Pakistanda küçə taciri

Xarabalıqda yaşayır günə 7 manat qazanır, amma hesabında 18 milyon olub

446
(Yenilənib 20:57 05.10.2018)
Federal Təhqiqatlar Agentliyi Muhammad Abdul Qadiri çağıraraq hesabındakı milyardları hara etdiyini soruşub

BAKI, 5 oktyabr — Sputnik. Pakistanın Kəraçi şəhərindən olan kasıb tacirin bank hesabından 2,3 milyard Pakistan rupisi (təxminən 18 milyon dollar) tapılıb. Sputnik Azərbaycan xarici mediaya istinadla xəbər verir ki, bu barədə The Guardian nəşri yazıb.

52 yaşlı Muhammad Abdul Qadir xarabalıqlarda yaşayır və bu yaxınlara qədər faluda  (çəhrayı sirop, süd və vermeşildən hazırlanmış şirin desert) sataraq gündəlik 500 Pakistan rupisi (7 manat) qazanıb. Federal Təhqiqatlar Agentliyi (FIA) onu sorğuya çağıranadək zəngin olduğu barədə heç nə bilməyib.

Xüsusi xidmət orqanları iki il əvvəl onun bank hesabına nəzər yetirməyə başlayıblar. Bu hesab 2014-2015-ci illərdə aktiv olub və kimsə 2016-cı ildə oradan bütün pulları çıxarıb. Qadir bildirir ki, bütün bunlar ondan xəbərsiz baş verib. O, buna sübut olaraq kasıb komasına baxmağı təklif edib. "Hesabımda milyardlar olsaydı, mən bu qədər kasıb həyat tərzi sürərdim?!" — deyə faluda satıcısı bildirib. O qeyd edib ki, savadı yoxdur və hətta bank sənədlərinə imzanın necə atıldığını belə bilmir.

Federal Təhqiqatlar Agentliyi Qadirin adına açılmış hesabdan kirli pulların yuyulması üçün istifadə edildiyindən şübhələnir. Hüquq-mühafizə orqanlarının əməkdaşları milyardlarla Pakistan rupisinin gəlib keçdiyi 77 belə hesabı müəyyən ediblər. Həmin hesablar heç kəsdə şübhə oyatmayan aztəminatlı işçilərin, yaxud da gözətçilərin adına açılıb. Cinayətkarlar onların sənədlərindən öz məqsədləri üçün istifadə ediblər. Həmin cinayətkar sxemdə Pakistanın keçmiş prezidenti Asif Əli Zərdarinin də iştirak etdiyi ehtimal olunur.

"Mən dünyanın ən uğursuz adamıyam. Hesabımda o qədər pul olub, amma mən bundan xəbər tutanda artıq o pullar yox idi" — deyə Qadir bildirib. İndi insanlar onu "milyarder" deyə ələ salırlar. O, qorxur ki, onun varlı olduğuna dair söhbətlər adamları oğurlayaraq pul tələb edən banditlərə gedib çatar. Baxmayaraq ki, Qadir artıq vaxtilə hesabında olmuş milyardlardan məhrumdur, anasının məsləhətinə əsasən küçələrdə görünmür.

446
Teqlər:
Asif Əli Zərdari, "The Guardian" qəzeti, bank hesabı, fırıldaq, milyarder, Pakistan
Neft platforması, arxiv şəkli

Niyə məhz indi? Bakı Aşqabadın razılaşması nədən xəbər verir

11
(Yenilənib 13:54 22.01.2021)
"Ola bilər ki, Dağlıq Qarabağ münaqişəsinin indiyə qədər həll olunmaması Türkmənistan tərəfində təhlükəsizliklə bağlı müəyyən narahatlıqlar yaradırdı"

Eldar Tanrıverdiyev, Sputnik Azərbaycan

BAKI, 22 yanvar — Sputnik. Mütəxəssislər Azərbaycan və Türkmənistan arasında ötən gün əldə olunan Xəzər dənizində "Dostluq" yatağının karbohidrogen resurslarının birgə kəşfiyyatı, işlənilməsi və mənimsənilməsi haqqında Anlaşma Memorandumunu tarixi hadisə adlandırırlar. Belə ki, bu anlaşma Xəzər dənizində uzun illərdir Kəpəz/Sərdar yatağı üzrə mübahisələrə son qoymaqla yanaşı, iki ölkə - Azərbaycan və Türkmənistan arasında olan əlaqələri daha üst mərhələyə çıxarmağa imkan verəcək.

Təsadüfi deyil ki, Azərbaycan Prezident İlham Əliyev Anlaşma Memorandumunu tarixi sənəd adlandırıb və qeyd edib ki, bu yataq, həmçinin yataqdakı iş ölkələrimiz və xalqlarımızı daha da yaxınlaşdıracaq, həm Türkmənistan, həm də Azərbaycan xalqlarına xeyir gətirəcək.

Sputnik Azərbaycan Anlaşma Memorandumu, onun əhəmiyyəti və bu memorandumun niyə məhz indi imzalanması ilə bağlı "Cənubi Qafqaz" siyasi klubunun rəhbəri, politoloq İlqar Vəlizadə ilə həmsöhbət olub.

Politoloq qeyd edib ki, bu memorandumun indi imzalanması ondan xəbər verir ki, Azərbaycan və Türkmənistan bununla bağlı artıq bir neçə ildir danışıqlar aparıblar. Onun sözlərinə görə, birdən-birə belə bir razılaşma ərsəyə gələ bilməz: "Niyə məhz indi? Yəqin ki, bununla bağlı bir sıra nüanslar var. Ehtimal edirəm ki, onlardan biri də təhlükəsizliklə bağlı məsələlər idi. Ola bilər ki, Dağlıq Qarabağ münaqişəsinin indiyə qədər həll olunmaması Türkmənistan tərəfində təhlükəsizliklə bağlı müəyyən narahatlıqlar yaradırdı. Çünki bu, Kəpəz/Sərdar – indiki adı ilə "Dostluq" yatağının işlənməsi və hasil ediləcək resursların ixracı üçün müəyyən risklər yaradırdı.

Aydındır ki, ixrac üçün ən optimal istiqamət Qərb – Avropadır. Həmçinin bu istiqamət üzrə Azərbaycan və digər ölkələr də daxil olmaqla hazır infrastruktur layihələri var. Yəni yeni bir infrastruktur layihəsinin qurulmasına ehtiyac yoxdur. Ona görə də hazır xammalın xarici bazarlara daşınması üçün yaxşı imkan var. Bu memorandumun Dağlıq Qarabağ münaqişəsinin nizamlanmasından qısa müddət sonra imzalanması artıq Türkmənistan rəhbərliyinin təhlükəsizliklə bağlı narahatlığının sona çatması kimi də dəyərləndirilə bilər".

"Cənubi Qafqaz" siyasi klubunun rəhbəri qeyd edib ki, rəsmi Bakı hələ on il əvvəl Aşqabada "Dostluq" yatağının birgə işlənməsini təklif edib: "Bu təklifdə yatağın bərabərhüquqlu şəkildə istismarı, hasilatın bərabər bölünməsi yer alır. Üç il bundan əvvəl – 2018-ci ilin martında İran Prezidenti Həsən Ruhaninin Azərbaycana səfəri zamanı bu memoranduma bənzər razılaşma - həmsərhəd zonada yerləşən yataqların birgə istismarına dair razılaşma İran tərəfi ilə də imzalanmışdı. Lakin İranla bağlı beynəlxalq proseslərə (ABŞ-ın nüvə razılaşmasından çıxması, İrana qarşı sanksiyaların tətbiqi – red.) görə yataqların işlənməsi istiqamətində heç bir praktiki addımlar atılmayıb. Amma "Dostluq" yatağının istismarı üçün belə maneələr yoxdur".

İlqar Vəlizadə vurğulayıb ki, Azərbaycan və Tükmənistanın əldə etdiyi razılaşmanın başqa bir əhəmiyyəti isə bundan ibarətdir ki, bu yataq Trans-Xəzər qaz layihəsinin həyata keçirilməsi üçün təkan verə bilər: ""Dostluq" yatağında 50-100 milyon ton neft, 30 milyard kub metr qaz ehtiyatları var. Bu, təbii sərvətlərlə kifayət qədər zəngin yataqdır. Bu yataqdan çıxarılan qazın Cənubi Qaz Dəhlizi layihəsi ilə Qərbə - Avropaya tədarükü də realdır. Bu isə Cənub Qaz Dəhlizi layihəsinin, ümumilikdə Avropanın enerji təhlükəsizliyi baxımından Qafqaz regionunun əhəmiyyətini artırır. Bundan əlavə, Azərbaycanı artıq neft-qaz ixracatçısından əlavə, bir enerji habına, tranzit ölkəsinə çevirəcək".

11
Teqlər:
təhlükəsizlik, ekspert, qaz, neft, yataq, qərar, Türkmənistan, Azərbaycan
Bayraq festivalı

"Eşkiya dünyaya hökmdar olmaz"ın İlyas Çakırbeylisi Azərbaycan gerbini hazırladı

27
(Yenilənib 00:43 22.01.2021)
Məşhur aktyor iş prossesini özünün "instagram" hesabında paylaşım edib: "Yavaş-yavaş, ehtiyatla, öyrənə-öyrənə.... Sakitlik hər zaman mümkündür. Nə edəcəyini bil yetər".

BAKI, 22 yanvar — Sputnik. "Eşkiya dünyaya hökmdar olmaz" serialında İlyas Çakırbeyli rolunu canlandıran Ozan Akaba Azərbaycanın milli gerbini hazırlayıb.

Sputnik Azərbaycan xəbər verir ki, məşhur aktyor iş prossesini özünün "Instagram" hesabında paylaşıb. Aktyor "yavaş-yavaş, ehtiyatla, öyrənə-öyrənə.... Sakitlik hər zaman mümkündür. Nə edəcəyini bil yetər" yazıb. Azərbaycandan olan izləyicilər aktyora xoş rəylər yazıblar.

View this post on Instagram

A post shared by Ozan Akbaba (@ozanakbaba)

Qeyd edək ki, aktyor "Aman Reis Duymasın", "Abluka", "Mutlak Adalet", "Krallar Kulübü", "Kadir ve Kardeşleri" və s. filmləri ilə məşhurdur.

27
Bakıda park edilmiş avtomobillər, arxiv şəkli

Bir qərarla yüz minlərlə sürücünü sevindirəcəklər

0
(Yenilənib 14:15 22.01.2021)
Dayanma və durma qaydalarının pozulmasına görə cərimənin tətbiq edilməsi qaydası dəyişir. Bununla bağlı İnzibati Xətalar Məcəlləsinə dəyişiklik təklif edilir

BAKI, 22 yanvar — Sputnik. Dayanma və durma qaydalarının pozulmasına görə cərimənin tətbiq edilməsi qaydası dəyişir.

Sputnik Azərbaycan-ın məlumatına görə, bununla bağlı İnzibati Xətalar Məcəlləsinə dəyişiklik təklif edilir.

Dəyişiklik Milli Məclisin yaz sessiyasında müzakirəyə çıxarılacaq.

Dəyişikliyə görə, Məcəlləyə yeni qeyd əlavə edilir. Həmin qeydə əsasən, şəxs bu Məcəllənin 346-cı maddəsində nəzərdə tutulmuş eyni inzibati xətanın törədilməsinə görə gün ərzində təkrar inzibati məsuliyyətə cəlb oluna bilməz.

Qeyd edək ki, 346-cı maddə dayanma və ya durma qaydalarının pozulmasını əks etdirir və buna görə iyirmi manat məbləğində cərimə nəzərdə tutulur.

0
Teqlər:
sürücü, cərimə, parkinq