Dünyanı idarə edən 1 nömrəli polis özü itkin düşdü

BAKI, 5 oktyabr — Sputnik. Fransa polisi "İnterpol"un rəhbəri Men Xunveyin itkin düşməsi faktı ilə bağlı araşdırmalara başlayıb. Bu barədə Sputnik Azərbaycan "Independent" nəşrinə istinadən xəbər verir.

© AFP 2019 / ROSLAN RAHMAN

Men Hunvey

Məlumatda bildirilir ki, 64 yaşlı Men Xunvey son bir həftədir əlaqəyə çıxmır. Sonuncu dəfə onu sentyabrın 29-u Çinə gedərkən görüblər.

Onun itkin düşməsi barədə ərizəni polisə Xunveyin Lionda yaşayan həyat yoldaşı verib.

2016-cı ildə Çinin ictimai təhlükəsizlik nazirinin müavini Men Xunvey "İnterpol"un prezidenti seçilib.