırmanın müəllifləri məsələyə fərqli yanaşıblar.

Elm adamları yüksək temperaturda və təzyiqdə sabit qaldığı, enerji çevrilməsi üçün əla bir material olduğu üçün perovskiti (kalsium titanat) seçiblər.

Müəyyən şərtlərdə katalizator plastikin karbon-karbon bağını parçalayır və maye karbohidrogenlər əldə edilir. Belə bir maye müxtəlif texniki və ya kosmetik məhsulların istehsalı üçün uyğundur.

11
Kadir Doğulu və Neslihan Atagül

"Səfirin qızı" rolunun ifaçısı serialdan ayrılıb

0
(Yenilənib 06:58 26.01.2021)
Neslihan Atagülun son durumu "Instagram" izləyicilərini məyus edib və onlar aktrisaya şəfa diləyiblər.

BAKI, 26 yanvar — Sputnik. Səhhətində ciddi problemlər yarandığı üçün "Sefirin Kızı" serialından ayrılan Neslihan Atagül ilə bağlı yeni xəbər var.

Sputnik Azərbaycan xəbər verir ki, aktrisanın xəstəxanadan görüntüsü yayılıb. Onun bu halı "Instagram" izləyicilərini məyus edib və onlar aktrisaya şəfa diləyiblər. Aktrisa xəstəxanadan video çəkərək hazırda vəziyyətinin yaxşı olduğunu, müalicənin davam edəcəyini bildirib.

Məlumat üçün bildirək ki, gənc aktrisa bağırsaq sızması sindromundan əziyyət çəkir. Bu səbəbdən sürətlə arıqlayan Neslihan hətta çəkilişlərə son verib və "Sefirin kızı" serialından ayrılıb.

0