Hasan Tarım

İyirmi altı il öncə itkin düşən alpinist tapılıb

307
(Yenilənib 04:41 06.10.2018)
Qohumları onu boyunbağısından tanıyıblar

BAKI, 6 oktyabr — Sputnik. 1992-ci ildə 21 yaş olan zaman itkin düşən türkiyəli Həsən Tarım adlı alpinistin cəsədi tapılıb.

Sputnik Azərbaycan Türkiyə mətbuatına istinadən xəbər verir ki, Həsən Tarım alman dostu ilə Fransada Alp dağlarına dırmanıbmış. Alpinistlər qar uçqunu altında qalaraq, itkin düşüblər.

Hasan Tarım
Hasan Tarım

Bir neçə gün öncə alpinistlə əriyən buzların altından Hasan Tarımın cəsədini aşkarlayıblar. Ailəsi 26 il öncə itkin düşən alpinisti boyunbağısından tanıyıb. Artıq dəfn üçün hazırlıqlar başlayıb.

Həsənin qohumu mətbuata açıqlama verərək deyib ki, cəsəd buzun altında qaldığı üçün çox da çürüməyib: “Xəbəri alan kimi qardaşım Yusif Almaniyaya gedib. Həsənin boyunbağısından tanıyıb. Vətənə gətirib yurdunda dəfn edəcəyik”.

307
Teqlər:
Alp dağı, buzlaq, alpinist, itkin düşən, Fransa
Erməni hərbçiləri, arxiv şəkli

Rusiyalı hərbi ekspert: "Ermənistan Qarabağ müharibəsi zamanı hərbi cinayət törədib"

2
(Yenilənib 14:29 02.03.2021)
Ermənistan tərəfindən Azərbaycana raket zərbələri vurulan zaman yaradılan uçuş tapşırıqlarının hərbi obyektləri deyil, məhz şəhərləri vurması nəzərdə tutulurdu

Eldar Tanrıverdiyev, Sputnik Azərbaycan

BAKI, 2 mart — Sputnik. Ermənistan Qarabağ müharibəsi zamanı raket sistemlərindən Azərbaycan şəhərlərini vurmaq üçün istifadə edib. Beynəlxalq hüquq baxımından bu, hərbi cinayətdir. Sputnik Azərbaycan xəbər verir ki, bunu "Natsionalnaya oborona" jurnalının baş redaktoru, hərbi ekspert İqor Korotçenko "Sputnik"də canlı yayım zamanı bildirib.

"Çoxları deyirlər ki, müharibə zamanı bu və ya digər tərəf bir-birlərinin mülki obyektlərini vurub. Lakin burada çox önəmli nüans var. Əməliyyatlar döyüş zonasında gedən zaman vəziyyətdən asılı olaraq bu və ya digər silah sisteminin tətbiq edilməsi barədə qərar hərbi hissə və bölüyün komandiri tərəfindən verilir. Ona görə də bu vaxt döyüş əməliyyatları zonasında mülki obyektlərin vurulmasını istisna etmək olmaz", - deyə Koretçenko qeyd edib.

Rusiyalı ekspert vurğulayıb ki, raket sistemlərinə, xüsusilə operativ-taktiki sistemlərinə gəldikdə isə bunun üçün ölkə rəhbərliyinin razılığı lazımdır: "Bundan sonra hərbçilər uçuş tapşırığını hazırlayırlar. Bu uçuş tapşırığı raketin kompüterinə daxil edilir, hazırlıq görülür və raket buraxılır. Buna görə də Ermənistan tərəfindən Azərbaycana raket zərbələri vurulan zaman yaradılan uçuş tapşırıqlarının hərbi obyektləri deyil, məhz şəhərləri vurması nəzərdə tutulurdu. Nəzərə alsaq ki, müasir raket kompleksi hədəfə dəydiyi zaman böyük dağıntılara səbəb olur, Azərbaycanın iki şəhərinə Ermənistanın operativ taktiki raketlərlə hücum etməsi müharibə cinayətidir. Bu aksiyaların heç bir bəraəti ola bilməz".

2
Teqlər:
cinayət, hərbi, Ermənistan, Azərbaycanlı, Qarabağ, Sputnik, müsahibə, İqor Korotçenko
Little Big qrupunun üzvləri Sofya Tayurskaya və İlya Prusikin, arxiv şəkli

“Little Big” qrupunun sabiq solistinin meyitini tapdılar

7
(Yenilənib 13:49 02.03.2021)
Musiqi karyerasından əlavə, Kastelyanos tədbirlərdə aparıcılıq edər və filmlərdə çəkilərdi. “Little Big” qrupunun Rusiyada və Avropada qazandığı populyarlığın artmasına baxmayaraq, sənətçi 2016-cı ildə qrupdan ayrılmışdı.

BAKI, 2 mart — Sputnik. “Little Big” qrupunun sabiq üzvü Anna Kastelyanos evində ölmüş vəziyyətdə tapılıb.

Sputnik Azərbaycan xarici mediaya istinadən xəbər veriri ki, 40 yaşlı müğənninin meyitini Sankt-Peterburq şəhərindəki mənzilində könüllü aşkarlayıb. Onun ölüm səbəbi açıqlanmır.

Qeyd edək ki, Kastelyanos üçüncü qrup əlil idi, son yarım ildə isə o, yataq xəstəsi olmuşdu.

Musiqi karyerasından əlavə,  Kastelyanos tədbirlərdə aparıcılıq edər və filmlərdə çəkilərdi. “Little Big” qrupunun Rusiyada və Avropada qazandığı populyarlığın artmasına baxmayaraq, sənətçi 2016-cı ildə qrupdan ayrılmışdı.

 

7
Teqlər:
Rusiya, meyit, ölü, müğənni