ABŞ prezidenti Donald Tramp və Türkiyə prezidenti Rəcəb Tayyib Ərdoğan, arxiv şəkli

Tramp Türkiyə ilə bütün əlaqələri kəsməyi planlaşdırıb

271
(Yenilənib 12:42 15.10.2018)
Dövlət katibi prezidenti inandıra bilib ki, bu addım hər iki ölkənin münasibətlərinə bərpa olunmayacaq səviyyədə zərbə vuracaq

BAKI, 15 oktyabr — Sputnik. ABŞ prezidenti Donald Tramp, rahib Endryu Branson azad edilənədək Türkiyədəki bütün diplomatları geri çağırmaq, bu ölkədəki səfirlik və diplomatik nümayəndəliklərini bağlamaq istəyib. Sputnik Azərbaycan xəbər verir ki, bu "ABC News" telekanalı Ağ Ev və Dövlət Departamentində olan mənbələrə istinadən məlumat yayıb.

Telekanalın məlumatına görə, Tramp Bransonla bağlı vəziyyətə görə Türkiyə lideri Rəcəb Tayyib Ərdoğana bərk hirslənib. Belə ki, Tramp, hətta ABŞ səfirlik və diplomatik nümayəndəliklərinin bağlanması barədə plan hazırlamağı tapşırıb.

Lakin Trampın ətrafı bu təşəbbüsü müxtəlif formada qarşılayıb. Belə ki, Administrasiya rəhbəri Con Kelli Türkiyədən yalnız yüksək ranqlı diplomatik personalın geri çağrılmasına istəyib. Lakin Trampın təhlükəsizlik üzrə müşaviri Con Bolton prezidenti tamamilə dəstəkləyib.

Dövlət katibi Mayk Pompeo isə bu ideyaya qarşı çıxıb. O, Trampı inandıra bilib ki, bu addım hər iki ölkənin münasibətlərinə bərpa olunmayacaq səviyyədə zərbə vuracaq.

Sonradan Dövlət Departamenti yayılan məlumatı təkzib edib. Ağ Ev isə məlumatı şərh etməkdən imtina edib.

Xatırladaq ki, oktyabrın 12-də Türkiyə məhkəməsi Birləşmiş Ştatlardan olan rahib Endryu Bransona 3 il, 1 ay 15 gün həbs cəzası verib. Branson həbsdə qaldığı müddət nəzərə alınaraq, təxliyə olunub. Məhkəmə onun Türkiyəni tərk etməsinə qoyulan qadağanı da ləğv edib və keşiş ölkəsinə geri dönüb.

Qeyd edək ki, Trampın Türkiyədəki səfirlik və diplomatik nümayəndəliklərini bağlamağı qəti şəkildə dəstəkləyən ABŞ Prezidentinin milli təhlükəsizlik üzrə müşaviri Con Bolton yaxın günlərdə Cənubi Qafqaza səfər edəcək.

"Oktyabrın 20-də təhlükəsizliklə bağlı bir sıra məsələlərdə ABŞ-ın maraqlarının təşviqi üçün həmkarlarımla və digər yüksək vəzifəli şəxslərlə görüşmək üçün Rusiya, Azərbaycan, Ermənistan və Gürcüstana səfər edəcəyəm" — Bolton öz "Twitter" səhifəsində yazıb.

Qeyd edək ki, 20 ildən çoxdur İzmirdə yaşayan amerikalı rahib E.Branson 2016-cı ildə dövlət çevrilişinə cəhd zamanı FETÖ hərəkatına yardım etməkdə və PKK-ya dəstək verməkdə ittiham olunaraq həbs edilib. Bu il iyulun 25-də isə ev dustağı edilib. ABŞ bunu səbəb göstərərək Türkiyəyə qarşı bir sıra sanksiyalar tətbiq edib. Prokuror Bransona 35 il cəza tələb edirdi.

Onun həbsindən sonra ABŞ Türkiyəyə qarşı bəzi sanksiyalar tətbiq edib.

271
Teqlər:
rahib Endryu Branson, Donald Tramp, diplomat, Ağ Ev, Türkiyə, ABŞ, səfirlik, prezident
Əlaqədar
ABŞ vitse-prezidenti: "Türkiyəyə gələ bilərik"
ABŞ PKK-nı qınadı, Türkiyə şoka düşdü
ABŞ Türkiyə ilə şantaj və təhdid dili ilə danışır – Ərdoğan
ABŞ-dan xüsusi dəstək alan Yunanıstan Türkiyəyə meydan oxudu

Əfsanəvi "Ceyms Bond" vəfat etdi

19
(Yenilənib 17:17 31.10.2020)
Şon Konneri bir şox məşhur rolların ifaçısıdır. Onun ən məşhur rollarından biri Ceyms Bond obrazıdır.

BAKI, 31 oktyabr - Sputnik. Şotland əsilli britaniyalı məşhur aktyor Şon Konneri vəfat edib. Bu barədə İngiltətə mətbuatı məlumat verib.

Ölümün səbəbi barədə məlumat verilmir.

Şon Konneri bir şox məşhur rolların ifaçısıdır. Onun ən məşhur rollarından biri Ceyms Bond obrazıdır.

Şon Konnerinin 90 yaşı var idi.

1988-ci ildə Konneri "Toxunulmazlar" qanqster dramındakı ikinci plan roluna görə "Oskar" və "Qızıl qlobus" mükafatlarını alıb. Ümumilikdə aktyorun üç "Qızıl alobus"u var".

19
Doktor, arxiv şəkli

Beş yüzdən çox türk həkim Qarabağa könüllü yollanmaq üçün Konsulluğa müraciət edib

18
(Yenilənib 15:58 31.10.2020)
"Türk həkimlər birliyi" platforması arxa cəbhədə xidmət etmək üçün "Qarabağ üçün könüllü ol" layihəsi çərçivəsində könüllü 504 həkimin müraciətini Azərbaycanın İstanbuldakı Baş konsulu Nərminə Mustafayevaya təqdim edib.

BAKI, 31 oktyabr — Sputnik. Türkiyədən 504 həkimin Dağlıq Qarabağda gedən hərbi əməliyyatlarla əlaqədar arxa cəbhədə könüllü xidmət etmək üçün Azərbaycanın İstanbuldakı Baş Konsulluğuna etdiyi müraciət qəbul olunub.

Sputnik Azərbaycan APA-ya istinadla xəbər verir ki, İstanbuldakı Baş Konsulluq həkimlərin müraciətlərinin Bakıya aidiyyəti qurumlara yönəldildiyini bildirib.

Qeyd edək ki, ötən gün "Türk həkimlər birliyi" platforması arxa cəbhədə xidmət etmək üçün "Qarabağ üçün könüllü ol" layihəsi çərçivəsində könüllü 504 həkimin müraciətini Azərbaycanın İstanbuldakı Baş konsulu Nərminə Mustafayevaya təqdim edib.

18
Fəhlə

Məcburi köçkünlər azad edilmiş torpaqlarda işlə təmin olunacaqlar

0
(Yenilənib 18:18 31.10.2020)
"Cari ilin 9 ayının nəticələrinə əsasən hazırda özünüməşğulluq proqramına cəlb edilmiş 8 mindən çox şəxsin içərisində minlərləsi məcburi köçkünlərdir"

BAKI, 31 oktyabr — Sputnik. Özünüməşğulluq proqramına cəlb olunan məcburi köçkünlər azad edilmiş torpaqlara qayıtmağa hazırlaşırlar. Sputnik Azərbaycan-ın məlumatına görə, bu barədə Dövlət Məşğulluq Agentliyinin (DMA) İdarə heyətinin sədr müavini Cəmaləddin Quliyev məlumat verib. O bildirib ki, özünüməşğulluq proqramı görünən odur ki, heç bir vətəndaşın kənarda qalmasına imkan verməyib. Bura məcburi köçkünlər də daxildir: "Qeyd edək ki, ölkə başçısının müvafiq sərəncam və tapşırıqlarına uyğun olaraq 2018-ci ildən proqramın əhatə dairəsi daha da genişləndirilib. Belə ki, 2018-ci ildə 7267, 2019-cu ildə 10 min 352 nəfər bu roqrama cəlb edilib".

DMA-nın İdarə heyətinin sədr müavini Cəmaləddin Quliyevin sözlərinə görə, cəlb olunanlar arasında məcburi köçkünlər də ön sıralarda gedirlər: "2018-ci ildə proqrama cəlb edilən məcburi köçkünlərin sayı 2 min, 2019-cu ildə 3 min yaxındır. Cari ilin 9 ayının nəticələrinə əsasən hazırda özünüməşğulluq proqramına cəlb edilmiş 8 mindən çox şəxsin içərisində minlərləsi məcburi köçkünlərdir".

0
Mövzu:
Azərbaycan və Ermənistan arasında müharibə